Dimatekenu 17:7 - O Mikanda Ikola

⁷ Kikutu kiami nga kà ki kolesa bhu kaẋi kʼami ni eie, ni mbutu ié ioso hinu i ku bhingana, ku tunda muiji kuiza muiji, kala kikutu kinangenena kia bhingi eme ngi kala ngi Nzambi ié, ngi Nzambi ia mbutu ié hádia i ku bhingana.

Dimatekenu 17:7 ပူးပေါင်းရင်းမြစ်များ

Dimatekenu 15:18

Kizuua kienhokio-phe Jihova u ta kikutu ni Mbalamu, uixi: Mbutu ié nga a bhana muene ixi iii tunde mu honga ia Ijito katé mu honga ia dikota, honga ia Ufalate,

Dimatekenu 17:13

Ni ió a mu vualela monzo, ni ió ua mu sumbu mu kitadi, kikala muene mu a saia; kikutu kiami anga ki di monekena ku xitu ienu, ki kala kikutu ki ngangenena.

Dimatekenu 17:19

Ngana Nzambi, phe, u mu ambela, uixi: Ni kidi kiene, mukajiʼé Sala hinu ua-nda ku ku vualela monʼa diiala; eie-phe ua kà mu luka Izake; muenephe nga-nda ku ta-nê kikutu kiami; kikutu kinangenena phala o mbutu iê hádia i mu bhingana.

Dimatekenu 26:24

Jihova anga u mu tukulukila usuku uenʼió, u mu ambela, uixi: Eme ngi Nzambi ia Mbalahamu tatʼenu; kana kukala ni uoma ua kima kioso-kioso, kuma eme ngala bhu mbandu ié, ngi ku bhana kuzediua, o mbutu ié ngi i sokolola, mukonda dia selevende iami Mbalahamu.

Dimatekenu 28:13

o bhu zoko-zoko diê anga u mona Jihova uala-bhu, uixi; Eme ngi Jihova, ngi Nzambi ia tatʼenu Mbalahamu, ngi Nzambi ia Izake; oxi iene i ua zekʼiii, hinu ngi ku bhana-iu, ni eie ni mbutu ié;

Dimatekenu 6:18

Maji-phe nga-nda ku ta kikutu kiami ni eie: ua kà bokona mu álaka, eie, ni anʼé a mala, ni mukajiʼé, ni akaji a anʼé, kumoxi.

Dimatekenu 9:16

O hongolo ia kà kala mu matuta; eme-phe ngi i tala jinga, phala ngi lembalale o kikutu ki nangenena kia bhiti bhu kaẋi ka Nzambi ni mienhu ia jixitu joso jala mu ngongo.

II Samuuele 7:24

Mundu ué ua Izalaiele anga u a tungisa mu kala mundu ué ua di kalela mu mivu ia kambe dizubhilu; eie muene Jihova, ua di bhange u Nzambi iâ.

I Malunda 16:13

Enu, mu mbutu ia Izalaiele, selevende jê, enu mu ana a Jakobo a mi sola.

I Malunda 16:14

Jihova, muene. Nzambi ietu; mu ngongo ioso muezala ni mabatuilu mê.

Jisálamu 81:10

Eme Jihova, ngi Nzambi ié, nga ku katula mʼoxi ia Ejito; jikula mu kanu dié kiambote, eme ngi ku izalese-mu.

Makatukilu 3:15

Nzambi anga u ta-ku dingi kuambela Mozé, uixi: Anʼa Izalaiele ua kà ambela kiki: Jihova, Nzambi ia jitata jenu, Nzambi ia Mbalahamu, Nzambi ia Izake, Nzambi ia Jakobo, ua ngi katula, iú ua ngi tumu ko kuenu; didi diene o dijina diami di xalela-ku, diene dia ku ngi lembalala na-diu kutunda muiji kuiza muiji.

Makatukilu 3:6

U kumuna dingi, uixi: Eme ngi Nzambi ia tatʼenu, ngi Nzambi ia Mbalahamu, ngi Nzambi ia Izake, ngi Nzambi ia Jakobo. Mozé anga u di futa o pholo iê; kuma uala ni uoma ua kutala mesu kua Nzambi.

Makatukilu 6:4

Nga kuatesa kikutu kiami ni ene, mu ku a bhana ixi ia Kanana, ixi ia unhunginu uâ mua kexi kunhungina.

Makatukilu 6:7

eme anga ngi mi tambula kukala mu mundu uami, anga ngi kala ngi Nzambi ienu; hinu mu kʼijie kuma eme Jihova, Nzambi ienu, nga tena ku mi katula bhoxi dia imbamba ia mi xina akua Ijitu.

Izaía 61:8

Mbata eme ngi Jihova, kia ngi uabhela o kuiuka, kia ngi ibhila o kubhanga kiaiibha; eme nga kà a bhana futu iâ mu kidi; anga ngi ta-nâ kikutu kià xalelà-ku.

Jelemiia 31:1

Jihova uixi: Mu izuuʼomo nganda ku kala eme ngi Nzambi ia miji ioso ia Izalaiele, ene a kà kala kifuxi kiami.

