Dimatekenu 18:11 - O Mikanda Ikola

¹¹ Kialʼiki-phe, ni Mbalahamu ni Sala a sunga-ku kiá muene ku izuua iâ, a kuka; o Sala-phe ua batuka kiá kuia mu ijiia.

Dimatekenu 18:11 ပူးပေါင်းရင်းမြစ်များ

Dimatekenu 17:17

Bheniʼobho Mbalahamu u bhetamena bhoxi u olela, anga u amba ku muxima uê, uixi; Kifua muthu uala mu hama ia muvu, hanji dingi a vuala mona? O Sala uala kiá mu makuinhiʼvua a muvu, ua kà bhanga dingi muiji?

Dimatekenu 17:24

Mbalahamu u kala mu makuinhiʼvua a muvu niʼvua, kia mu sàia o xitu ia kinhûnga kiê.

Dimatekenu 21:7

Uixi, dingi: Nanhi muene ueji kuambela Mbalahamu kuila Sala uamuisa ana? Kuma nga mu vualela monʼa diiala mu ukukilu uê.

Dimatekenu 24:1

Mbalahamu anga u kuka, ua sungu-ku kiá ku izuua, Jihova phe ua mu bhele kubhanduluka mu ima ioso.

Dimatekenu 24:36

O Sala-phe, mukaji a muadiʼami, ua mu vualela monʼa diiala mu ukukilu uê; o muene iú ua mu bhana o jimbongo jê joso.

Dimatekenu 31:35

Lakele anga u ambela tatʼâ, uixi: Ku ngi mone, ngana, kubhuma, nga kambe kuimana bhu pholo ié; kuma o kífua kia ahatu kia ngi kuata. O muene anga u solokota muene, maji iteka ka i mono.

Ijila 15:19

Maji o muhatu kia kala ni kibhubhe, anga o kibhubhe kiê kikala kia manhinga ma xitu iê, a di kalele katé mu sambuadi dia izuua; uoso-phe u mu tula lukuaku, u kasana ue kumbi dioso dia kambàmba.

Luka 1:18

Zakadiia anga u ambela mukunji, uixi: Eme ngi kʼijiia kiebhi? Mukonda eme nga kuka kiá, ni mukajiʼami ue ua sunga-ku kiá ku izuua iê.

Luka 1:36

Xinganeka hanji ndandu ié Nzebele, a kexi ku mu ila mbaku, kiki uemita ue monʼa diiala mu uadikime uê; mbeji samanu kiá a mu kuata.

Luka 1:7

Ene-phe ka moneka mona, mukonda Nzebele ua kexile mbaku; o ene kiiadi kiâ, a kuata kiá mivu iavulu.

Jihebeleu 11:19

Mbalahamu kia mu tetulukila kuila Nzambi ua soko-bho kubheka dingi Izake ku muenhu, né ku ʼalunga ku aii, o ki kia bhiti kifua Mbalahamu ua tambula muene monʼê Izake ku ʼalunga.

Josuué 13:1

Anga Josuué u kuka, ua sunga-ku kiá ku izuua iê; Jihova anga u mu ambela uixi; Eie uakukʼó, ku izuua ua sunga-ku kiá; oxi-phe, iabhingi o ku i tambula, hanhi muene ia nzungule.