Dimatekenu 18:6 - O Mikanda Ikola

⁶ Mbalahamu anga uia ni lusolo mu balaka kua Sala, uixi: Katula izongelu itatu ia fuba ia fina, u i toxe kindala, u bhange jimbolo u jiohe mu uthôkua ua tema.

Dimatekenu 18:6 ပူးပေါင်းရင်းမြစ်များ

Dimatekenu 18:5

Ngi mi bhekela kambolo, mu kale dingi ni kanguzu mu mukutu phala mu somboke kiua; kuma kiene ki muejila katé kunu kua mubhikʼenu. Kuala ene: Bhanga-kiu, kala ki ua ki tange eie muene.

Dimatekenu 18:7

Mbalahamu anga u lengela kuala ibhaku, u kutata-bhu seseme ia ngombe, ianengana, iauabha, u i bhana selevende iê phala a ijibhe a itale ni lusolo.

Dimatekenu 19:3

Muene-phe u a bhomba kiavulu, katé kiʼaii-nê, ia a bokona monzo iê; muene anga u a bhangela jimbolo jósusu, ene anga a dia.

II Samuuele 13:6

Kienhiki Aminone u zeka, u di bhangesa kukata; o kieza muenexi ku mu kunda, Aminone u ambela muenexi, uixi: Nga ku diondo, tatʼetu, ambela phangʼiami ia muhatu Tamala eze, a ngi bhangele tumbolo tuiadi bhu mesu mami, ngi die ku lukuaku luê.

Jisálamu 119:60

Nga bhange lusolo, ngixi nguami kulaleka, ngi kale mu tumaka o itumu ié.

Izaía 32:8

Maji muthu a mu edi mujitu, u kana ujitu uene; mukonda dia ujitu uê, uimana kididi, utunga, usoma.

Matesu 13:33

Anga u ambela kifika kia mukuá, uixi: Utuminu ua Diulu ua difangana ni kithûthume, a ki katula kuala muhatu, anga u ki sueka mu izongelu itatu ia fuba, katé iene ioso ia futunuka.

Jipoxolo 16:15

O kia mu batizala ni akua-mbele iê, u tu dionda, uixi: Se mua ngi mono ni ufiiele kua Ngana, zenu mu kale mʼ onzo iami. Anga u tu jijila kukala mʼ onzo iê.

Loma 12:13

Muenda ni kubhindumuna o jiphange mua Ngana ni kioso ki muala na-kiu. Mu zalela jinga asonhi.

Ngalásia 5:13

Kuma enu, jiphange, a mʼ ixanena kukala mu jifôlo. Maji o ku ofôlo uenu ki mu katule-ku maditatu ma kuehela o jihanji ja xitu ku mi tumina, maji muenda ni ku di bhikila mudienu ni henda.

Jihebeleu 13:2

Kana kufula kutambulula asonhi mu mabhata menu. Kuma amoxi mu ku ki bhanga, a langeka ji-anju sé ku kʼijiia.

I Phetele 4:9

Dʼidikizienu usonhi mudienu, kala muthu a tambulule mukuâ mu bhata diê sé kuditata.

Afundixi 6:19

Ngidiione anga uia mʼonzo u kuata xitu ia mona hombo, ni jimbolo ja kambe o kifulufulu kia felemendu ji bhinga efa ia fuba; xitu anga u i ta mu ngalu, o muzonge u u ta mʼombia, anga u tunda uiza na-u moxi a mukaluvalu, u mu bhana-u.

I Samuuele 28:24

Muhatuphe u kala ni kangombe kanete mʼonzo iê; anga u bhanga lusolo, u ka jibha. U katula ue fuba ia tiliku, u i masana, hé u kanga jimbolo ja kambe felemendo.