Dimatekenu 19:24 - O Mikanda Ikola

²⁴ Kienhokio Jihova anga u nokesa xofidi ni túbhia ku thandu dia Sodoma ni ki thandu dia Ngomola, tua laúka kua Jihova ku diulu;

Dimatekenu 19:24 ပူးပေါင်းရင်းမြစ်များ

Dimatekenu 13:10

Lote anga u bhetula o mesu, u tala mu dikôlo dia Joldá, kuma muala menha, muene muoso muala uisu, mukuâ ni díbhia dia Jihova, mukuâ ni mʼoxi ia Ijito, mu kubokuena bhu Sanzala ia Zouale, kioso Jihova kiluua hanji a buikisa Sodoma ni Ngomola.

Dimatekenu 13:12

Mbalamu anga u tunga mu ixi ia Kanana. O Lote u tunga ku jimbonge mu dikôlo, hé uia ni kusondolola o balaka iê katé mu Sodoma.

Dimatekenu 18:17

Jihova anga u zuela, uixi: Kifua Mbalahamu ngi mu dingila kioso ki nganda kubhanga?

Dimatekenu 19:23

Kioso Lote-phe kia bhiẋila bhu Zouale, dikumbi dia tundu kiá mungongo.

Jobe 1:16

Kioso iú kia mu zuela hanji, kueza mukuá, uixi: Túbhia tua Nzambi, tua tuluka mu diulu, tu tuoha jimbudi ni abhika oso katé kia buila, eme-muène ngó nga subhuka-ku phala ku ku tudila o njimbu.

Jobe 18:15

Ió ka mu kexe kima, muene ua kà tunga mu balaka iê; ku dibhata diê a kà kuua-ku xofidi i jokotesa.

Jisálamu 11:6

Enhó a bhumu hinu u a nokesa mvula ia makala ku thandu diâ, ni túbhia ni xofidi, kumoxi ni kitembu kia kibhungu kia dikota; ene o mahitula a a lungila mu nganza iâ;

Makatukilu 9:23

Mozé anga u zenga o mbangala iê, u i londekeza mu diulu, Jihova anga u tumikisa mvula ia inuminu ni matadi, ni túbhia tuenda ni ku di loza mu mavu; Jihova anga u nokesa mvula ia matadi mʼoxi ioso ia Ijitu.

Izaía 1:9

Se o Jihova dia Ilombo Ieta ua kambele ku tu xila tumbalu-mbalu, eji ku tu buikisa kala Sodoma, tueji ku di fuangana ni Ngomola.

Izaía 13:19

Babilonha, o makembu ma akua jixi, muene o fuma ni izala ia akua Kaldeia, ua kèza bhua Sodoma ni Ngomola, kioso Nzambi kia a sengulula.

Izaía 30:33

Kuma Tofete a i iudika kiá, tunde mazá; xi, a i iudikila sobha; a i zongolola, a i kudisa; o sáma iê túbhia mu túbhia, o jihunhi jivula jala-mu; o muha ua Jihova ua kà uama kala muxónge ua xofidi.

Jelemiia 20:16

Muthu muenhó a kale mukua ni madiembu ianhá a buikisa kuala Jihova, sè ngó kuila ki mu kata ku muẋima; muenhó uila, o ku kimene uívua nzôngo, o ku mediia uívua kibulukutu.

Jelemiia 23:14

Maji mu jipolofeta ja Jeluzaleme nga di uana-mu kisunji kionéne: èhé, a kuata ku-ta o jiphanda, a di-ambatesa ni kádia, o maku ma ingumba ene dingi a ma suinisa, mbé a lémbue kudiela o ikuma iâ; o ki nga ela suí, edi kala Sodoma, akua-bhata momo, mukua ni Ngomola.

Jelemiia 49:18

Ua kèla kala bhu kibuika kia Sodoma ni Ngomola ni iá a zukamene na-u, kiene kia tange Jihova; ki bhua kà moneka uoso u tunga bhobho, monʼa muthu u tunga bhobho ka moneka.

Jelemiia 50:40

Mukuá ni Nzambi kia jikinisa Sodoma ni Ngomola ni jimbanza ja zukamene na-ju, kiene kimoxi ue momo ki mua kà kala u tunga-mu, mba monʼa muthu u tá-mu dibhata, Jihova ua ki tange.

