Dimatekenu 16:10 - O Mikanda Ikola

¹⁰ Anjo ia Jihova anga u mu ambela dingi, uixi: O mbutu ié nga-nda ku i sokolola kinéne. Katé ki i ẋikina ku i kuata konda mukonda dia kuvula kuê.

Dimatekenu 16:10 ပူးပေါင်းရင်းမြစ်များ

Dimatekenu 13:16

Mbutu ié nga kà i sokolola mukuâ ni fufutila ia mavu, i bhinga se muthu u tena kualula o fufuta ia mavu, ni mbutu ié-eie ua kà i alula ue.

Dimatekenu 16:9

Anjo ia Jihova anga u mu ambela, uixi: Vutuka kua ngana ié, u tulokele bhu lukuaku luê.

Dimatekenu 17:20

O ku mbandu ia Ijimaiele ue, nga ku ivu; talesa, ngi mu bhana ue o kuzediua, u kala kivuadi, ngi mu sokolola kiavulu muene; hinu u vuala kuinhi dia ngana ni kiiadi, ngi mu bhanga u kala kifuẋi kia dikota.

Dimatekenu 21:13

Maji ni monʼa mukamʼé ue, ngi mu bhanga u kala kifuẋi, kuma muene ue mbutu ié.

Dimatekenu 21:16

Anga u sondoloka kadikanga ka kuila u asela-bhu mufula, anga u xikama, uixi: Phala kuoso ku fila o mona, eme ki ngi mone-ku. Anga u xikama bhua lulama ni bhuala o mona, u zangula o dízui diê, u kuata kudila.

Dimatekenu 21:18

Balumuka, mona u mu zangule, u mu kuate mu lukuaku; kuma eme nga-nda mu bhanga u kala kifuẋi kia dikota.

Izaía 63:9

Mu lamba diâ dioso ni muene uevile dilamba, anga mukunji uene bhu pholo iê u a bhulula; mukonda dia henda iêmuène ni kulenduka kuê, muene ua a bhulula; iu ua a tambula, iu u a endesa jinga kienhiki mu izuua ioso ia xahúlu.

Malakiia 3:1

Talesa-ze, ngi tumikisa o mukunji uami ku ngi iudikila o njila bhu pholo iami; anga mu tukumuka Ngana ua tula mu Tembulu iê; ió, enu muala ku mu sota, o mukunji ua kikutu muene ku mu inda. Tala-ze, Muene iù uiza kiá, kiene kiambe Jihova dia Ifuẋi.

Nzuá 1:18

Kiluua kukala muthu u mona Nzambi. O Mona umoxi-èlele, kuma muène ue Nzambi, uene bhu jihata ja Tata, muene ua tu tukuluila Nzambi.

I Timote 6:16

Muène ngó ubhekèlele uê uavu o muenhu ki uene mbambe. Nzambi ua tunga mu mukengeji ki u xikina ku u bhixila. Nuka muthu ua mu muene, ka tena ku mu mona. O ujitu ni uzonda sè dizubhilu, u kale jinge uangene ua muène! Amén.

Afundixi 6:11

Anju ia Jihova anga iiza, i xikama moxi a mukaluvalu ua kexile mu Ofila, ua tokala kua Jouaji mukua Abi-ezele; o monʼê ua diiala, Ngidiione, anga u kala mu vunda tiliku mu ditangi dia kukamena vinhu, phala akua Midiiana ka i mone.

Afundixi 6:16

Jihova anga u tuma dingi ku mu ambela, uixi: Eme ngi kala ni eie sé kufula, akua Midiiana-phe ua kà a nemeka kala muthu umoxi ngó.