Dimatekenu 2:1 - O Mikanda Ikola

¹ Kienhiki, ni diulu ni ixi anga i bhua o ku i iudika, ni kilômbo kiê kioso.

Dimatekenu 2:1 ပူးပေါင်းရင်းမြစ်များ

Dimatekenu 1:1

Mu dimatekenu Nzambi ua bhanga diulu ni ixi.

Dimatekenu 1:10

Nzambi anga u luka mavu makukuta, Ixi; o dibhongo-lokelu dia menha ua di luku, Kalunga; Nzambi anga u ki mona kuma kia-uabha.

Dimatekenu 2:4

Enhá ene o malunda ma diulu ni ixi kioso kia i bhanga, o kizuua kia iudika Jihova Nzambi ixi mi diulu.

II Jisobha 19:15

Ezekiia bhenhobho anga u samba bhu pholo ia Jihova, uixi: Ó Jihova, Nzambi ia Izalaiele, tata! Eie ua tunga mu kaẋi ka jixelube; eie muene ngó ubhekʼèlele ué! Kuma Eie ngó u Nzambi ia miji ioso Kulu dia Mundu; eie uà bhanga o diulu ni ixi!

II Malunda 2:12

Anga Hilamu uamba dingi, uixi: A tane-ku! Jihova Nzambi ia Izalaiele! Ua bhaanga o diulu ni ixi; Muene ua bhana kua Davidi mona uejiia; njimu iònene, ua xitunuka kiavulu mu thulu, a tunge inzu phala Jihova ni inzu ia utuminu uê muene-muène.

Nehemiia 9:6

Eie Ngana, eie-muène ubheka ué, eie ua bhange o diulu, ni diulu dia madiulu, ni kifuxi kiê kioso; ni oxi ni ima ioso iala-mu; o misanza ia kalunga ni ima ioso iala-mu; eie Ngana anga ene oso u a bhana o muenhu, anga kifuxi kia diulu ki kala mu ku ku bheza.

Jobe 12:9

Nanhi ki kamba ku mu tongolokela mu ima ioso iii, kuila o lukuaku lua Nzambi luene lua bhange kienhiki?

Jisálamu 104:2

Ua di te mukengeji kala divunga; ua futununa o maúlu kala dibeka dia balaka.

Jisálamu 146:6

Ua bhanga o diulu ni ixi, ni menha a kalunga, ni ima ioso iala-mu; mukua kukumbidila o kidi katé ku hádia ni hádia, sé kufula.

Jisálamu 33:6

Kizuelu kia Jihova kiene kia bhanga o diulu; kifuẋi kioso kiala-ku kiejila ku muha ua dikanu diê.

Jisálamu 33:9

Kuma muene uazuela ngó, ioso ia di bhange; Kia tumina dingi, ima ioso ia tukuluka.

Makatukilu 20:11

kuma mu izuua isamanu muene mua iudika Jihova o diulu ni ixi, ni kalunga, ni ima ioso iala-mu, anga unhoha kia kasambuadi; kia bhangesa Jihova kubenzela o kizuua kia sabhalu, iu ua ki kôlesa.

Makatukilu 31:17

Kikale kijimbuete bhu kaẋi ka eme ni anʼa Izalaiele sé dizubhilu; kuma Jihova ua kalakala diulu ni ixi mu izuua isamanu, o kia sambuadi anga u ki nhoha, u sunga nguzu, anga u tululuka.

Izaía 34:4

O ilômbo ioso iene bhulu ia kà buika, o maulu má kà di-futa-futa kala ndunda ia divulu; kilômbo kiê kioso anga ki laùka kala ki laúka dife ku muvide, mukua ni ki sonoka o kibundu ku mufiku.

Izaía 42:5

O Nzambi, Jihova uà bhanga maúlu, iu ua ma zala, ua futununa oxi ni ima ioso iene-mu; mukua ku bhana o kubhuima ku mundu uoso uala-mu, ua bhana o nzumbi kua ió a-lu nhungina-mu, uixi:

Izaía 45:12

Eme nga bhange oxi, eme nga iudikila-mu o muthu; eme nga mu bhange, o maku mami mene mʼoleka o maúlu, o ilombo iâ ioso nga i xindila jingonge.

