Dimatekenu 17:9 - O Mikanda Ikola

⁹ Nzambi anga u ambela dingi Mbalahamu, uixi: O ku mbandu ié eie, u kuata jinga-phe o kikutu kiami, ni eie ni mbutu ié hinu i ku bhingana, ku miji iâ ioso.

Dimatekenu 17:9 ပူးပေါင်းရင်းမြစ်များ

Dimatekenu 17:23

Mbalahamu anga u kuata Ijimaiele, monʼê ua diiala, ni ió oso a a vualela monzo iê, ni ió a sumbu mu kitadi, ka xi-ku diiala ku dibhata dioso dia Mbalahamu, anga u a saia o xitu ia inhûnga iâ, kizuua kienhokio kala kia mu ambela Nzambi.

Dimatekenu 18:19

Mbata eme nga mu ijiia, kuila muene ua-ndu tumina anʼê ni dibhata diê dioso hádia di mu bhingana, phala ende ni kukaiejela mu jinjila ja Jihova, mbé ende ni kubhanga ima ia kilunji ni kuiuka, phala Jihova a kumbidile ioso ia tànga muene ku i bhanga kua Mbalahamu.

Jisálamu 103:18

Ala na-kiu ió a kuata kualuka o kikutu kiê, ni iá a xinganeka o ijila iê nʼa i tumaka.

Jisálamu 25:10

Jinjila ja Jihova jene joso ja henda ni kidi; muene u di tuma ni ió oso a kuata kikutu kiê ni maumbangi mê.

Makatukilu 19:5

Kiki-phe, se mu tumaka muene dízui diami, se mu kuata o kikutu kiami, mu kala mu athu ami angene, mua di tungula ku miji ioso; kuma ioso mu ngongo eme muene ia ngi tokala.