Dimatekenu 17:8 - O Mikanda Ikola

⁸ Ngi ku bhana eie muene, ni mbutu ié hinu i ku bhingana, o ixi ienhiʼii ia inhunginu ié, ixi ioso ia Kanana, i kala undundu ué katé ku hádia ni hádia sè dizubhilu; eme ngà kala ngi Nzambi iâ.

Dimatekenu 17:8 ပူးပေါင်းရင်းမြစ်များ

Dimatekenu 12:7

Jihova anga u tukulukila Mbalamu, u mu ambela, uixi: O mbutu ié-eie hinu nga kà a bhana o ixi ienhiʼii. Muene anga u tunga-bhu kalatódio, phala Jihova ua mu tukulukila.

Dimatekenu 13:15

Mukonda o ixi ioso i ua mono iii, eie muene hino ngi ku bhana-iu, ni mbutu ié phala kutungenena momo, katé ku hádia ni hádia.

Dimatekenu 13:17

Balumuka-phe, uende ixi ioso iii, ni bhu kuzanza kuê, ni bhu kulebha kuê; kuma hinu eie-muène ngi ku bhana na-iu.

Dimatekenu 23:4

Ngi musonhi, ngi nzuángiza, muʼaxaxi kenu; ngi bhanienu kididi kia undundu kia kufundila, phala ngi funde-bhu o kimbi kiami, nʼa ngi bhue ku mesu.

Dimatekenu 26:24

Jihova anga u mu tukulukila usuku uenʼió, u mu ambela, uixi: Eme ngi Nzambi ia Mbalahamu tatʼenu; kana kukala ni uoma ua kima kioso-kioso, kuma eme ngala bhu mbandu ié, ngi ku bhana kuzediua, o mbutu ié ngi i sokolola, mukonda dia selevende iami Mbalahamu.

Dimatekenu 28:4

A ku bhane dibesá dia Mbalahamu, ni eie ni mbutu ié; phala u lundule o ixi ia inhunginu ié mu uala kunhungina, ia bhana Nzambi kua Mbalahamu.

Dimatekenu 35:27

Jakobo anga uiza bhua tungile tatʼâ Izake, bhu Mamele, bhu Kidiata-halaba, muene mu Hebolone, mua kexile Mbalahamu ni Izake mu inhunginu iâ.

Dimatekenu 36:7

Kuma a di bhange mabhata a makota, kutunga kumoxi ki kua ẋikina; o ixi ia unhunginu uâ ki i soko ene oso kukala-mu mukonda dia ibhaku iâ.

Dimatekenu 37:1

Jakobo anga u tunga mʼoxi ia inhunginu ia tatʼâ, mʼoxi ia Kanana.

Dimatekenu 48:4

uixi: Iala-ze, nga-nda ku ku bhangesa kudivuala ni kudivualulula, ngi ku bhanga u kala u ndumba dia ifuẋi, ixi iii ngi i bhana anʼê a ku bhingana, i kala undundu uâ, thembu ioso sé dizubhilu.

II Samuuele 23:5

Dibhata diami manhi ki kiene ki dia tungiua ku mesu ma Nzambi? Kuma ua te ni eme kikutu ki nangenena, kia jimbuluka mu ima ioso, kiókondeke; ioso ia kubhanduluka kuami, ioso ia mbote i ngʼinda, manhi ki muene u i buingitisa?

I Malunda 16:18

uixi: Eie-muène nga-nda ku kubhana o ixi ia Kanana, ikale mbandu ia undundu uenu.

Jisálamu 103:17

Maji o henda ia Jihova-phe, ku i tunda, ku i ia, ki iene thembu; ia xalela ku thandu dia akua uoma uê; o ku kumbidila kuê ni ku mululu ni ku mulaula.

Jisálamu 105:11

Uixi: Eie-muène ngi ku bhana o ixi ia Kanana, nga ku batuila-iu, i kale undundu ué.

Jisálamu 105:9

Kiene kia kikutu kia ta ni Mbalahamu, ni mulôko uê ua lokela Izake,

Makatukilu 13:11

Kia kà kala-phe ue kiki, kuma Jihova kia kà mi bheka mʼoxi ia Makanana, kala kia mi lokela enu ni jitata jenu, kia kà mi bhana-iu o ku i vua.