Izaía 45:18

Kuma kiene kiambe Jihova, ua bhanga o maúlu; Nzambi ua tenene kumba oxi, iú ua i iudika; ua i xikika, ka i ʼxia kiṗhulungunzu kia hatu, kana; ua i bhanga phala athu ku tunga-mu, uixi-phe: Eme-muène ngi Jihova, ki kuene uengi.

Izaía 48:13

Lukuaku luami ue luene lua te o madisesa ma oxi, o kadilu kami kene ka zonga o maúlu ku makandʼa maku; kioso ki nga kà exana ene hé a kʼejiia bhuamoxi.

Izaía 55:9

Kala kia di-leka maúlu kuthandu diaʼxi, kiene kia di-leka jinjila jami, ji ja tundu o jinjila jenu, o mabanzelu mami ue ia a tundu o mabanzelu menu.

Izaía 65:17

Talesa, kuma eme ngi iudika kiá maúlu mobhe ni oxi iobhe; o ima ia bhiti kiá ki bhu kala dingi ku i banza, né ngó kuiza mu kilunji, lémbua.

Jelemiia 10:12

Jihova ua bhange oxi ni kutena kuê; muene ua xikika o ngongo mu kuijiia kuê, o diulu ua di zale ni kutongoloka kuê.

Jelemiia 10:16

O dikanda dia Jakobo-phe, ki dia di fuangana ni iá; kuma muene-muène mubhangi a ima ioso, o Izalaiele muene mbangala ia undundu uê; Jihova dia Ilombo Ieta, diene o dijina diê.

Jelemiia 8:2

Anga a i aneka ku muanha, ni ku mbeji ni ku ilombo ioso ia diulu, ia zolele ene, ia bhikila jinga, ia kaiela jinga, ia kexile mu kusota, ia a kexile ku i diundila: ka kà i ongeka, né ku i funda; ia kà xalela ngó mukua ni ditobe ku thanduʼa mavu.

Zakadiia 12:1

O mabatuilu ma Jihova ma bilukila Izalaiele. Jihova ua zala o diulu, iú ua te o madisesa ma ixi anga u bhanga o nzumbi ia muthu moxi diê, ua zuela, uixi:

Luka 2:13

Muʼanzanzʼumu, anga ku tukuluka kifuẋi kia akua diulu a di bandeka ni mukunji, anga a kala mu kuimba mimbu ia kutondela Nzambi, exi:

Jipoxolo 4:24

O iá, ki a zubha ku kʼ ívua, a zangula dízui mu kusamba kua Nzambi ni muenhu umoxi, exi: Ngana, eie ua bhanga o diulu ni oxi, ni menhʼ a kalunga ni ioso iala-mu!

Jipoxolo 7:42

Maji o Nzambi-phe ua a sondoloka, iú ua ehelela kusedivila o kifuẋi kia jithethembua ja diulu, kala kia ki soneka mu divulu dia jipolofeta, exi: Kifua Eme-muene mua ngi bhakuilile jixitu jojibhe ni jisata, mu makuinhi a uana a muvu mu kikangalakata, enu dibhata dia Izalaiele?

Matendelelu 17:3

anga uia mu kubhikila jinzambi jengi, ni ku ji fukamena, dikumbi, mba mbeje, mba ifuẋi ioso iala ku diulu; kima eme ki nga ki tumina;

Matendelelu 4:19

Di lange ue, phala o ki u bhetula mesu bhulu, anga umona o dikumbi ni mbeje, ni jithéhtembua, ni ima ioso kiá iene ku maúlu, muxima hé u ku tuma, eie anga usota kubheza o ima ia bhange Jihova Nzambi ié, phala ku kuatekesa naiu o ifuẋi ioso iala bhoxi dia diuluʼabha.

Jihebeleu 4:3

Uila kiki, etu oso tua xikana, tua bokona kiá ni Nzambi mu dinhohenu diê, kala kia ki tange muène, uixi: Anga ngi loka, kia ngi kuata o kutema, ngixi: Enʼ ió nuka a kà bokona mu dinhohenu diami! Muène uambe kienʼ iki, sumbala ikalakalu iê ua i zubha ukulu, tunde ku dimatekenu dia ʼxi.