Dimatekenu 2:2 - O Mikanda Ikola

² O mu kizuua kia kasambuadi Nzambi kia zubha kukalakala kuê, u nhoha kizuua kia kasambuadi, o kikalakalu kiê kia bhange kiabhu.

Dimatekenu 2:2 ပူးပေါင်းရင်းမြစ်များ

Dimatekenu 1:31

Nzambi anga u mona ima ioso ia iudika, kuma ia uabha muene kiavulu. Anga ku kala ngoloxi ni kimene, kizuua kia kasamanu.

Dimatekenu 2:3

Nzambi anga u ta kizediuise ku kizuua kia kasambuadi, anga u ki kôlesa; mukonda kiene kizuua kia nhoha mu kukalakala kuê, kua ima ioso ia bhanga ia iudika Nzambi.

Makatukilu 23:12

Izuua isamanu i u kalakala o thonga ié ioso, kia kasambuadi-phe u ki nhoha; phala ni ngombe ié ni bulu ié i nhohe; phala ue ni monʼa kahatu kê ni nzuángiza a sunge nguzu ióbhe.

Makatukilu 31:15

Mu kalakala mu izuua isamanu, o kia kasambuadi-phe kiene kia sabhalu ia dinhohenu di kôla; ki kôla kua Jihova; o uoso u bhanga kima kioso-kioso mu kizuua kia Sabhalu, muthu ua ku mu jibha.

Makatukilu 31:17

Kikale kijimbuete bhu kaẋi ka eme ni anʼa Izalaiele sé dizubhilu; kuma Jihova ua kalakala diulu ni ixi mu izuua isamanu, o kia sambuadi anga u ki nhoha, u sunga nguzu, anga u tululuka.

Izaía 58:13

Se kinama kié u ki vutula ku sabhalu, ufula kubhanga o vondadi ié eʼmuène mu kizuua kiami kikôla, o sabhalu anga u ixana mbote kuma kizuua kiangene kiakolesa Jihova, kia ujitu, o kiene anga u ki xila, hé u fula kukaiela jinjila jé eʼmuène,

Nzuá 5:17

Jezú-phe ua a vutuila, uixi: Tata iami ua mu kalakala katé kindala; eme uami ngi kalakala.

Matendelelu 5:14

Maji o kizuua kia kasambuadi kiangene kia Jihova, Nzambi ié; mu kizuua kiki kana kukalakala-mu, né eʼmuène, né monʼé ua diiala mba ua muhatu, né selevende ié ia diiala mba ia muhatu, mba ngombe ié, mba kabulu ké, mba kibhaku kioso-kioso kia ku tokala, mba musonhi ua ku tula ku lumbu lué; mbé o selevende ié ia diiala ni ia muhatu anhohe-ku ue kala ki ua nhoha eie.

Jihebeleu 4:10

Kuma uoso ua bokona mu dinhohenu dia Nzambi, ua zumbuka ku ikalakalu iê, uila kia zumbukile Nzambi ku kikalakalu kiê.

Jihebeleu 4:4

Kuma sai ni bhuma bhua tange o kizuua kia kasambuadi, mu Mikanda Ikôla, uixi: Nzambi anga u nhoha kizuua kia kasambuadi, u zumbuka ku ikalakalu iê ioso.