Makatukilu 21:6

ngana iê-phe u mu bheka bhu pholo ia afundixi, anga u mu bhiẋidisa ku dibhitu, mba ku mikangalu ia dibhitu, ngana iê bhenhobho a mu kubule dítui ni sovela; u kala-phe kiá mubhika katé bhu ufuilu.

Makatukilu 29:45

Nga kà tunga mu kaẋi ka anʼa Izalaiele, ngi kala ngi Nzambi iâ.

Makatukilu 32:13

Xinganeka Mbalahamu, ni Izake ni Izalaiele, abhiké kioso ki ua a lokela mu dijina dié Eʼmuene, Eie ua a ambela, uixi: Ngi mi sokoluela o mbutu ienu, a vula kala théthembua ku diulu, ni ixi ioso i nga mi tangela, nga i bhana mbutu ienu, a kà i lundula mu mivu sé mbambe.

Makatukilu 40:15

anga u a unda ue ni maji, kala ki ua undu tatʼâ, mbé ene uâ a ngi kalakele ku unganga; o ku a unda kuâ ku kala kua unganga unangenena ku miiji iâ ioso.

Makatukilu 6:4

Nga kuatesa kikutu kiami ni ene, mu ku a bhana ixi ia Kanana, ixi ia unhunginu uâ mua kexi kunhungina.

Makatukilu 6:7

eme anga ngi mi tambula kukala mu mundu uami, anga ngi kala ngi Nzambi ienu; hinu mu kʼijie kuma eme Jihova, Nzambi ienu, nga tena ku mi katula bhoxi dia imbamba ia mi xina akua Ijitu.

Jelemiia 25:5

Kia tange, kuila: Dielenu, muthu ku njila iê ia ibha ni mu ku ibha kua ibhangelu iê, nda mu tunge mu ixi ia mi bhana Jihova, enu ni jitata jenu, tundé mʼukulu ni ku hádia ni hádia.

Jelemiia 31:1

Jihova uixi: Mu izuuʼomo nganda ku kala eme ngi Nzambi ia miji ioso ia Izalaiele, ene a kà kala kifuxi kiami.

Izekiiele 11:20

Mbhebhu aie ni kuenda mu jingonge jami, ni alunde o mabatuilu mami, nʼende ni ku a bhanga; ene hé a kà kala kiá mundu uami, eme ngi kala ngi Nzambi iâ.

Izekiiele 33:24

Monʼa diiala, enhá a tungu mu ididi iii iala o jingùndu mua Izaliele, a mu zuela, exi: Mbalahamu ua kexidiê ngó muthu umoxi, o ixi iosuʼiii ia mu tokalele muene, maji-phe etu tua vulu; o ixi ienhiʼii ia a tu bhié-iu kiá ku i vua.

Ijila 14:34

Kioso ki mu bhixila mʼoxi ia Kanana, i nga-nda ku mi bhana mu ubhingano, Eme anga ngi tuma dibhebho dia dibhute ku kuata ku inzo, mʼoxi i mua-nda kúvua;

Ijila 16:34

O kienhiki ki kale-phe kijila kienu ki nangenena muende ni ku bhanga jinga kiamenga kia kulàmba o ituxi ioso ia anʼa Izalaiele, ku muvu mu ki bhanga jinga lumoxi. Alá iú ua ki bhange kala kia tumine Jihova kua Mozé.

Ijila 26:12

Anga ngi kuata kuzungila muʼaxaxe kenu, Eme ngi kala ngi Nzambi ienu, enu ue mu ngi kala mu mundu uami.

Zakadiia 8:8

Nga kèza-nâ; a kà tunga muʼaxaxi ka Jeluzaleme. Ene a kà kala mundu uami, eme nga kà kala ngi Nzambi iâ, mu kidi ni mu kufundisa kua iuka.

Dialuilu 10:29

Mozé anga u ambela Hobabe monʼa Leuele mukua Midiiane, ukouakime ua Mozé, uixi: Tuala mu njila ia kuia ku kididi kia tu ambela Jihova, kuma: Ngi mi bhana-kiu; zá tuile kumoxi, tu ku bhange mbote; kuma Jihova ua tange kubhanga mbote kua Izalaiele.

