Dimatekenu 15:18 - O Mikanda Ikola

¹⁸ Kizuua kienhokio-phe Jihova u ta kikutu ni Mbalamu, uixi: Mbutu ié nga a bhana muene ixi iii tunde mu honga ia Ijito katé mu honga ia dikota, honga ia Ufalate,

Dimatekenu 15:18 ပူးပေါင်းရင်းမြစ်များ

Dimatekenu 12:7

Jihova anga u tukulukila Mbalamu, u mu ambela, uixi: O mbutu ié-eie hinu nga kà a bhana o ixi ienhiʼii. Muene anga u tunga-bhu kalatódio, phala Jihova ua mu tukulukila.

Dimatekenu 13:15

Mukonda o ixi ioso i ua mono iii, eie muene hino ngi ku bhana-iu, ni mbutu ié phala kutungenena momo, katé ku hádia ni hádia.

Dimatekenu 2:14

O ngiji ia katatu dijina diê Tigre; iene ia bhiti ku mutundila-kumbi ku ixi ia Asídia. O ngiji ia kauana Ufalate.

Dimatekenu 24:7

Jihova, Nzambi ia diulu, ua ngi katula mu dibhata dia tatʼetu, ni mʼoxi mua ngi vualela, iú ua ngi zuelesa, ua ngi lokela, uixi: Ixi ienhiʼii ngi i bhana mbutu ié; muene ua kà tuma anjo iê ku pholo, o kuenhoko kuene ku ua kà bhenga muhatu phala monʼami.

Dimatekenu 26:4

ngi sokolola mbutu ié kala jithéthembua ku diulu, mbutu ié ene nga a bhana jixi josoʼiji; ku mbutu ié kuene kua kà bhandulukila miiji ioso mu ngongo.

Dimatekenu 28:4

A ku bhane dibesá dia Mbalahamu, ni eie ni mbutu ié; phala u lundule o ixi ia inhunginu ié mu uala kunhungina, ia bhana Nzambi kua Mbalahamu.

Dimatekenu 35:12

O ixi i nga bhana jinga kua Mbalahamu ni kua Izake, eie muene ue nga-nda ku ku bhana-iu, ni mbutu ié ia kà ku bhingana, nga kà a bhana o ixi ienhiʼii.

Dimatekenu 50:24

Zuze anga u ambela phange jê, uixi: Eme nganda kúfua; Nzambi-phe hinu ka kambe ku mi zungila, nʼa mi katula mʼoxi mumu, hé u mi bheka dingi mʼoxi ia lokela Mbalahamu ni Izake ni Jakobo.

II Samuuele 23:5

Dibhata diami manhi ki kiene ki dia tungiua ku mesu ma Nzambi? Kuma ua te ni eme kikutu ki nangenena, kia jimbuluka mu ima ioso, kiókondeke; ioso ia kubhanduluka kuami, ioso ia mbote i ngʼinda, manhi ki muene u i buingitisa?

II Samuuele 8:3

Davidi anga u beta ue Hadadezele, monʼa Lehobo, sobha ia Zoba, kia sotele kusambukisa utuminu uê katé ku ngiji ia Eufalate.

I Jisobha 4:21

Solomá anga utumina o jisobha joso tunde ku Honga ia Ufalate katé ku ixi ia akua Fidíxia, katé ku mbámbe ni Ijito; ene oso a bheka jinga lubhaku kua muene, a bhikila jinga Solomá izuua ioso ia muenhu uê.

I Jisobha 5:1

Hilamu, sobha ia Tilu, anga uívua kuila Solomá a mu hingisa ungana bhu kididi kia tatʼâ, anga u mu tumikisa jiphunga mukonda muene ua kexile jinge dikamba dia Davidi.

I Malunda 16:16

O kikutu kia-ta ni Mbalahamu, ni mulôko ue ua-te mu kulokela Izake.

I Malunda 5:9

Uatungu ue ku mbandu ia thunda, bhu kididi kia kukutukila mu kikangalakata, tunde ku ngiji ia Eufalate. Mukonda o ibhaku iê ia divualele kiavulu mu ixi ia Ngiliiade.

II Malunda 7:8

Kienʼiki, mu izuuʼomo, Solomá hé u bhanga kizokola kiki mu sambuadi dia izuua, kumoxi ni Izalaiele ioso, a di bhongolola kituxi kia dikota, tundé bhu dibokuenu dia Hamate tulé ku honga ia Ijitu.

