Dimatekenu 18:23 - O Mikanda Ikola

²³ Mbalahamu anga u zukama, uixi: Kifua ni iá a kumbidila, ni iá a bukumuka, u a buikixila kumoxi?

Dimatekenu 18:23 ပူးပေါင်းရင်းမြစ်များ

Dimatekenu 18:24

Se mu mbonge muenhomo mu kala makuinhi atanu a muthu a iuka kifua u a buikisa, dibhata ku di eha mukonda dia makuinhi atanu aiuka a di lungu-mu?

Dimatekenu 18:25

Lu ku suke, Ngana, ki ki bhite kuila u bhanga kima kala kiki, uila ni iá alungu ni iá abhukumuka u a jibhila kumoxi, kifua ni iá alungu ni iá abhukumuka, a soka? Ki ki ẋikina Ngana; Kifua Mufundixi u fundisa ioso mu ngongo, u lémbua kubatula mu kidi, hé u bhanga o kima kia kukamba kulûnga?

Dimatekenu 20:4

Abimeleke-phe kiluua a mu zukama; anga u zuela, uixi: Ngana, kifua o muiji ua lungu, eie u u jibha?

II Samuuele 24:17

Davidi anga u ambela Jihova, kia mono o anjo iala kubeta o mundu, uixi: Tala, nga te kituxi eme, eme nga bhange kuthathamana; jimbudi jiji-phe ja bhange kima kiahi? Nga ku diondo, lukuaku lué lu ngi nemene eme, ni dibhata dia tatʼetu.

Jobe 34:17

Mbé, muthu ua zembe o kidi, u tena kutumina? Eie anga uandala kubelesa ió uala ni kuiuka ni kutena?

Jobe 8:3

Mbebhu Nzambi uene mu kubhengeleka ima ia iuka? O Muteni-a-Ioso mu kufundisa u bhengeleka?

Jisálamu 73:28

Eme-phe kia ngi uabhela o kuzukama kua Nzambi; nga solo Ngana Nzambi, muene u kala kibúta kiami, phala ngende jinge ni kutumbula o ikalakalu ié ioso.

Makatukilu 23:7

Ku maka ma makutu tunda-ku, a ku xale dikanga. O ua kambe kikuma, ni ió ua iuka, kana ku mu jibha; kuma eme ki ngi ẋikina kulungisa kisuéia.

Jelemiia 30:21

Kota diâ dia ngana ua kà tunda momuʼâ, o uoso ua-nda ku a tumina, ua kà tunda mu kaxi kâ muene, nda eme ngi mu zukamesa; o muene nʼa kà bhixila kokuami; kuma muthu nanhi u sota mudiê ku ngi bhixila eme? Jihova uzuelʼó.

Dialuilu 16:22

Maji-phe ene a di ṗhudikila o jipholo jâ bhoxi, anga ela exi: Uá! Nzambi, tata! Eie u Nzambi ia jinzumbi ja xitu ioso, abha mukonda dia muthu umoxi ua-te o kituxi, eie u thathamena kiavulu kiki o kilômbo kiosuʼiki?

Jihebeleu 10:22

Uila kiki, tu bhiẋidienu kua Nzambi, ni muẋima ua kidi, ni kuxikana kua soko, ni ku tu zelesa miẋima mu ku tu bhuisa o kitongoluelu kiaibha, ni ku dʼixika o mikutu ni menha ma zele.

Tiiaku 5:16

Kala kiki, fisalenu mudienu ituxi ienu, mu di diondele mu kusamba, phala a mʼilule. O kusamba kua muthu uaiuka, ku lenda kiavulu mu kukalakala.

Tiiaku 5:17

O Elija dia musèsedi, ua kexile muthu ni mukuetu, o jihânji jene jimoxi ni etu. Muène anga u samba lujiji phala mvula ki i noke, iene anga i bhanga mivu itatu ni mbeji jisamanu sè kunoka mu ngongo.