Dimatekenu 18:14 - O Mikanda Ikola

¹⁴ Kifua Jihova sai kima ki mu bhonza ku ki bhanga? Tala, muvu uiza-mu, bhu kumbi kala bhenhabha, bhu kithangana kienhiki kia muenhu uenu, nga kʼeza dingi kikuʼé, o Sala ukala ni mona.

Dimatekenu 18:14 ပူးပေါင်းရင်းမြစ်များ

Dimatekenu 17:16

Mukonda eme nga-nda ku mu zediuisa, ngi mu bhana dibhesá; nga-nda ku ku bhela kua muene, mona u tunda momuʼé; ngi mu bhana dibesá, u kala kivuadi ki bhanga miji; jisobha muene ji tumina ifuẋi hinu ji tunda ku mukutu uê.

Dimatekenu 17:21

Kikutu kiami-phe ki kuatela kua Izake, a-nda ku ku vualela-nê kuala Sala, muvu uiza-mu, bhu kumbi kala bhabha.

Dimatekenu 18:10

Kuala muene, sé kufula muene, muvu uiza-mu, bhu kumbi kala bheniʼabha, muhatuʼé Sala u kala ni mona. Sala anga u kʼivua, uala ku dima dia dibhitu mu balaka.

Dimatekenu 18:13

Jihova anga u ambela Mbalahamu, uixi: Phalahi Sala uolela, uixi: Kidiʼá, ngà kala ni mona ki nga kukʼiki?

Dimatekenu 18:15

Sala anga u dituna, uixi: Ki ngʼolela; kuma uoma ua mu kuata. Muene phe-uixi: Kana ki kiene; eie uolela muene.

Dimatekenu 21:1

Jihova anga u zungila Sala kala kia tangele; Jihova anga u bhanga kua Sala kioso kia mu ambela.

Dimatekenu 21:2

Sala anga uimita, u vualela Mbalahamu monʼa diiala mu uadiakimi uê, bhu kithangana kiʼòxinde, kala kia mu tangelele Nzambi.

II Jisobha 4:16

Kuala, Ilizeu: Bhu kithangana kia tokala, kia kà bhita o muvu, ku izuua ia muenhu, eie ua kà bhubhala mona ua diiala. O muene-phe, uixi: Kana, ngana iami, tata! Muthu ua Nzambi, o mubhikʼê ua muhatu ku mu tele makutu.

Jobe 36:5

Tala-ze! Sumbala o Nzambi ua kulu kinéne, maji muene ka texi muthu, kuma muene ukôla mu ku tetuluka kua muxima uê.

Jobe 42:2

Nga kʼijiia muene kiambote kuila, eie ioso ua soko na-iu; ki bhuala kima ki u xinganeka kubhanga anga a ku lembuesa na-kiu.

Jisálamu 90:13

Jihova tata, bhomba o muẋima ué! Mbambe bhebhi bhu u suka, ni kukokoloka kiki? U xinganeke jiselevende jé ku a kuatela henda.

Jisálamu 93:1

Jihova ua hingi ungana uê! Ua zuata kijîngo! Jihova ua zuata, ua di kutu uzonda: ixi ua i kuatesa bhu kididi kiê, ka tena ku i sendumuna.

Jisálamu 95:3

Kuma o Jihova, kota dia Nzambi, Ngana ia dokota ua tundu o jinzambi joso.

Izaía 50:2

Mukonda diahi, kioso ki ngeza, ki ku moneka muthu? ngʼexana, ki bhuala muthu uetaia? mbé lukuaku luami lua kotanana kiavulu, lú lua lémbua kukula muthu? Inga momuami kana-mu dingi nguzu ia kubhulula? tala-ze, eme se ngi bazela lumoxi ngó, Musanza ua kalunga u kukuta, jingiji jithothuena kala oxi ia kisèkele, anga jimbiji jê ji nuha kibuzu, kuma se ja lémbua menha ji di-fuila ni dinhota.

Jelemiia 32:17

Auá! Jihova, tata! Eie ua iudika o maúlu ni ixi, ni kutena kuoso kua nguzu ié, ni lukuaku lué lua sununuka; kanaku kima ki u mona kuila kisunji ku mesu mé.

Jelemiia 32:27

Tala-ze, eme Jihova, Nzambi ia Xitu ioso; mbé sai-ku kima kioso-kioso ki ngi bhekela ku diuana?

Daniiele 6:20

O kia bhixila bhu ngenda, uixana Daniiele ni dízui dia dilamba, sobha hé uzuelesa Daniiele, uixi: Daniiele, selevende ia Nzambi ia muenhu! O kuila Nzambi ié, ua mu bhikila jinga mu ithangana ioso, ua tena ku ku kudila ku jihoje?

