Dimatekenu 19:37 - O Mikanda Ikola

³⁷ Dikota anga u vuala monʼa diiala, u mu luka dijina dia Mouabhe; muene tata ia akua Mouabhe, katé mu kizuua kia lelu.

Dimatekenu 19:37 ပူးပေါင်းရင်းမြစ်များ

Dimatekenu 19:36

Mu kubhanga kiki, ana aiadi oso a Lote, a kala ni mavumu kua tatʼâ.

Jisálamu 83:9

A bhange, Ngana, kala ki ua bhange Midiiana, kala ki ua bhange Xixela ni Jabini mu honga ia Kixone;

Sofoniia 2:8

Eme ngevu o môndo uene mu kuta Mouabhe ni kuxinga kua anʼa Amone, kia mu kuata kutobhesa ni kubhana malebhu ku mundu uami anga ene a di zangeleka ni ixi iâ.

Dialuilu 21:29

Eie u Mouabhe, lamba dié! Mua bhondalala, enu mu akua hamba dia Kamu. Anʼé a mala a lenge, Anʼé a ahatu a a kutu, aii-nâ, Kua Sihone sobha ia akua Amone.

Matendelelu 2:19

anga ubhiẋila bhua di lulama ni anʼa Amone; kana-phe ku a tatesa; kana kuzoka-nâ mvunda; kuma ku ixi ia anʼa Amone, ki nga-nda ku ku lunduisa-ku kima, mbata nga i bhana kiá ku anʼa Lote mu ubhinganu uâ.

Matendelelu 2:9

Bhenhobho Jihova phe u ngʼambela, uixi! Mouabhe kana ku mu tatesa, kana kúlua-nâ mvunda, mbata ku ixi iê, ki nga-nda ku ku lunduisa-ku kima; kuma oxi ia Ale nga i bhana kiá anʼa Lote mu ubhinganu uâ.

Matendelelu 23:3

Kana kuehela mukua muiji ua Amone, mba mukua muiji ua Mouabhe bhu kionge kia Jihova né o muiji uê ua kakuinhi katé ku hádia ni hádia.

Lute 4:10

Ni Lute mukua Mouabhe, mukaji a Mahalone, nga mu lembe lelu kukala mukaji ami, phala ngi xalese dijina dia difundu mu undundu uê, phala dijina dia difundu ki di bhue-mu ni di jime mu jindandu jê, ni bhu kanga dia dibhata diê. Enu-phe mu jimbangi kizuua kia lelu.

I Samuuele 14:47

Kienhiki Saúlo kia zubha kutambula ungana ua Izalaiele, u lua ni jinguma jê ku mbandu joso. U lua ni Mouabhe, u lua ni anʼa Amone, u lua ni Edomo, u lua ni jisobha ja Zoba, u lua ni akua Fidíxia; kuoso-phe kua lungu ni ita jinguma jê u ji kaia.