Dimatekenu 18:21 - O Mikanda Ikola

²¹ Ngi tuluka-ku, ki ngalʼiki, nga kà sange se kidi muene a bhange kala kudikola ku ngevu, o ki ki kala makutu, phala ngi kʼijiie.

Dimatekenu 18:21 ပူးပေါင်းရင်းမြစ်များ

Dimatekenu 11:5

Ngana anga u tuluka mu tala mbonge ni kathôndo kala mu tunga anʼathu.

Dimatekenu 11:7

Ndokuenu, tu tuluke, tu a bhidike mu kuzuela kuâ, phala a lémbue ku dʼivua mudiâ.

Dimatekenu 18:17

Jihova anga u zuela, uixi: Kifua Mbalahamu ngi mu dingila kioso ki nganda kubhanga?

Dimatekenu 6:12

Ngana Nzambi anga u tala ixi, u mona kuma ia sekala; xitu ioso ia sebuluka mu kuenda kuê mu ngongo.

Jobe 34:22

Kana-ku kitombe mba kizenji kia kalunga kia vundu kinéne mu suama iá oso a bhanga kia ibha.

Jisálamu 14:2

Sui! ku anʼathu kuala Jihova mu diulu, uixi: Ngi talesa mba muala ni iá ala ni kilunji, a ẋikina kusota Nzambi.

Jisálamu 90:8

Ituxi ietu ioso ua i tadika ku mesu mé, ni itondalu ietu ia muẋima ku mukengeji ua pholo ié.

Makatukilu 3:8

Kala kiki, nga tuluka-phe mu ku a kudila bhu maku a akua Ijitu, ni ku a katula mʼoxi momo muala, ni ku a bheka mʼoxi iengi iauabha ia kulu, ixi i kunguluka lete ni uiki; ixi ia tungu Makanana, ni Mahiti, ni Mamodi, ni Mapelezi, ni Mahivi, ni Majebusi.

Makatukilu 33:5

Jihova anga u ambela Mozé, uixi: Ambela anʼa Izalaiele, kuma: Mu mundu ua ngangamana jixingu; eme se ngenda dingi muʼaxaxe kenu, né bhuófele ngó, ngi mi buidisa muene; zulenu-phe makembu menu, phala ngi mone kioso ki ngi mi bhanga.

Jelemiia 17:1

O kituxi kia Juda kiòʼsoneke ni songo ia felu, iala ni sungu ia diiamande, kiòʼsete ku dibaia dia muẋima uâ, ni ku jimbinga ja jithungi ja kalatódio jâ.

Jelemiia 17:10

Eme ngi Jihova eme ngi solokota o muẋima, eme ngi tungula o ilunji; ngi ki bhangela-phe kumona o futu ia tokala kubhana kala muthu kia fuama ku mauendelu mê, ni kia fuama ku ibundu ia ibhangelu iê.

Jona 1:2

Balumuka, u-ie mu mbanza ia dikota ia Ninive, u kole njimbu ia kibuika kiê, mukonda ituxi iê ia bande kunu, ia ngi bhiẋila.

Mikeia 1:3

Talesa kuma o Jihova u tunda bhu kididi kiê, ua kà tuluka anga ua kèndela ku ididi ia dileka iaʼxi mu ngongo.

Sofoniia 1:12

Anga kià kala-phe kiki: Mu izuuʼomo nga kà solokota Jeluzaleme ni tundeia, nga kà bhana kastiku ku athu a xikama ku mavunze a vinhu, anga a zuela ku miẋima iâ, exi: Kua Ngana ki kuizé kima. Kuma Jihova imʼii kene ku i suua, kuila ubhanga kiambote mba ubhanga kiaiibha.

Luka 16:15

Jezú-phe anga ua ambela, uixi: Enuenu mu akua kudiuabhesa bhu pholo ia athu, Nzambi-phe ua mijiia o miẋima. Kuma sai ni kima a ki ximana mu ʼaxaxe ka athu, kua Nzambi-phe ufusa.

Nzuá 6:38

Mbata eme nga tuluka mu diulu, kana mu kubhanga o vondadi iami, maji mu kubhanga vondadi ia ió uoso ua ngi tumu.

II Kolindo 11:11

Mukonda diahi? Manhi mukonda ki ngi mi zolo? Nzambi ua kʼijiia kuila nga mi zola!

Matendelelu 13:3

polofeta ió mba ka jinzojiʼó eie ku mu ivue; kuma o Jihova Nzambi ienu, uene ku mi lola nda a mone se kidi kiene Jihova Nzambi ienu mua mu zola muene ni muxima uenu ua muvimba, ni muenhu uenu uoso.

Matendelelu 8:2

Xinganeka phala u kale mu lembalala njila ioso ia mi bhitisa Jihova Nzambi ienu, mu makuinhi auana a mivu osoʼâ mu kikangalakata, phala a mi bateke, nda a mi lole, mbé o kuijiia kioso kia mi kala ku miẋima moxi, mba mu xikina kutumaka ijiia iê, mba kana.

I Tesalonika 4:16

Kuma Ngana muene ua kà tuluka ku diulu, ni kutesa nzongo, ni dizui dia kota dia ji-anju, ni koloneta ia Nzambi. Bheniobho o madifundu a fila mu kuxikana Kristu, ene a kà dinga kufukunuka.

Jihebeleu 4:13

Kana-ku kima kiobhange ki kamba ku moneka ku mesu ma Nzambi. Ima ioso iobhange, iene ioso ia tukuluka, ia zula ku mesu mê. O kua muène, etu-ene oso kuene ku tua kà bhakula o jikonda.

Josuué 22:22

Nzambi ia jinzambi, Muteni-a-Ioso, Jihova, ua kʼijiia; Nzambi ia jinzambi, Muteni-a-Ioso, Jihova muene a tume ku kʼijiia, ni Izalaiele ki mu tetulukile muene; se o ki tua bhangʼiki, kukituka kua tu bhangesa-kiu, mba kutulumbila Jihova kua tu kuata, ka tu ehele kukola muenhu lelu!