Dimatekenu 19:9 - O Mikanda Ikola

⁹ Ene-phe a mu ambela, exi: Tunda bhabha. Exi dingi: Ialʼú o nzuángiza ueza mu tunga, kiki uandala u kala muene kiá muadiakimi u batula maka mu ima ioso, kuambé? Kindala tu ku bhanga ioso i tua mesena, i tuambe kubhanga ió i kala ndenge. Lote anga a mu kaka masuka, a mu bhaka bhu kaẋi, a di xina-xina phala kubula o dibhitu.

Dimatekenu 19:9 ပူးပေါင်းရင်းမြစ်များ

Dimatekenu 11:6

Ngana anga u zuela, uixi: Talesa, athu a di bande mu kifuẋi kimoxi ngó, dimi diâ diene dimoxi; ia a kuata kiá kubhanga kiki; kana kima kia-nda ku a fudisa mu ima ioso ia mesena kubhanga.

Dimatekenu 13:12

Mbalamu anga u tunga mu ixi ia Kanana. O Lote u tunga ku jimbonge mu dikôlo, hé uia ni kusondolola o balaka iê katé mu Sodoma.

Makatukilu 2:14

Kuala muene: Eie nanhi ua ku bhange u kilamba kietu, u mufundixi ua ku tu tambula etu konda? Ua mesena ku ngi jibha, kala ki ua jibha mukua Ijitu mazá? Mozé anga u kala ni uoma, uixi: Manhi ni kidi kiene, kia fumana kiá.

Jisabhu 14:16

Njimu mukua-uoma, o kiaiibha u ki lenga; kioua-phe u di-vunza, u dimona uzonda, u fika kuila ua tungu ua somo.

Jisabhu 17:12

Muthu sembele o ku di bonga ni kitôto kia mukaji, kia jimbidisa o tuana, kuindi o ku di bonga ni kiôua ki muiza o ulaji uê.

Jisabhu 27:3

Ditadi di nema, o museke u di jika; maji o njinda ia kiôua, mu kunema, kiiadiʼokio ndenge.

Ndongixi 10:13

Kuma o kiôua ni maka ma dikanu diê, kioso kiandeka ngó o ku a zuela, a di monekena kuila uôua uene, o dikanu diê ku di zubhila di zuela kujuuala muene kua ibha kinéne.

Ndongixi 9:3

Kienhiki kiene o kima kia iibha ku ima ioso iene mu ku bhanga Kulu-dia-Mundu; kuila athu oso ima i a bhita kumoxi; kuila ue o muẋima ua anʼathu uezala ufusa; o ku muẋima uâ ni ku muenhu uâ kuala ngó kutulumba ni kubhanga kiaiibha, hádia hé aia kiua muʼalunga.

Izaía 65:5

aia ni ku di ambela mudiâ, exi-phe: Suetuka koko, ku ngi zukame, mukonda eme nga beta kuzela moxi eie ndenge. Enhá a di-bhange dixi mu mazulu mami, edi kala túbhia tua uama kumbi dioso dia kambàmba.

Jelemiia 3:3

Kiene kia bhangesa ku katula-ku o mvula, kasamanu ki ka noko-ku dingi, maji eie-phe ua kununuka o pholo kala kidia-nzunga, ngué ku kala ni sonhi.

Jelemiia 6:15

Ene o kia bhanga o ufusa manhi a kala ni sonhi? lémbue! ene kene mu kala ni sonhi ia kima, né ngó bhuʼofele kuijiia kioso ki kuata o sonhi, kala kiki ene ue a-nda ku di bhala kumoxi ni iá a dibhale; a-nda ku di lukula bhoxi, bhu kithangana ki nga-nda ku a zungila, Jihova ua ki tange.

Jelemiia 8:12

Ene kia bhanga ufusa, manhi a kala ni sonhi? lémbue! ene kene mu kala ni sonhi ia kima, né ngó bhuofele kuijiia kioso ki kuata o sonhi; kala kiki ene ue a-nda kutenuka kumoxi ni iá a tenuka; bhu kithangana ki nga-nda ku azungila a-nda ku di lukula bhoxi, Jihova ua ki tange.

Izekiiele 16:49

Tala-ze o kituxi kia Sodoma dia phangiʼé: Izala, ndumba dia makudia, ni umonha uavulu ua kexi na-u ni muene ni anʼê a ahatu; maji ue o ngadiama ni phulungu ua tate, kuila u a kuatela ngó henda, lémbue.

Matesu 7:6

Ima ia Nzambi kana ku i tela jímbua, o jiphelula jenu kana ku ji texila jingulu, kuma jene ji ji diotela bhoxi, anga ji lunguluka ji ku ẋuua.

I Samuuele 17:44

Mukua Fidíxia anga u ambela Davidi, uixi: Ngi bhiẋile bhabha, lelu xitu ié ngi i bhana jinjila ji bhita bhulu, ni iama ia mukau.

I Samuuele 2:16

Muthu-phe se u kumbulula, uixi; A diange hanji kuximika o banha, phala u katule kiua kioso kia Seme o muẋima ué; muene-phe uila, uixi: Kana, nguamiʼ ʼami! U ngi bhane-iu kiá kindala muene, o ki uila kana, ngi i tambula mu nguzu.

I Samuuele 25:17

Kiki-phe eie ijiia na-kiu, u tongolole kioso ki u bhanga, kuma muadiʼetu kua-nda ku mu iza divuua, anga u senguluka ni dibhata diê dioso. Muene-phe o kusekala ni kuhuka kuala na-ku, ua di bhange monʼa kadia-phemba, muthu ka xikina ngó ku mu zuelesa.