Dimatekenu 2:16 - O Mikanda Ikola

¹⁶ Jihova Nzambi anga u tendelela o muthu, uixi: Ku miẋi ioso mu díbhia u die-ku kioso ki ua mesena;

Dimatekenu 2:16 ပူးပေါင်းရင်းမြစ်များ

Dimatekenu 1:29

Nzambi anga u zuela, uixi: Talenu, nga mi bhana idima ioso i bhana jimbutu, mu ngongo ioso, ni miẋi ioso i kala ni ibundu i bhana jimbutu; i mi kale o kudia kuenu;

Dimatekenu 2:15

Jihova Nzambi anga u kuata o muthu, u mu ta mu díbhia dia Edene phala ku di dima ni ku di tambula konda.

Dimatekenu 2:9

Jihova Nzambi anga u sabhukisa mu mavu mbutu ioso ia miẋi ia uabha ku mesu, ia uabha ue ku i dia; mu kaẋi ka díbhia mu kala ue ni muẋi ua muenhu, ni muẋi ua kuijiia kiauabha ni kiaiibha.

Dimatekenu 3:3

maji muẋi ngó umoxi uala mu kaẋi ka díbhia, uene ua tu kidika kudia ibundu iê; kuma Nzambi uambe, uixi: Kana kudia-ku, mba kukuata-ku ngó, phala ki mu fue.

I Timote 4:4

Kuma kimbamba kioso kia bhanga Nzambi kia uabha, kana-bhu kia tokala kudituna-kiu, se athu a ki tambula ni musambu ua kusakidila.

I Timote 6:17

Oso ala jimvuama mu ngongʼumu, a tendelele, ka di kake, ka dielele o jimbongo ja makutuʼiji, ki ji tena kubhandulula kima. Maji a dielele Nzambi, Ió ua tena ku tu bhana kumona kia nzungule o ima ioso ia kuzediua phala o mbote ietu.

I Samuuele 15:22

Samuuele-phe, uixi: Kifua ki uabhela kiavulu Jihova maujitu ma kuoha ni jisata, inga ki mu uabhela o kutumaka dízui dia Jihova? Mukonda, o kutumaka kota, kusatela ndenge, o kubelesela ue kota ki ku soko ni banha ia jimbudi.