Mikeia 7:18

Nzambi, nanhi muene u soka nʼeie, eie u loloka o ituxi anga o kubhukumuka kua mbandu ia iá a subhuka ku undundu ué u ku jimba kiá? Ngana kene kuila o njinda iê u i bhaka katé ku hádia ni hádia, mukonda muene kia mu uabhela kiavulu, o ku kuatela henda.

Zakadiia 8:6

Jihova dia Ilombo Ieta uambe, kiki: Se o kiki kia kà kala kisunji ku mesu ma iá a subhuka ku muiji uenhú, mu izuua ienhoio, kia kà kala ue kisunji ku mesu mami? Kiene kia tange Jihova dia Ilombo Ieta.

Dialuilu 11:23

Jihova anga u ambela Mozé, uixi: Eie ua fika lukuaku lua Jihova lua di koteka? Ua-nda mona se kizuelu kiami ki ku bhita, mba kana.

Matesu 14:31

Kindala kienhókio Jezú u sunununa lúkuaku luê, u mu kuata, anga u mu ambela, uixi: Eie ua tolo o kuxikana, phata ia ku kuatela-hi?

Matesu 19:26

Jezú ua exi suí, anga u zuela, uixi: Ku athu ki ki xikina; kua Nzambi-phe iene ioso i xikina.

Matesu 3:9

Kana kukala mu kuila moxi dienu, muixi: Etu tuavu tatʼ etu Mbalahamu. Kuma ngi mi tangela-kiu kuila Nzambi ua soko-bhu kubhanga matadiʼ ama ni ma kituka ana Mbalahamu.

Marku 10:27

Sui kuala Jezú, uixi: Ku athu ki kamba ku xikina, kua Nzambi phe kana. Kuma kua Nzambi iene ioso i xikina.

Luka 1:13

Mukunji anga u mu ambela, uixi: Ku kale ni uôma Zakadiia! Mukonda musambu ué Nzambi ua uivu. Muhatuʼé, Nzebele, ua-ndu ku vualela monʼa diiala, eie u mu luka dijina dia Nzuá.

Luka 1:18

Zakadiia anga u ambela mukunji, uixi: Eme ngi kʼijiia kiebhi? Mukonda eme nga kuka kiá, ni mukajiʼami ue ua sunga-ku kiá ku izuua iê.

Luka 1:37

Mukonda kua Nzambi, kana-ku kima ki kamba kuẋikina.

Luka 8:50

Jezú-phe kia kivu, uambela Jailu, uixi: Ku kale ni hèle! Kabasa u xikana, mona u bhuluka.

Loma 4:21

Mbata muẋima uê ua mu tetuluka, kuma kima kia tange Nzambi muene, ua soko-bhu o ku ki bhanga.

Efezo 3:20

Kiki o Nzambi muenʼió ua soko-bhu kubhanga ioso i tua tena o kubhinga, ni ioso i tua tena o kubanza, nʼa te-ku dingi kiatundu kiavulu, mu nguzu iê i tu kalakala moxi,

Matendelelu 30:3

bhenhobho-phe o Jihova Nzambi ié, ua kà ku takana dingi ku ubhika ku uaiioko, anga u ku lendukila; hé ukuata ku ku phopha bhuamoxi, u ku bhongolola dingi mu jixi joso mua ku muangenene Jihova Nzambi ié muène.

Matendelelu 7:21

Ku kale-phe ni u ô ma, anga u teketa mukonda dia ene, mbata o Jihova Nzambi ié uala muʼaxaxi ké, muene Nzambi ia dikota, u kuata uoma!

Filipe 3:21

Muène, o mukutu uetu uasebuluka ua kalunga, ua kà u bhana kidifua kiòbhe, phala u di fangane ku mukutu uê Muène ua kubenha, kabasa o kutena kuê kuala na-ku, kuasoko mú tolola ima ioso ni i mu belesela muène.

Filipe 4:13

Ima ioso nga soko na-iu mua Kristu ió mukua ku ngi bhana o kutena.

Jihebeleu 11:19

Mbalahamu kia mu tetulukila kuila Nzambi ua soko-bho kubheka dingi Izake ku muenhu, né ku ʼalunga ku aii, o ki kia bhiti kifua Mbalahamu ua tambula muene monʼê Izake ku ʼalunga.

Afundixi 13:3

Anju ia Jihova anga i tukulukila o muhatu muenhú, u mu ambela, uixi: Talesa, eie uala u mbaku, ua kambe kuvuala; kiki-phe ua-nda kuimita, hinu u vuala monʼa diiala.

I Samuuele 14:6

Jonata anga u ambela kibese kiê kia mu mu ambatela o ibhakatu ia ita, uixi: Ndoko, tuie ku sámbua bhu poxto ia akua mabôlo enhá, amoxi Jihova u kalakala mu ku tu kudila; kuma Jihova ki bhuala ki mu fudisa kubhulula mundu uê ni athu avulu mba kubhulula mundu uê ni athu atolo.