Dimatekenu 17:17 - O Mikanda Ikola

¹⁷ Bheniʼobho Mbalahamu u bhetamena bhoxi u olela, anga u amba ku muxima uê, uixi; Kifua muthu uala mu hama ia muvu, hanji dingi a vuala mona? O Sala uala kiá mu makuinhiʼvua a muvu, ua kà bhanga dingi muiji?

Dimatekenu 17:17 ပူးပေါင်းရင်းမြစ်များ

Dimatekenu 17:18

Mbalahamu anga u ambela Ngana Nzambi, uixi: Tamanu Ijimaiele a laie bhu pholo ié.

Dimatekenu 17:3

Mbalamu bhenʼobho anga u bhetama o pholo bhoxi, Nzambi anga u zuela-nê, uixi:

Dimatekenu 18:11

Kialʼiki-phe, ni Mbalahamu ni Sala a sunga-ku kiá muene ku izuua iâ, a kuka; o Sala-phe ua batuka kiá kuia mu ijiia.

Dimatekenu 18:12

Sala anga u olela ni muxima uê, uixi: Kifua ki nga kukʼiki kiene kiua ki ngi kala ni kusanguluka kua kukala ni mona, muadi uami ue nga sokoʼê-nê kiá mu kukuka?

Dimatekenu 21:5

Mbalahamu ua kexi mu hama ia muvu, kia mu vualela monʼê Izake.

Dimatekenu 21:6

Sala anga u amba, uixi: Nzambi ua ngi bhekela jingolela; oso ue a-nda ku kʼivua a-nda kuolela kumoxi nʼeme.

Dimatekenu 21:7

Uixi, dingi: Nanhi muene ueji kuambela Mbalahamu kuila Sala uamuisa ana? Kuma nga mu vualela monʼa diiala mu ukukilu uê.

I Malunda 21:16

O Davidi, mu kuzambula mesu mê, uamono o anju ia Jihova, iemana mu dinga ni dinga, mu mbambe iaʼxi ni diulu, ni xibhata ia fuomona ma kizu ia kuata bhu lukuaku luê, ialeka mu kubuikisa Jeluzaleme. Kienhokio Davidi-phe ni makota moso, a zuata jisaku ja idinhaji, a dibhala o jipholo jâ bhoxi.

Jobe 1:20

Bheneʼobho, Jobe u balumuka, u tandula divunga diê, u konga jindemba mu mútue, hé u di takuila mu mavu, anga u bheza Nzambi.

Izekiiele 1:28

Mukuâ ni ki kala o hongolo ku diulu, ki i moneka ku matuta bhu kumbi dia mvula, kiene ue kia di-fuile o mukengeji uenhú ua kondoloka mu jimbandu; kienhiki kia di-fuile o kubenha kua unéne ua Jihova; o kienhiki kioso ki nga ki mono, nga dibhale o pholo bhoxi, eme ngevu o dízui dia ió ua kexile mu zuela.

Daniiele 8:17

Muene ueza bhua zukama ni bhu ngala eme; o kia mu kuiza muene kiki, uôma ua ngi kuata, nga di-ṗhudika pholo bhoxi. Muene-phe ua ngʼambela, uexi: Tongoloka, monʼa muthu, kuma kisuma kiki kia kà di kumbidila ku dizubhilu dia thembu.

Ijila 9:24

Kuma bhu pholo ia Jihova bhua tundu túbhia tu tua jidisa o sata ioso ia kuoha ni banha iala ku kalatódio; o kifuẋi kioso kia ki mono, a dikola ni ngalasa, hé a di bhala jipholo bhoxi, mu kudiunda.

Dialuilu 14:5

Bhenhobho ni Mozé ni Alá a di bhala jipholo bhoxi, ku mesu a kionge kioso kia kilômbo kia Izalaiele.

Dialuilu 16:22

Maji-phe ene a di ṗhudikila o jipholo jâ bhoxi, anga ela exi: Uá! Nzambi, tata! Eie u Nzambi ia jinzumbi ja xitu ioso, abha mukonda dia muthu umoxi ua-te o kituxi, eie u thathamena kiavulu kiki o kilômbo kiosuʼiki?

Dialuilu 16:45

Katukenu muʼaxaxe ka kionge kiki, nda eme ngi ki jimise mu kapota-diesu. Ene-ṗhe bhenhobho a di ṗhudikila o jipholo bhoxi,

Matesu 2:11

Anga a bokona mʼonzo, hé a sanga kamona ni Madiia mamʼâ; anga adibhala, hé a mu sambela. O kuila a jikula mu imbamba iâ, a mu bhanga ujitu, ni ulu, ni uasu ua dizumba ua libana, ni uamukuá ua sumuna; a mu bhana.

Luka 1:18

Zakadiia anga u ambela mukunji, uixi: Eme ngi kʼijiia kiebhi? Mukonda eme nga kuka kiá, ni mukajiʼami ue ua sunga-ku kiá ku izuua iê.

Nzuá 8:56

Tatʼ enu Mbalahamu, ua tanene ni ngalasa mukonda dia kumona o kizuua kiami. Muène ua ki muene, iú ua sanguluka!

Matendelelu 9:18

Anga ngi diʼumba bhu pholo ia Jihova, kala ki nga tuamene kiá kubhanga, ngi mukua makuinhi auana a makumbi ni makuinhi auana a usuku, ki bhua kúdia mbolo, ki bhua kúnua menha; dilamba diosoʼidi-phe kia di bheka o mulonga ua kituxi kienu ki mua lokalala na-kiu Jihova, ni ku mu thathamesa.

Matendelelu 9:25

Anga ngi fukama bhu pholo ia Jihova mu makuinhi auana a makumbi ni makuinhi auana a usuku, mukonda Jihova uambele kiá ku mi buikisa.

Josuué 5:14

Kuala muene, kana, ngi kilâmba kia ifuẋi ia Jihova ngeza. Josuué anga u diunda, u ta pholo bhoxi, u mu bheza, uixi: Ngana iami, mubhikʼé u mu ambela kima kiahi?

Josuué 7:6

Josuué anga u tandula izuatu iê, u di bhala pholo bhoxi, bhu pholo ia álaka ia Jihova, katé mu ngoloxi, ni muene ni adiakimi a Izalaiele; anga a di kuua mavu mu mítue.

Dijingunuinu 11:16

Bhenhobho o makuinhi aiadi a kikulakaji ni iuana, ene kuxikama bhu iandu iâ bhu pholo ia Nzambi, anga a di bhala jipholo bhoxi, hé a beza Nzambi,

Dijingunuinu 5:8

Kia zubha ku di tambula, o iama iuana ia muenhu ni makuinhi aiadi a kikulakaji ni iuana, a di bhala bhu pholo ia Kambudi. Ene oso a sokelèlaku ni kukuata jimbànza ni jinganza ja ulu jezala fufutila ia dixi dia dizumba, iene o misambu ia akua-Ngana.

Afundixi 13:20

Kuma mulengu ki ua kuata kulekujuka ku thandu dia kalatódio, u kala mu banda bhulu, ni anju ia Jihova ua bandela kumoxi mu mulengu ua túbhia u tunda ku kalatódio; ni Manoua ni muhatuʼê a ki mona mesu; anga a di bhala, a ta jipholo mu mavu.