Dimatekenu 17:14 - O Mikanda Ikola

¹⁴ Diiala dioso a kambe ku mu saia o xitu ia kinhûnga kiê, muenhu ió a kà u batula mu jindandu jê; mukonda kikutu kiami ua ki tondala.

Dimatekenu 17:14 ပူးပေါင်းရင်းမြစ်များ

Dimatekenu 17:15

Nzambi anga u ambela dingi Mbalahamu, uixi: Mukajiʼé Salai kuende dingi ni ku mu ixana Salai, maji dijina diê di kale kiá Sala.

Dimatekenu 34:14

Anga a ambela, exi: Ki tu tena ku ki bhanga, o kubhana phagiʼetu ia muhatu ku diiala a kambe ku mu saia; kiókio ki kala kala tua sebuluka.

Jisálamu 55:20

Muenhó ua zengela maku mê ku akuá a kexe-nê kiambote; o kikutu kia ukamba ua ki fukula.

Makatukilu 12:15

O jimbolo ja kambe o felemendu mu ji dia mu sambuadi dia izuua; tunde kiá kizuua kiene kia dianga, felemendu ioso i bhua-mu mu jinzu; kuma uoso u dia jimbolo ja felemendu tunde kizuuʼokio kia dianga katé kizuua kia kasambuadi, muenhó muthu ua ku mu batula mu undandu ua Izalaiele.

Makatukilu 12:19

Mu sambuadi dia izuua iii, ki mu kale ni felemendu mu jinzo jenu; kuma uoso udia kima nʼa te-mu felemendu, muthu ió muthu ua ku mu batula mu kionge kia Izalaiele, a kale nzuangiza, a kale muthu a mu vuala ku bhata.

Makatukilu 30:33

Uoso u iudika maji kala iá, mba u a ta ku mukutu ua muthu uengi, ió muthu ua ku mu batula mu jindandu jê.

Makatukilu 30:38

Uoso u iudika uasu kala iú, phala kuenda ni ku u fuenha o dizumba diê, muthu ua ku mu batula mu jindandu jê.

Izaía 24:5

Kuma kia kidi kiene oxi ia kasana, mukonda dia iá oso a tungumu; mbata o ijila ka mu i aiuka, o jingonge a ji lungulula, o kikutu kinangenena a ki bulu.

Izaía 33:8

Ikoka iabolo, o jingenji ja kuenda, mu njila a batuka-mu; nguma o kikutu ua ki bulu, o madiembu ua mʼehelela, ka mu suua dingi muthu.

Jelemiia 11:10

A vutukila ku uséia ua jitata jâ, athu a di tunine kuivua o maka mami; ia a kaiela o jinzambi jengi phala ku ji bhikila: Dibhata dia Izalaiele ni dibhata dia Juda, kikutu kiami a ki selula, ki nga tele ni jitata jâ.

Jelemiia 31:32

ki ki kala dingi kala o kikutu ki nga tele ni jitata jâ, mu kizuua ki nga a kuata mu lukuaku, phala ku a katula mʼoxi ia Ijitu; mbata o kikutu kiamiʼokio ki nga tele-nâ, ene a ki buakulula, kia tumbuluka muene, sumbale eme ngi Jihova hanji nga sakana-nâ, Jihova ua ki tange.

Izekiiele 44:7

Mukonda muexana athu engi, a kambe o ku a saia ku muẋima ni ku xitu, nʼa kale mu dibhezelu diami, nʼende ni ku di kasanesa mʼonzo iami, kioso enu ki muenda ni kubhakula o mbolo iami, ni maji, ni manhinga; o ene ia a numununa o kikutu kiami, mukonda dia maufusa enu oso.

Ijila 18:29

Mbata athu oso a bhanga ima ia isunji kala iii, athu ió a kà a batula nʼa jime o mbutu mu kifuẋi kiâ.

Ijila 19:8

Ni muene ue uoso udia kiókio, ua bhalumuna mulonga, kikuma kiê ue-nda na-kiu, mbata o kukola kua Jihova ua ku sebulula; mukonda dia kienhiki, muenhó a kà mu batula muʼaxaxi ka povo iê.

Ijila 23:29

Kuma, se bhu kala muthu, bhu kizuua kiókio, ukamba ku di huha, a mu katula muene mu kifuẋi kiê.

Ijila 7:25

Kuma uoso u dia ku banha ia kibhaku kia kuila athu ene ku ki satela Jihova, mu sata ia kubhakula túbhia, ió muthu ua ku mu batula mu kionge kia mundu uê.

Ijila 7:27

Uoso u dia manhinga oso-oso, ió muthu ua ku mu batula mu kionge kia mundu uê.

Dialuilu 9:13

Uoso-phe ua zedié, kai mu uenji, maji u fula kubhitisa Phasu, ió muthu ua ku mu batula mu kifuẋi kiê; mukonda ka bhitisa ujitu ua Jihova bhu kizuua kiê kia xindi; muthu ió kituxi ki kala ku thandu diê.

I Kolindo 11:27

Uila kiki, uoso u dia ku mbolo ia Ngana, mba u nua ku kopho iê ni ufusa, muene muè di ua mukutu ua Ngana ni manhinga mê.

I Kolindo 11:29

Kuma uoso u dia, u nua, u dia hadi, u nua hadi, se u kamba kutongolola kuila o imʼ iii, uene o mukutu ua Ngana.