Dimatekenu 2:7 - O Mikanda Ikola

⁷ Jihova Nzambi anga úmba muthu ni mavu ma bhoxi, anga u mu bhusila mu mazulu o mûha ua muenhu; o muthu anga u di bhanga muthu ua muenhu.

Dimatekenu 2:7 ပူးပေါင်းရင်းမြစ်များ

Dimatekenu 1:27

Nzambi anga u bhanga muthu mu kidifuanganu kiê, mu kidifuanganu kiê muene mua mu iudika; iú u kala diiala, iú u kala muhatu kia a bhanga.

Dimatekenu 2:6

Maji-phe bhu kala mbundu ienda ni kubanda mu ngongo, anga i tekela mikáu ioso.

Dimatekenu 3:19

ku suualu ia pholo ié kuene ku ua kà dia o mbolo ié, katé ki ua kà vutuka ku mavu; mukonda kuene ku ua tundile; kuma eie uala u mavu, ku mavu kuene ku ua kà vutukila.

Dimatekenu 3:23

mukonda dia kiki, Jihova Nzambi ua mu kaie mu díbhia dia Edene, phala aie mu dima o mavu kua mu katuile.

Dimatekenu 7:22

O ioso ia kexile ni muha ua muenhu ua kubuima mu mazulu mâ, ku kanga ku mavu a kukuta, anga i fua.

Jobe 27:3

Kioso momuʼami ki mu kala hanji muenhu ni mulenge ua Nzambi mu dizulu diami,

Jobe 33:4

Nzumbi ia Nzambi iene ia ngi bhange; o mulenge ua Muteni-a-Ioso uene ua ngi bhana o muenhu.

Jobe 33:6

Tala, eme ue nga tundu kua Nzambi, kala eie; eme uami ue a ngʼumbu ni mavu.

Jobe 4:19

Kuambe dingi ió a tunga mu jinzu ja malôua, jôʼtunge ngó mu fufuta ia mavu, a bhingi a a sasujula mukuá ni kabamba!

Jisálamu 100:3

Ijiienu-kiu, kuma Jihova muene Nzambi; muene ua tu bhanga, muene ua tu vu; etu tu mundu uê tua mu tokala, tu jimbudi jê, muene uala ku tu inga.

Jisálamu 103:14

Mbata uejiia kioso kia tu sokejeka, u lembalala kuma tuala tu mavu.

Jisabhu 20:27

O kitongoluelu kia muthu, kene o kandeia ka uika Jihova moxi dia muthu, mbé o ku mu tukuluila ioso ia suama kʼoxi dia muẋima.

Ndongixi 12:7

O fufuta ni i vutukila ku mavu kala ki ia kexile, o nzumbi anga i vutukila kua Nzambi ua i bhele.

Ndongixi 3:7

Sai thembu ia kutandula, ni thembu ia kutunga; sai kithangana kia kuzuela ni kithangana kia ku di xibha.

Izaía 2:22

Kala kiki-phe, o muthu uala ngoho ni mulenge ua kubhuimina mu dizulu diê, mu sondolokienu. Mukonda muene ue a mu ximana ni kima kiahi?

Izaía 64:8

Maji kindala-phe, Jihova eiʼeie u Tatʼetu; etu tu utuma, eiʼeie u ngumbi ietu; etu ene-oso tu kibhangelu kia maku mé.

Kuditenda 4:20

O na tudilu dia kubhuima kuetu a tu ûndila-nê kua Jihova, a mu kuatela mu madiela mâ; o muene-phe, muene tua mu edile, tuixi; né kiá ki tu bhinga ku xalela muʼaxaxe ka akua jixi, tua kà kala mu kilembeketa kia muene.

Izekiiele 37:5

O Jihova Nzambi ua tange kiki ku ifuba iii, uixi: Talesenu, nga-nda ku bokuesa o nzumbi momuenu, anga muiza dingi ku muenhu.

Izekiiele 37:6

Nga kà ta dingi o mixibha ku thandu dienu, hé ngi bhangesa kuila o xitu i sabhuka dingi ku thandu dienu, anga o ku thandu dienu nga kà zala-ku dingi o kikonda, hé ngi tá o nzumbi mʼoxi dienu, anga mua kʼèza dingi ku muenhu, nda mu kʼijiie kuila emeʼeme ngi Jihova.

Zakadiia 12:1

O mabatuilu ma Jihova ma bilukila Izalaiele. Jihova ua zala o diulu, iú ua te o madisesa ma ixi anga u bhanga o nzumbi ia muthu moxi diê, ua zuela, uixi:

Dialuilu 16:22

Maji-phe ene a di ṗhudikila o jipholo jâ bhoxi, anga ela exi: Uá! Nzambi, tata! Eie u Nzambi ia jinzumbi ja xitu ioso, abha mukonda dia muthu umoxi ua-te o kituxi, eie u thathamena kiavulu kiki o kilômbo kiosuʼiki?

Dialuilu 27:16

Jihova, Nzambi ia jinzumbi ja xitu ioso, a xinde muthu, u xala mu kulanga o kilômbo,

Nzuá 20:22

O kia zuela kiki, u bhusa ku thandu diâ, uixi: Tambulenu o Nzumbi Ikôla!

Jipoxolo 17:25

Kene kubhanduluka ku maku ma athu, kala Muène ua tate, mukonda Muène u bhana oso o kukola o muenhu ni kubhuima, ni kumona ima ioso.

Loma 9:20

Maji eie nanhi, kamba diami, eie u muthu u kuata phata ni Nzambi? Manhi o imbia ia utuma ibhula ió ua i bhange, kuila: Eie ua ngi bhangela-hi kiki?

I Kolindo 15:45

Mukonda o Mikanda Ikôla, iexi: Adá ia diangele-ku, a mu bhangele mukutu u bhuima. Maji o Adá ia sukidila-ku, Nzumbi i bhana muenhu.

I Kolindo 15:47

O Adá ia diangele-ku, a mu bhangele ni mavu ma bhoxi, o Adá ia kaiela-ku ua tundile mu diulu.

II Kolindo 4:7

O umvama uenhú-phe etu tuala na-u tuedi kala tu itutu ia mavu a hatu, phala kulondekeza kuila o nguzu i lenda ioso itunda kua Nzambi, ki ietu etu, kana.

II Kolindo 5:1

Mukonda tua kʼijiia kuila kioso kia-nda kubudika o fundu iii mu tua tungu, uene o mukutu uetu mu ngongo mumu, Nzambi ku diulu hinu ua kà tu bhana inzu mu tu tunga. Inzuʼoio-phe a i tungu kuala Nzambi muene, i xalela-ku kiá katé ku hadia ni hadia.

I Timote 2:13

Kuma a diangele ku mu bhanga Adá, Eva ua kaiela.

Jihebeleu 12:9

Ku mbandu ia jitata jetu mu xitu, ene a kexile mu tu beta, etu-phe anga tu kala mu ku a xila. Kala kiki-phe, kia tu tokala kutumaka, kiala kota o Tata ietu mu nzumbi, phala tu mone muenhu!