Dimatekenu 19:14 - O Mikanda Ikola

¹⁴ Lote-phe anga u tunda, u zuelesa jiholome jê, eji kusakana ni anʼê a ahatu, uixi: Balumukenu! mu tunde bhu kididi kienhiki; kuma Jihova ua-nda ku ki buikisa. Jiholome jê-phe a mu kiti kiôua kiala mu sabhula, kifua ualu ta kasekelu kê.

Dimatekenu 19:14 ပူးပေါင်းရင်းမြစ်များ

Dimatekenu 19:15

Ki kuákie ni kimene-phe, jianjo a lenguluisa Lote, exi: Balumuka, u kuate mukajiʼé ni anʼé a ahatu kiiadi uala-nâ, mu tunde, kuma se mua kambe ku ki bhanga kibuika kia akua bhata ki mi kuata ni enu.

Dimatekenu 19:17

Anga ki bhita-phe kuila, o kia zubha ku a bheka ku kangʼuku, exi: Lenga, se uendi o muenhu; Kana kusakuka ku dima, kana kuimana mu ngânga ioso iii; lengela koko ku mulundu, phala ku jime o mbutu.

Dimatekenu 19:22

Endela-ku-phe, u lengele kuenhoko, kuma ki nga-nda kubhanga kima katé ki u bhiẋila; kiene kia bhela-bhu o dijina, exi: Bhu Zouale.

II Malunda 30:10

O ió ambata o mikanda, anga aia muene ni kubhita sanzala ni sanzala mu ixi ia Ifalaimi ni Manasa kandú ku Nzebulone; maji-phe a olèla anga a a bhanga kasekelu.

II Malunda 36:16

Maji ene-phe, o jiphunga ja Nzambi a ji bhange kasekelu, a kambe kusuua o maka mê, o jipolofeta jê aia ni ku ji sebulula, katé o njinda ia Jihova ki ia bande kinéne ku mundu uê, ni milôngo dingi ia kubhanga ki i moneka.

Makatukilu 12:31

Anga u ixana Mozé ni Alá mu usuku, uixi: Zangukenu, mu tunde mu kaẋi ka mundu uami, ni enu ni anʼa Izalaiele; ndenu, mua kà bhikile Jihova kala ki muambe.

Makatukilu 9:21

Maji-phe oso ahuku, nguaʼuâ kusuua kizuelu kia Jihova, ni ngunza jâ, ni ibhaku iâ, a i xalesa ku mukáu.

Jisabhu 29:1

O muthu uila: Lelu a mu bazela, mungu, a mu bazela, sè kueha o njila iê, maji u kolesa o muẋma uê, hinu u tukumuka a mu jimi o mbutu, sè ngó bhua bhulakela.

Izaía 28:22

Kala kiki-phe, ki mu bhange dingi kasekelu, sumba mikolo ienu a beta dingi ku i kolesa; mukonda eme ngʼevu Jihova dia Ilômbo Ieta uala ku kanena kiá ku bheka-ku kibuika, o kienhiki ua ki xindi kiá, ki tuluka ku thandu diaʼxi ioso.

Jelemiia 20:7

Jihova, tata, eie ua ngi tobhesa, eme nga xala ni kutobha; kuma eie ua beta o nguzu eme ndenge, eie ua tolola; o kienhiki-phe kumbi dioso dia kambamba ala ku ngi bhanga kasekélelu; kala muthu mudiâ u ngi tobhesa.

Jelemiia 43:1

Anga ki bhita kuila kioso Jelemiia kia zubha kutangela mundu uoso o kizuelu kia Jihova, Nzambi iâ, kizuelu kia mu tumikisine na-kiu Jihova, Nzambi iâ, ene kiá o maka oso enhó muene a tange muene.

Jelemiia 43:2

Bheneʼobho phe Azadiia, monʼa Hozaia, ni Nzuanana, monʼa Kadiiá ni athu oso akua izala, a zuela, a tangela Jelemiia, exi: Eie ua mu tanga makutu; Jihova, Nzambi ietu ka ku tumu kutanga, kuila: Ka bokona mʼoxi ia Ijitu, phala kunhunganena momo.

Jelemiia 51:6

Mu kaxi ka Babilonha lengenu-mu! O muthu ni muthu a bhulule muenhu uê. Ki mu di jikinise anuʼenu mu ku ibha kuêmuène; mukonda o kiki kiene o kithangana kia phonzo ia Jihova; Muene hádia u mu bhana kioso kia mu fuama.

Izekiiele 20:49

Eme-phe, bhenhobho ngixi: Auá! Jihova Nzambi, tata! Ene ka-nda ku ngʼila exi: Iú mutangiʼa ifika?

Dialuilu 16:21

O mu kaẋi ka kifuẋi tundenu-mu, eme phala ngʼa buikise mu kapota-diesu.

Dialuilu 16:26

Muene hé uambela o kifuẋi, kuila: Nga mi diondo, o ku jibalaka ja athu iá a bhukumuka, sondolokenu-ku, ki mu babate ku kima kiâ kioso kia a tokala, mbebhu enu ue ki mu bhituke mu ituxi iâ ioso.

Dialuilu 16:45

Katukenu muʼaxaxe ka kionge kiki, nda eme ngi ki jimise mu kapota-diesu. Ene-ṗhe bhenhobho a di ṗhudikila o jipholo bhoxi,

Matesu 1:18

O Uvadiue ua Jezú Kristu-phe, kienhiki: Mama Madiia kia kexile ua xikana kiá kukala mukaji a Zuze, kiluua-phe a di takanesa, a mu sange ni divumu dia Nzumbi Ikôla.

Matesu 9:24

Ngenzelienu! Mona kilumba ka-fu, uaii ngó ku kilu! Ene a kuata ku muʼ olela uôua.

Luka 24:11

Ene-phe, makʼ ama, a ma fika kuma masambi-sambi, ka ma xikana. [

Luka 9:42

Mona kioso-phe ki ala mù kuiza, uhaxi uê ueza, dimonho hé di mu vunda bhoxi, di mu suna-suna kiavulu. Jezú anga u bazela o dimonho, uilula o mona, hé u mu bhana kua tatʼâ.

Jipoxolo 17:32

O kia mu ivu kutanga o madifundu kufukunuka, amoxi-mu olela; amukuâ exi: Hundu ioio tu andala hinu tu ivua dingi thembu iengi.

I Tesalonika 5:3

Bhuala kuila athu: Kuma kua batama, kua tululuka, a kà tukumuka kibuika kiâ kia tula! Kia kà kala ue mukuâ ni muhatu ki mu kuata o mika ia kuvuala, kana bhuma bhua bhitila nʼa lenge.