Dimatekenu 18:8 - O Mikanda Ikola

⁸ Muene anga u kuata matheka ni lete, ni xitu ia ngombe ia lambe, u a zalela, muene uamana ni kuxibhidila mu kilembeketa kia muẋi, ene ia a di.

Dimatekenu 18:8 ပူးပေါင်းရင်းမြစ်များ

Dimatekenu 18:7

Mbalahamu anga u lengela kuala ibhaku, u kutata-bhu seseme ia ngombe, ianengana, iauabha, u i bhana selevende iê phala a ijibhe a itale ni lusolo.

Dimatekenu 18:9

Ene anga a mu ambela, exi: Muhatuʼé Sala iú kuebhi? Uixi: Iú monzo, mu balaka.

Dimatekenu 19:3

Muene-phe u a bhomba kiavulu, katé kiʼaii-nê, ia a bokona monzo iê; muene anga u a bhangela jimbolo jósusu, ene anga a dia.

Nehemiia 12:44

Mu kizuua kiene kimoxi anga a xinda ue athu a tumina mu maxilu a kutambuila o itadi, ni maujitu ma kubhuka, ni ibundu ia kutomona, ni mbandu ja kakuinhi, nda a i bongoluele mu maxilu muenhomo i tunda ku mikáu ku mábhia, ni jisanzala ku bhata, mbé o mákudia ma jinganga ni ma akua Levi, mu jimbambe jê, kala kia ma xindi kitumu; mukonda Juda ua sangulukile mu kumona dingi bhu ididi iê o jinganga ni akua Levi a kexi mu kalakalamu.

Izaía 7:15

Ua kâ dia matheka ni uiki, katé kia kʼejiia ku dituna kiaiibha, nʼa sole kia uabha.

Izaía 7:22

Maji, kia kà bhita-phe kuila: Mukonda dia lete iavulu ia kà bhana o ibhaku ienhiʼii, ua kà dia matheka; o uoso u subhuka mu kaẋi ka ixi, ua kà dia ue matheka ni uiki.

Luka 12:37

Azediua abhika ió, ki vutuka ngana iâ, u a sanga a tono. Ngi mi ambela kidi, kuma muène u di bhola, u a xikamesa ku meza, hé ua emanena ni ku a xibhidila.

Luka 17:8

Ki ki xikina, lémbua! Kikale u muila: Ngi bhangele hanji kùdia, ngi Seiale, eie u di kute, u ngi xibhidile, katé ki ngi zubha kúdia ni kúnua; eie ue kiene kiua ki udia anga unua.

Luka 24:30

Kia zubha-phe kuxikama ni ene ku meza, muène u tambula o mbolo, hé u sakidila Nzambi. Anga u i bukula, u a bhana-iu.

Luka 24:43

Anga u i tambula, anga u dia bhu pholo iâ.

Nzuá 12:2

Bhenhobho Jezú anga a mu tela meza. Marta anga u kala mù xibhidila, o Lázalu-phe u kala ni iá a xikama-nê ku meza.

Jipoxolo 10:41

Muène ka mu tukuluila bhu pholo ia mundu uoso, maji bhu pholo ietu ngó tu jimbangi ja sola Nzambi. Etu-ene, tua di-nê, tua nu-nê kumoxi, kia zubha kuvutuka ku ʼalunga.

Ngalásia 5:13

Kuma enu, jiphange, a mʼ ixanena kukala mu jifôlo. Maji o ku ofôlo uenu ki mu katule-ku maditatu ma kuehela o jihanji ja xitu ku mi tumina, maji muenda ni ku di bhikila mudienu ni henda.

Matendelelu 32:14

Ni matheka ma jivaka ni lete ia ilunga ia jimbudi. Ni banha ia jiseseme, ni ia ilumbe ia jimbudi, jene kudila mu makèla ma Basane, ni ia isutu ia jihombo; ni tiliko ia nete kiambote. Eie ua zuuela jinga o manhinga ma ji-uva, o vinhu ia kambe ku thuthuma kifulu.

Dijingunuinu 3:20

Talesa! Ngemana bhu muelu ni kuṗhuṗha. Se muthu u ívua dízui diami, nʼa ngi jikuila dibhitu, ngi bokona mʼonzo iê hé ngi seiala-nê, ni muène ni eme.

Afundixi 13:15

Bhenhobho Manoua anga u ambela anju ia Jihova, uixi: Nga ku diondo, tu kinge hanji tu ku telekele kahombo.

Afundixi 5:25

Kuma ua mu bhingi menha, muene u mu bhana lete; lete ia di kuata, mu nganza ia ungana, u mu tela-iu muene katé ki aia ku kilu.