Dialuilu 25:13

ki kala kia muene, ni anʼê a mu bhingana, kikutu kia unganga u nangenena; kuma ua kexile ni muanu ua kuzokela Nzambi iê, iú ua bhitisa kiamenga phala anʼa Izalaiele.

Dialuilu 27:12

Jihova anga u ambela Mozé, uixi: Eie u banda mu mulundu iú ua Abadimi, o ixi i ngi bhana anʼa Izalaiele u i muena ku sámbua.

Jipoxolo 7:5

Nzambi muène, Mbalahamu ka mu bhana-mu kibatu kia kulundula, né kia soko ngó kujika o dikanda diê dia dinama. Maji Nzambi anga u ta kikutu kia ku mu bhana-iu ku ivua, ni ku i bhana o mbutu iê ku i lundula. Sumbala Nzambi ki a te o kikutuʼiki, Mbalahamu ka moneka luua mona.

Matendelelu 14:2

Mbata eie u kifuẋi kiangene kia Jihova Nzambi ienu; o Jihova phe ua mi tungula ku ifuẋi ioso ia dizale bhoxiʼabha, phala mu mu kale mu mundu uê ua mu tokala.

Matendelelu 26:18

Jihova lelu ua ku jingisa iu ua ku edi: Tanga-kiu muene kuamba u kala u kifuẋi kiami muene, kala kia ku ambelele kiá, iu ua ku solo phala uende ni kualuka jinga o ijiia iê ioso.

Matendelelu 29:13

Mu kusota o ku ku xikika kiambote mu kukala lelu u kifuẋi kiê-muène ngó; o muene ue a ku kale Nzambi ié-eie, kala kia ku ambelele kiá, kala ue kia lokela ku jitata jé, Mbalahamu, ni Izake, ni Jakobo.

Matendelelu 32:49

Banda bhu ditala dia Abadimi, ku mulundu ua Nebo, u ala mʼoxi ia Mouabhe bhua lulama ni Jedikó, u talese oxi ia Kanana i nga-nda kubhana anʼa Izalaiele mu ubhinganu.

Matendelelu 32:8

Kioso kia kexe Suke-ku mu kuuanena miji iʼathu o undundu uâ, anʼa Adá anga u kuata ku auanuna ku ibuka-ibuka ia di kexidila mudiâ, hé u ta jimbambe phala ifuẋi mu ngongo, o anʼa Izalaiele ua a zongela kala kiasoko o ndumba iâ.

Matendelelu 34:4

Jihova anga u mu ambela, uixi: Iii iene o ixi i nga lokela Mbalahamuʼii, ni Izake, ni Jakobo, kuila: Nga-nda ku i bhana o mbutu ié. Nga ku londekeza-iu-phe phala u i mone ngó ni mesu mé, maji kua-nda kubokona-mu.

Matendelelu 4:37

Mukonda muene ua zola adié, iu ua sola o mbutu iâ, iú ua i tungula kioso ene kia zubha kúfua, muene ua ku katula eie mʼoxi ia Ijito ni undanda ua nguzu iê.

Matendelelu 9:5

Ka ki bhangela mukonda dia kuuabha kuenu, mba mukonda ua mi mono ni muxima ualùngu kua muene; kana. Maji o ituxi ia ifuẋi iii, iene-ku iabhangesa Jihova Nzambi ienu ku mi kaiela-u; mbé o kuxikika o kikutu kia lokela Jihova Nzambi ienu ku jitata jenu, a Mbalahamu, ni Izake ni Jakobo.

Jihebeleu 9:15

Kienʼ iki-phe, Kristu kiene kia mu bhekela kukala mutesi a kikutu kiobhe, phala oso ngó a exana kuala Nzambi a tene kutambula o mabesá ma nangenena ma polomesa iê. Kuma sai kalunga ka bhitile-bhu phala kutena kukula o athu ku ituxi iâ ia tele mu thembu ia kikutu kia diangele-ku.

Josuué 1:2

Mubhikʼami Mozé, uafu; kiki-phe balumuka, u zaúke ngiji iii ia Njolodá, ni eie ni kifuẋi kioso kiki, mu bhiẋile mʼoxi i nga-nda ku bhana anʼa Izalaiele.

Dijingunuinu 21:7

Uoso u tolola, muène ua kà lundula kokuami o ima íii: Eme nga kà mu kala ngi Nzambi iê, muène uà kala monʼami.