Dimatekenu 2:3 - O Mikanda Ikola

³ Nzambi anga u ta kizediuise ku kizuua kia kasambuadi, anga u ki kôlesa; mukonda kiene kizuua kia nhoha mu kukalakala kuê, kua ima ioso ia bhanga ia iudika Nzambi.

Dimatekenu 2:3 ပူးပေါင်းရင်းမြစ်များ

Dimatekenu 1:31

Nzambi anga u mona ima ioso ia iudika, kuma ia uabha muene kiavulu. Anga ku kala ngoloxi ni kimene, kizuua kia kasamanu.

Dimatekenu 2:2

O mu kizuua kia kasambuadi Nzambi kia zubha kukalakala kuê, u nhoha kizuua kia kasambuadi, o kikalakalu kiê kia bhange kiabhu.

Dimatekenu 2:4

Enhá ene o malunda ma diulu ni ixi kioso kia i bhanga, o kizuua kia iudika Jihova Nzambi ixi mi diulu.

Nehemiia 9:14

Anga u a ejidisa o sabhalu ié ikôla; hé u a tumikisa o matendelelu, ni jingonge, ni ijila, ni kitumu mu ukunji ua mubhikʼé Mozé.

Makatukilu 23:12

Izuua isamanu i u kalakala o thonga ié ioso, kia kasambuadi-phe u ki nhoha; phala ni ngombe ié ni bulu ié i nhohe; phala ue ni monʼa kahatu kê ni nzuángiza a sunge nguzu ióbhe.

Makatukilu 34:21

Izuua isamanu i u kalakala, kia kasambuadi-phe u ki nhoha, kixi bhu thembu ia kudima, kixi bhu thembu ia kumuna, u ki nhoha muene.

Jisabhu 10:22

Dibesá dia Ngana diene di muesa jimbongo; o umvuama u tunda kua muene ki u bheka dilamba.

Izekiiele 20:12

Nga a bhana ue o jisabhalu jami, mbé ji kale kijimbuete bhu kaxi kami ni ene; phala a tene kuijiia kuila emiʼeme ngi Jihova ngi tena ku a zelesa.

Ijila 23:3

Ikalakalu ia tokala izuua isamanu, maji o kia sambuadi kikale jinge sabhalu ia dinhohenu, kionge kikôla; ki bhu kale midimu ia kima; ikale sabhulu iangene ia Jihova, ku madiembu menu moso-lolo.

Marku 2:27

Anga Jezú ua ambela, uixi: O sabhalu a i bhangela o muthu; muthu ka mu bhangela o sabhalu.

Luka 23:56

Anga a vutuka ku bhata, hé a iudika ima ia uabha o mazumba phala o mukutu ua Jezú. Kia Sábhalu anga a ki nhoha, kala kia tumu o kijila.