Dimatekenu 18:7 - O Mikanda Ikola

⁷ Mbalahamu anga u lengela kuala ibhaku, u kutata-bhu seseme ia ngombe, ianengana, iauabha, u i bhana selevende iê phala a ijibhe a itale ni lusolo.

Dimatekenu 18:7 ပူးပေါင်းရင်းမြစ်များ

Dimatekenu 18:6

Mbalahamu anga uia ni lusolo mu balaka kua Sala, uixi: Katula izongelu itatu ia fuba ia fina, u i toxe kindala, u bhange jimbolo u jiohe mu uthôkua ua tema.

Dimatekenu 18:8

Muene anga u kuata matheka ni lete, ni xitu ia ngombe ia lambe, u a zalela, muene uamana ni kuxibhidila mu kilembeketa kia muẋi, ene ia a di.

Dimatekenu 19:3

Muene-phe u a bhomba kiavulu, katé kiʼaii-nê, ia a bokona monzo iê; muene anga u a bhangela jimbolo jósusu, ene anga a dia.

Amoji 6:4

Mu zeka bhu jihama ja mazu a nzamba, anga mu tandelela muene bhu hama jenu; tumbudi tua beta kuiuka mu kilunga, tuene tu mu dia kumoxi ni tuana tua jingombe tua uabha mu kaxi ka kibhanga.

Malakiia 1:14

Lamba dia muthu ió mukua mangonha, uoso uila o kibhaku kia ndumbe sé kisemu, iú na-kiu mu kibhanga kiê, maji o kia tanga kubhana kima kua Jihova, mu ku kumbidila polomesa iê ubhana kima ki kiauabha ki kuata ukoxina. Jihova dia Ifuẋi phe, uixi: Ki kiene, kana! Mukonda eme ngi Sobha ionéne; dijina diami a kà di kuatela uoma mu ngongo ioso.

Matesu 22:4

Muène anga u tuma jiphunga jamukuá, uixi: Asonhi a fesa a tangedienu kuma, Seialu iami iíi, nga i iudika kiá. Jingombe jami ni ibhaku iami ianete iójibhe, imbamba ioso ióiudike kiá. Zenu ku fesa ia ukaza!

Luka 15:23

Bekenu kangombe kanete, mu ka jibhe, tu die, tu sanguluke!

Luka 15:27

Kuala mukuambèle: Phangʼié ueza! Tatʼenu-phe iu ua tumu kujibha o kangombe kanete, mukonda ua mu tambulula ni muenhu ni kudisanza.

Luka 15:30

Lelu-phe kieza monʼé, ió ua zange o itadi ié ni jindumbu, eie ua mu jibhila kiá kangombe ka nete!

I Samuuele 28:24

Muhatuphe u kala ni kangombe kanete mʼonzo iê; anga u bhanga lusolo, u ka jibha. U katula ue fuba ia tiliku, u i masana, hé u kanga jimbolo ja kambe felemendo.