Dimatekenu 2:17 - O Mikanda Ikola

¹⁷ maji ku muẋi-phe ua kuijiia kiauabha ni kiaiibha kana kudia-ku; mukonda o kizuua ki ua kà dia-ku, ijiia na-kiu kuma ua kà fua muene.

Dimatekenu 2:17 ပူးပေါင်းရင်းမြစ်များ

Dimatekenu 2:9

Jihova Nzambi anga u sabhukisa mu mavu mbutu ioso ia miẋi ia uabha ku mesu, ia uabha ue ku i dia; mu kaẋi ka díbhia mu kala ue ni muẋi ua muenhu, ni muẋi ua kuijiia kiauabha ni kiaiibha.

Dimatekenu 20:7

Kiki-phe mukaji a ngene mu bheke kua muadi uê, kuma muene polofeta, a ku diondele phala u laie; o ki u kamba ku mu bheka, ijiia na-kiu kuma u fua muene sé kufula, ni eie muene ni dibhata dioso dia ku tokala.

Dimatekenu 3:11

Kuala Nzambi: Nanhi ua ku tangela-kiu, kuma eie uala tuẋi? O kuila uadi ku muẋi u nga ku kidika, ngixi kana kudia-ku?

Dimatekenu 3:17

Anga u ambela Adá, uixi: Mukonda eie uevu dízui dia muhetuʼé, eie ua di ku muẋi u nga ku kidika, ngixi kana kudia-ku; mavu-phe a a te mázui mukonda diʼeie, u dia-ku ni lamba, izuua ioso ia muenhu ué;

Dimatekenu 3:19

ku suualu ia pholo ié kuene ku ua kà dia o mbolo ié, katé ki ua kà vutuka ku mavu; mukonda kuene ku ua tundile; kuma eie uala u mavu, ku mavu kuene ku ua kà vutukila.

I Jisobha 2:37

Kuma kizuua kioso ki u tunda-mu, anga u záuka o honga ia Kidalone, ijiia na-kiu kuma ki kala kizuua kié kia kúfua; o manhinga mé mà kala ku thandu dia mútue ué eʼmuène.

I Jisobha 2:42

Muenexi anga u tuma kuixana Simeii, uixi: Manhi eme ki nga ku lokesele mu dijina dia Jihova, hé ngi ku xinda, ngixi: Ijiia na-kiu kuma kizuua kioso ki u tunda mu mbanza ia Jeluzaleme, ki uia mu kuenda njila ioso-ioso, ki kala kizuua kié kia kufua? Eie anga u ngi vutuila, uixi: Kiauabha kiambote, kizuelu kié nga kʼivu:

Jelemiia 26:8

Anga ki bhita kuila kioso-phe Jelemiia kia zubha kuzuela ima ioso ia muʼambelele Jihova kuila tangela-iu mundu uoso, ni jinganga, ni jipolofeta ni mundu uoso, a mu kuata, exi: Ni kidi kiene eie u fua.

Izekiiele 18:13

Kitadi u ki sobhesa ni kuvualesa, o mu kutambula kikale ku di ta, manhi muenhó u laia? Lémbue, ka tena kukola muenhu; muthu ua bhange isunji ioso iii, ni kidi kiene, u fua muene; o manhinga mê ma kà kala ku thandu diê-muène.

Izekiiele 18:32

Mukonda eme ki ngene ku uabhela kalunga ka muthu uoso u fua; dielenu-phe, nda mu kale ni muenhu, Jihova ua ki tange.

Izekiiele 18:4

Talesenu, o mienhu ioso iami eme-muène; kala o muenhu ua tata, ni muenhu ua mona uami-eme; muenhu uoso u ta o kituxi, uene u fua.

Izekiiele 33:14

Kioso eme ue ki ngiia o mukua phulu, ngixi: Ni kidi kiene ua-nda kufua; o muene hé u diela o kituxi kiê, anga u bhanga mabatuilu a kidi ni kuiuka,

Izekiiele 33:8

Eme kioso ki ngiia o mukua phulu: Eʼmukua phulu, ua-ndo-fua, ni kidi muene; eie hé u kamba kuzuela, phala kuvutula o mukua phulu ku njila iê, mukua phulu iú ua kà fua muene mu kikuma kiê, maji o manhinga mê, eme nga kà mʼèbhula bhu lukauku luè-eie.

Dialuilu 26:65

Mukonda Jihova ua ki ambele, uixi: Enhá kidi muene a kà fuila mu kikangalakata. Ni muthu ngó ka subhuka-ku, kale ngó Kalebe dia Jefune ni Josuué dia Nune; ene ngó a subhuka.

Loma 1:32

Athu kala kiki, sumbala kijila kia Nzambi a kʼ ijiia, kuma oso akua kubhanga ima kala íii, a tokala kufua, u sanga hanji a jijila o ku i bhanga. O kia di te-ku,—ka i bhange ngó ene,—maji ni athu engi kia a mona ia a i bhanga, ene a a suinisa.

Loma 6:16

Mukonda mua kʼijiia kuma kuoso ku mua di bhakula mu kubhika, muala mu abhika a muthu muenʼió uoso mua mu belesela. Kiene enu ue, kikale ituxi mua i bhikila ni mu fu, mba kikale o kutumaka Nzambi, ni a mi xikine ni mu kale mu athu mua iuka.

