Dimatekenu 17:13 - O Mikanda Ikola

¹³ Ni ió a mu vualela monzo, ni ió ua mu sumbu mu kitadi, kikala muene mu a saia; kikutu kiami anga ki di monekena ku xitu ienu, ki kala kikutu ki ngangenena.

Dimatekenu 17:13 ပူးပေါင်းရင်းမြစ်များ

Dimatekenu 14:14

Bhenhobho Mbalamu kia zubha ku kʼivua kuila phangʼiê a mu kutu, ia aii-nê, u manekesa makuenze mê, a a vualela mu dibhata diê, hama jitatu ja muthu ni makuinhi nake, u a kaiela katé ku Dane.

Dimatekenu 15:3

Mbalamu anga uzuela dingi, uixi: Tala-ze, Ngana, eme kua ngi bhana mbutu; kikale-phe o mamvuala, mubhika a mu vualela mu bhata diami, muene u ngi lundula o dibhata.

Dimatekenu 17:7

Kikutu kiami nga kà ki kolesa bhu kaẋi kʼami ni eie, ni mbutu ié ioso hinu i ku bhingana, ku tunda muiji kuiza muiji, kala kikutu kinangenena kia bhingi eme ngi kala ngi Nzambi ié, ngi Nzambi ia mbutu ié hádia i ku bhingana.

Dimatekenu 37:27

Zenu, tu mu sumbisiʼê ku akua Ijimaiele, ki tu mu kuame ngó ni kuaku luetu, kuma muene uala Phangʼietu, o xitu iene imoxi. Jiphange jë anga a mu ivua muene, hé a tumaka.

Dimatekenu 37:36

Akua Midiiana-phe Zuze a mu sumbisa mu Ijito kua Potifale, fixiiadi ia Falaó, kabhitangu ka kilangidilu.

Dimatekenu 39:1

Zuze anga a mu bheka mu Ijito; Potifale, fixiiadi ia Falaó, kabhitangu ka kilangidilu mukua Ijitu, anga u mu sumba bhu maku ma akua Ijimaiele, oso eza-nê muenhomo.

Dimatekenu 9:16

O hongolo ia kà kala mu matuta; eme-phe ngi i tala jinga, phala ngi lembalale o kikutu ki nangenena kia bhiti bhu kaẋi ka Nzambi ni mienhu ia jixitu joso jala mu ngongo.

Nehemiia 5:5

Suke-phe, atuenhoso tu akua xitu imoxi, kuma etu ni akua muiji ua Juda, tu jiphange; o anʼetu úe a sokuʼâ ngó ni anʼâ ene; talesa, o kiki anʼ etu a mala ni anʼetu a ahatu tu a bhakula mu ku kala abhika; tua suku mu kuila amoxi mu anʼetu a ahatu ejidila kiá ni ubhika, o kia ku akula na-kiu, bhu makuʼetu, tua ki lémbua; mukonda athu amukuá a tambula kiá o jixi jetu ni mivide ietu, iii iala kiá bhu maku ma athu engi.

Nehemiia 5:8

Anga ngʼa tangela, ngixi: Abha etu tua kula kiá o phange jetu, akua Juda, a a sumbisile ku matumbu, muthu ua bhana bhuoso bhua kuatela; o kiki enu phange jenu mu a sumbisa dingi lua kaiadi, mbé etu ni tua a kula dingi lua mukuá? Ene exi ni ene húdi, kia kuvutula a ki lémbua.

Makatukilu 12:44

Maji o mubhika ua muthu-phe, a mu sumbu ni kitadi, se a mu saie kiá, u diê.

Makatukilu 21:16

Uoso u nhana muthu hé u mu sumbisa, mba a mu kuata-nê bhu maku, a mu jibhe sè kufula.

Makatukilu 21:2

Se u sumba mubhika ua Hebeleu, u ku bhikila mivu isamanu; maji o mu muvu ua kasambuadi-phe a tambule ufolo, u mu eha sé ku mu xinda kima.

Makatukilu 21:4

Hé ngana iê muene ua mu bhana muhatu, iú ua mu vualela anʼa mala ni anʼa ahatu, muhatu ni ana, angene a ngana iê, muene u tunda ubheka uê.

Ijila 22:11

maji se o nganga u sumba mubhika mu kitadi kiê, o ió ku imʼii udia-ku muene, ni uoso manvala a mu vualela kiá mu dibhata dia nganga; o iá u dia-nâ ku kúdia kuê.

Matesu 18:25

Kuma kia kufuta ka ki mono, ngana iê u tuma ku mu sumbisa, ni muhatuʼê, ni anʼê, ni ima ioso iala na-iu, phala dikongo ku di futisa.