Izekiiele 28:26

A kà tunga momo ni kukondama, a tunga a soma, anga a kà bhanga mabhata, a kà kuna mivide; kiene muene, a kà tunga ni kukondama, kioso eme ki nga-nda kufundisa ene oso a muia ni kunhana mu jimbandu jâ; hé a kà kʼijiia kuila eme ngi Jihova, ngi Nzambi iâ.

Ijila 11:45

Mukonda Eme-eme Jihova, ngala ku mi batesa mu kutunda kʼoxi ia Ijitu, phala ngi kale ngi Nzambi ienu; kala kiki enu mu di zelesa, mbata Eme nga zela.

Ijila 25:38

Eme-muene Jihova Nzambi ienu, nga mi tundisa kʼoxi ia Ijitu, mbé o ku mi bhana oxi ia Kanana, nda ngi kale ngi Nzambi ienu.

Ijila 26:12

Anga ngi kuata kuzungila muʼaxaxe kenu, Eme ngi kala ngi Nzambi ienu, enu ue mu ngi kala mu mundu uami.

Ijila 26:44

O kia di té-ku, né-mbé-phe hanji kuene kua di texilʼoko, mʼoxi ia jinguma jâ muala, Eme ue ki ngi tena ku a ẋimbuka, ki ngi tena ku di kuma-nâ, anga ene oso ngʼa jimisa o mbutu, hé ngi selula o kikutu kiami ki nga tele ni ene, mukonda Eme-muene ngi Jihova Nzambi iâ.

Ijila 26:45

Sembele ngʼa kuatela henda, anga ngi lembalala o kikutu ki nga tele ni adiʼâ, u nga tundixile kʼoxi ia Ijito, o ifuẋi ku mbandu ni mbandu ia a ki muene mesu, ngixi phala ngi kale ngi Nzambi iâ; Eme Jihova.

Ijila 26:9

Enu-phe ngi mi sakukila muene kuma mesu ami ngi a ta kokuenu, anga ngi mi bhana o ku di vuala, hé ngi mi sokolola muene, anga ngi kolesa o kikutu kiami nʼenu.

Mikeia 7:20

Mu kienhiki, Nzambi ua kà londekeza o ufiiele uê kua Jakobo, ni henda iê ia kuatela Mbalahamu, kala kia lokelele o jitata jetu tunde mu izuua ia xahúlu.

Matesu 22:32

Eme ngi Nzambi ia Mbalahamu, Nzambi ia Izake, Nzambi ia Jakobo? Nzambi ki Nzambi ia madifundu, maji ia athu a muenhu.

Marku 10:14

Jezú-phe kia ki mono, kia mu iibhila kiavulu, uixi: Ehelenu o tuana ku ngi bhixila! Kana ku tu kaia, kuma o Utuminu ua Nzambi ua tokala oso a soko ni tuana enhá.

Jipoxolo 2:39

Kuma o kizuelu kiê kia bhana, kia mi tokala enu, ni anʼ enu, ni oso ala ku makanga, oso kiá a kà exana kuala Nzambi, Ngana ietu.

Loma 9:4

Ene akua Izalaiele, o muiji uòsole kua Nzambi iú ua a bhange anʼ ê, iú ua a bhana ue ku fuma iê. Uate-nâ o ikutu iê, iú ua a bhana o Kitumu. O kubheza kua kidi ala na-ku ene, iá a tambula o jipolomesa ja Nzambi.

Efezo 2:2

Mu thembuʼ omo enu muene mu mua kexile mù kuendela kala ki tuma ngana ioio iavu o utuminu uê mu dimbinza muene o nzumbi kindala iala moxi dia ana abhukumuka, a kamba kutumaka Nzambi.

Matendelelu 29:13

Mu kusota o ku ku xikika kiambote mu kukala lelu u kifuẋi kiê-muène ngó; o muene ue a ku kale Nzambi ié-eie, kala kia ku ambelele kiá, kala ue kia lokela ku jitata jé, Mbalahamu, ni Izake, ni Jakobo.

Jihebeleu 11:16

Uila kiki, o bhezabha-phe a mu sota ixi ia beta o kuuabha, o ixi ia diulu. Nzambi kiene kia mu kambesa kukala ni sonhi ia ku mu luka kuma muène Nzambi iâ-ene, mukonda muène ua a iudikila kiá dibhata.

Jihebeleu 8:10

O kikutu-phe hinu ki nga kà ta ni mundu ua Izalaiele, eme ngi Ngana, izuua ieniʼoio,—kia kà kala kiki: Nga kà ta o ijila iami mu thulu iâ, anga nga kà i soneka mu miẋima iâ. Eme nga kà kala ngi Nzambi iâ, ene a kà kala mundu uami.

Afundixi 2:1

Mukunji ua Jihova anga u tunda bhu Jidingale u banda ku Betele. Uixi: Eme nga mi katula mu Ijitu, nga mi bheka mʼoxi i nga lokela ku jitata jenu, ngixi; Kikutu kiami kioso, ki nga te ni enu, ki ngi ki tondala kana, kate ku miji ni miji.