Loma 6:23

Kuma o futu ia ituxi kufua. Maji o ujitu-phe ua Nzambi muenhu ki uabhua, mua Kristu Jezú, Ngana ietu.

Loma 8:2

Kuma o Kitumu kia Nzumbi ia Nzambi kia tu bhekela muenhu mua Kristu Jezú, kia ngi bhana ufolo ku kitumu kia ituxi ni kalunga.

I Kolindo 15:22

Uila ene oso kia fuila mua Adá, kiene ue kia phaphumukina ene oso mua Kristu.

I Kolindo 15:56

O munomo ua kulunga phala ku tena kujibha, o ituxi; o nguzu ia ituxi, o Kitumu.

Ngalásia 3:10

Oso-phe a dielela mu kutumaka o imbamba ia Kitumu, ala ni mázui ma Nzambi ku thandu diâ. Kuma kiosoneke mu Mikanda Ikôla, exi: Uoso u kamba kuenda ni kubhanga ima ioso iosoneke mu Divulu dia Kitumu, uala ni mázui ma Nzambi ku thandu diê!

Efezo 5:14

Mukonda kioso ki di tukulula mua zele, ki di bhanga mukengeji. Kiene kia ki ambela, exi: Phaphumuka eie uaii ku kilu, u fukunuke mu ʼalunga, kristu nda a ku bhake mua zele.

Matendelelu 27:26

Lamba dia ió uoso ufula kuẋikina kiambe o kitumu kiki, anga udituna ku ki kumbidila. Mundu uoso a kèla: Amén!

Matendelelu 30:15

Ua ki mono-phe, kuma, lelu ngala ku ku tudila o muenhu ni mbote ku mbandu kuku; ngala ku ku tudila ue o kúfua ni ʼlamba ku mbandu iamukuá.

Matendelelu 30:19

Ni diulu ni oxi a ngi kale jimbangi, kuma nga ku tudila lelu o muenhu ni kúfua; nga ku tudila ue o kuzediua, ni kuxixima, sola-phe muenhu, nda u laie, nʼeie ni mbutu ié.

Kolose 2:13

Sumbala mʼokulu mu nzumbi enu mua kexile mu madifundu mu ikuma ienu, ni kukamba ku mi saia o dibôlo dienu dia xitu. Maji leluʼidi Nzambi ua mi phaphumuna iú ua mi bheka dingi ku muenhu kumoxi ni Kristu. Muene ua tu loloka o ikuma ietu ioso.

I Timote 5:6

Mutudi uoso-phe ua baluka mù bhanga o jivondadi jê, ió uafu kia nè-mbe ualʼê ku muenhu.

Tiiaku 1:15

Kienhiki, o hânji iaiibha ienhiʼii, ki i zubha o kuimita, i vuala kituxi. O kituxi kʼila kiza ku kitala, ki vuala kalunga.

I Nzuá 5:16

Se muthu u mona phangʼiê uala mu ta kituxi, maji ki kituxi kia kúfua, a mu bhingile, Nzambi nda a mu bhane muenhu muenhó uoso u ta kituxi, ki kituxi kia kúfua. Sai-ku kituxi kia kúfua; ki kiene-phe eme ki nga mi ambela kuila mu ki bhingila.

Dijingunuinu 2:11

Kala kiki, uoso uala ni dítui, évue kioso Nzumbi ia Nzambi kia jimbuila o Jingeleja! Uoso u tolola, kalunga ka kaiadi ki kà tena ku mu kuama.

Dijingunuinu 20:14

O kùfua, ni kalungʼa-ngombe, anga a a takula mu kizanga kia túbhia. (O kizanga kia tubhʼiki, kuene o kùfua kua kaiadi).

Dijingunuinu 20:6

A zediua, ia a lunguâ kiavulu muene, ió oso a mona mbandu iâ mu difukunukinu didi dia dianga. Enhó, o kalunga ka kaiadi, ki ka a tena dingi. A kà kala jinganga ja Nzambi ni ja Kristu, a kalanê ku ungana midi ia mivu.

Dijingunuinu 21:8

Maji oso-phe akua uôma, akua phulu, a bhanga isunji, ijibhanganga, jindumbu, ni aloji ni abhezi a itèka, ni akua makutu oso, o mbandu iâ ià kala mu kizanga kia uama túbhia ni xofidi; kuène o kùfua kua kaiadi.

Afundixi 3:2

mbé miiji ia anʼa Izalaiele a kʼijiie, a di longe kúlua ita, oso mʼokulu kejidile luua kúlua;

I Samuuele 14:39

Saúlo anga u loka, uixi: Kalé-ku Jihova ku muenhu, mukua kubhulula Izalaiele, némbé ki kala monʼami Jónata muene uate kituxi, ufua kidi muene. Ku mundu uoso-phe kana-ku muthu ua mu vutuila.

I Samuuele 14:44

Saúlo anga u zuela, uixi: Nzambi a ngi bhange-kiu, a ngi tele-kiu dingi, se ki kamba ku kubhita; u fua muene, Jonata!

I Samuuele 20:31

Kuma kioso kiala hanji monʼa Jese kʼulu dia munduʼiki eie muene muenhu ué ki u kolo, o utuminu ué ki u kuata. Kiki-phe, mu tume, u ngi bhekele-nê bhabha; kuma ni kidi muene, ua bhingi úfua.

I Samuuele 22:16

Muenexi-phe, uixi: Ufua muene Ahimeleke, ni eie ni dibhata dioso dia tatʼenu.