Kuditenda 4:6

Mukonda o kituxi kia monʼa kilumba kia mundu uami, kia beta kota o kia Sodoma ndenge, a mu vumbile mu uthôkua muʼanzanzʼumu, sé ngó kuila bhu kala lukuaku lua muthu lu ki bhanga.

Hozeia 11:8

O kiki-phe eie Ifalaíme, ngi kuehelela kiebhi? Ngi ku bhakula kiebhi, eie Izalaiele, tata! Ngi ku bhanga kiebhi kala kia bhiti kua Adama, mba ngi ku kitula kiebhi kala Nzeboíme? Muẋima uami moxi ki u xikina, o henda jami ja bambuka kala túbhia.

Amoji 4:11

Amoxi mu kaxi kenu nga a lungulula o miẋima mukuâ ni Nzambi kia lunguluile Sodoma ni Ngomola; enu-phe, enu mua di bhange kala kixinji kia luhuinhi luókatule bhu jiku! Sumbala kiene, maji hanji-phe mua lémbua kudiela ni mu bhiluke kokuami, Jihova ua ki tange.

Sofoniia 2:9

Kala kiki, mu kidi kiene, Eme Jihova dia ifuẋi, Nzambi ia Izalaiele, nga lokela muenhu uami kuma Mouabhe ubuika kala Sodoma, anʼa Amone a di bhanga kala Ngomola; o ixi iâ i di bhanga kangu dia môngua, mu sabhuka isása i xixima, i biluka ngundu i nangenena, kuma ene aia muene nzaká, kà moneka dingi. O ió oso a subhuka ku mundu uami, a kà kituka ene tubhinganu tuâ, a subhuka ku athu ami a kʼèza hé a a kuata anga a avua.

Luka 10:12

Ngi mi ambela-kiu kuma, kua Nzambi mu kizuua kiná kia kufundisa, inda Sodoma ia kà beta ku mona ujitu, o mbanza ioio kana.

Matendelelu 28:24

O ki uinda o mvula Jihova a ku tumikise fufutila; ku diulu kuende muene ni kulalumuka utôkua mbe o ku ku jikinisa katé ki uia muʼalunga.

Matendelelu 29:22

Oso-phe a kèza-ku ku muiji iú, o anʼa a-nda kubalumuka kioso ki mu bhua-ku enu, ni ene kiá ni oso a kà tunda ku makanga, kioso kia mona o mabhebhu a kà sekalesa oxi iii, ni mahaxi mê moso ma mu nemekana-u Jihova.

Matendelelu 29:23

Mù kuila mua bhiti mbòmbe ia xofidi ni môngua oxi ioso ia seluka iazubha, kuma ia lémbua kuima, ia lémbua kusabhukisa ngó dife dimoxi; mbambe ni kia bhitile mu Sodoma, ni Ngomola, ni Adama ni Nzebouime, a a buikisile kuala Jihova kia mu kuatele o njinda ié ni kutema kuê.

II Phetele 2:6

Ni jimbànza ja Sodoma ni Ngomola Nzambi ua ji bhange uthôkua, ua jʼêlesa ni ji kale ngó jingundu, mbé ji kale kijimbuete kua ió oso enda ni kubhuma.

Juda 1:7

Lembalalenu ue akua Sodoma ni Ngomola, ni jimbanza ja zukamene na-ju, kioso kia bhange uila kia bhangele o ji-anjuʼ ojo, a kala mù di ehelela ku undumbu, a kala mù balukila ʼxitu jengi. Enʼ iá a a tubhula kuma a kale kijimbuete, ni kuxixima mu tubhia ki tu xikina kujima.

Dijingunuinu 14:10

muenhó hinu u nua ku vinhu ia Nzambi, o vinhu ia njinda iê, a i lundulula ia hatu ni nguzu ioso mu kopho ia kutêma kuê! Kuma muthu uoso u bhanga kiki, a kà mu tatesa ni túbhia ni xofidi bhu pholo ia ji-anju jikôla, ni bhu pholo ia Kambudi.