Dimatekenu 17:11 - O Mikanda Ikola

¹¹ A kà mi saia o xitu ia kinhûnga kienu; kienhiki ki kala kijimbuete kia kikutu kiami bhu kaẋi kʼami ni enu.

Dimatekenu 17:11 ပူးပေါင်းရင်းမြစ်များ

Dimatekenu 9:12

Nzambi anga u zuela, uixi: Kijimbuete kienhiki kia kikutu kiami ki nga te ni enu ni mienhu ia mukuá, i mua tungu na-iu kumoxi, ku miji sé dizubhilu;

II Samuuele 3:14

Davidi anga u tuma jiphunga kua Ixibozete monʼa Saúlo, uixi: Ngi bhane mukajiʼami Mikala, nga mu lembele hâma ia inhûnga ia akua Fidíxia.

Makatukilu 12:48

Se bhu kala mukuaʼxi iengi ueza kutunga ni enu, iu ua mesena kukuata ue o Phasu ia Jihova, kikale mala oso a dibhata diê a a saia, o kia zubha ku ki bhanga, kiene kiua kia tena kuzukama ni ku i kuata; u kala kiá mukuâ ni mukua ixi, a mu vualela ku bhata; kana muthu-phe a kambe ku mu saia, u tena kudia-ku.

Makatukilu 4:25

Zipola bhenhobho u kuata ditadi diatu, u bhatula o kinhunga kia monʼê ua diiala, u ki tula bhu inama ia Mozé; uixi: Ni kidi kiene, ki tualʼiki, eie ua di bhange u iala diami dia manhinga.

Jipoxolo 7:8

Nzambi anga u bhana Mbalahamu o kikutu kia kusaia, mu umbangi ua ioso ia mu tangela. O mu kumbidila kikutuʼiki, Mbalahamu iú ua vuala monʼê Izake, anga u mu saia, ki ala ngó mu nake dia izuua. O Izake kia vuala Jakobo, ua mu saie ue. O Jakobo u vuala kuinhi dia kukululu ni kiiadi, hé u a bhanga kiòmuene.

Loma 4:11

Kuma muene a mu saie kiá kueza kunu. O kifua kia kusaia ua ki tambula kuma kijimbuete, kidimbu kiedikiza o kulunga kuê kua muena mu kuxikana, kuila hanji-phe iú ku kanga, kiluua a mu saia. Kia bhiti kieniki phala Mbalahamu a kale mu nzumbi, tata ia oso a xikana Nzambi, né ku kanga kú ala, ka a saie, a a bhanga konda kuma alungu.

Matendelelu 10:16

Saienu-phe o mabôlo ma miẋima ienu, phala ki mu kale dingi muʼathu mua bhukumuka ilunji.

Josuué 5:3

Josuué anga u iudika jiphoko ja matadi, anga u saia anʼa Izalaiele bhu kalundu ka inhûnga, muene Alalote.