Dimatekenu 17:23 - O Mikanda Ikola

²³ Mbalahamu anga u kuata Ijimaiele, monʼê ua diiala, ni ió oso a a vualela monzo iê, ni ió a sumbu mu kitadi, ka xi-ku diiala ku dibhata dioso dia Mbalahamu, anga u a saia o xitu ia inhûnga iâ, kizuua kienhokio kala kia mu ambela Nzambi.

Dimatekenu 17:23 ပူးပေါင်းရင်းမြစ်များ

Dimatekenu 14:14

Bhenhobho Mbalamu kia zubha ku kʼivua kuila phangʼiê a mu kutu, ia aii-nê, u manekesa makuenze mê, a a vualela mu dibhata diê, hama jitatu ja muthu ni makuinhi nake, u a kaiela katé ku Dane.

Dimatekenu 17:9

Nzambi anga u ambela dingi Mbalahamu, uixi: O ku mbandu ié eie, u kuata jinga-phe o kikutu kiami, ni eie ni mbutu ié hinu i ku bhingana, ku miji iâ ioso.

Dimatekenu 18:19

Mbata eme nga mu ijiia, kuila muene ua-ndu tumina anʼê ni dibhata diê dioso hádia di mu bhingana, phala ende ni kukaiejela mu jinjila ja Jihova, mbé ende ni kubhanga ima ia kilunji ni kuiuka, phala Jihova a kumbidile ioso ia tànga muene ku i bhanga kua Mbalahamu.

Dimatekenu 34:24

Ene oso akua bhata ene kubhita bhu muelu ua kimbaka, anga evua Hamolo ni monʼê Xikeme; mala oso a akua bhata anga a a saia, ni oso ene kubhita bhu muelu ua kimbaka kiâ.

Jisálamu 119:60

Nga bhange lusolo, ngixi nguami kulaleka, ngi kale mu tumaka o itumu ié.

Jisabhu 27:1

Ku te nzabala ia kizuua kia mungu, mbata ioso ia-nda kuiza na-iu o kizuua kia mungu eie kua ijiia.

Ndongixi 9:10

Kioso kia kuiza bhu maku phala ku ki bhanga, bhanga-kiu muene katé bhuoso bhua suku o nguzu ié, mukonda o mu mbila mu ua-nda kuia, kana-mu dingi kikalakalu, mba ufunu, mba uhete, mba kuijiia kuoso-kuoso.

Jipoxolo 16:3

Phaulu anga u mu inda kuianê mu kuenda. Anga u tuma ku mu saia mukonda dia Jijudé ja tungu mu jimbanduʼ ojo, kuma ene oso a mu ijiia kuila tatʼâ Ngeleku.

Ngalásia 5:6

Kuma kioso ki tu kala mu umoxi ni Kristu Jezú, ki u kala a ku saie, ki u kala ka ku saie, kiene kioso ki kia kate kima; kia kate-ku o kuxikana ku kalakala ni henda.

Ngalásia 6:15

Kuma mua Kristu Jezú, ki u kala a ku saie, ki u kala ka ku saie, kiene kioso ki kia kate-ku kima; kia kate-ku o ku mi bhangulula athu obhe.