II Malunda 8:7

Ku mbandu ia kifuẋi kioso kia subhuka ku Mahaiti, ni Mamole, ni ku Mapelezi, ni ku Mahivi, ni Majebuzi ió a kambele kutokala mu muiji ua Izalaiele,

II Malunda 9:26

Anga Solomá uia ni kutumina jisobha joso tunde ku ngiji katé ku ixi ia akua Fidíxia, tule mu jimbambe ja Ijitu.

Ejidala 4:20

Mʼukulu ue kua kexile jisobha ja nguzu mu Jeluzaleme, o ku sámbua diodio dia ngiji a tumina jinga mu ididi ioso anga aia muene ni ku a bhana ima ia tokala kufuta, ni madijimu, ni mibhaku.

Nehemiia 9:8

Anga u mu mona ni muẋima ua iuka bhu pholo ié, hé u ta-nê kikutu, kuila ua-nda ku mu bhana o ixi ia akua Kanana, ia akua Hiti, ia akua Amolé, ia akua Peleze, ia akua Jebuzé, ia akua Jidingazé, nda u i bhana o mbutu iê; eie anga u tenesa ki ua zuela, kuambe eie Ngana ua iuka.

Jisálamu 105:11

Uixi: Eie-muène ngi ku bhana o ixi ia Kanana, nga ku batuila-iu, i kale undundu ué.

Makatukilu 13:11

Kia kà kala-phe ue kiki, kuma Jihova kia kà mi bheka mʼoxi ia Makanana, kala kia mi lokela enu ni jitata jenu, kia kà mi bhana-iu o ku i vua.

Makatukilu 2:24

Nzambi kioso kievu o kukema kuâ, u lembalala kikutu kiê kia ta jinga ni Mbalahamu, ni Izake ni Jakobo.

Makatukilu 23:23

Mbata o anju iami i mi tuamena phala ku mi bheka kuala o Mamodi, ni Mahiti, ni Mapelezi, ni Makanana, ni Mahivi, ni Majebusi; o ene-phe ngʼà a batula-mu;

Makatukilu 3:8

Kala kiki, nga tuluka-phe mu ku a kudila bhu maku a akua Ijitu, ni ku a katula mʼoxi momo muala, ni ku a bheka mʼoxi iengi iauabha ia kulu, ixi i kunguluka lete ni uiki; ixi ia tungu Makanana, ni Mahiti, ni Mamodi, ni Mapelezi, ni Mahivi, ni Majebusi.

Makatukilu 32:13

Xinganeka Mbalahamu, ni Izake ni Izalaiele, abhiké kioso ki ua a lokela mu dijina dié Eʼmuene, Eie ua a ambela, uixi: Ngi mi sokoluela o mbutu ienu, a vula kala théthembua ku diulu, ni ixi ioso i nga mi tangela, nga i bhana mbutu ienu, a kà i lundula mu mivu sé mbambe.

Makatukilu 34:11

Aiuka kiambote kioso ki ngi ku ambela kizuua kia lelu; nga-nda kukaia bhu pholo ié, o Mamodi, ni Makanana, ni Mahiti, ni Mapelezi, ni Mahivi, ni Majebuzi.

Makatukilu 34:24

Mukonda eme ngi kaia ifuẋi ia miji iengi bhu pholo ienu, ngi kudisa jimbambe jaʼxi ienu; kana muthu ue u kala ni luimbi lua mavu enu, kioso enu ki mu banda mu ku di bhakula bhu pholo ia Jihova Nzambi ienu, lutatu ku muvu.

Makatukilu 6:4

Nga kuatesa kikutu kiami ni ene, mu ku a bhana ixi ia Kanana, ixi ia unhunginu uâ mua kexi kunhungina.

Makatukilu 6:8

Hinu ngi mi bhiẋidisa mʼoxi i nga lokela Mbalahamu, ni Izake, ni Jakobo, ku a bhana-iu; ngi mi bhana-iu muene mu undundu uenu, mukonda eme Jihova.

Izaía 27:12

Anga kia kà kala-phe kiki, kuila: Mu kizuua kiná, Jihova kia kà bhiata o idima iê, tunde ku mixinji ia ngiji, katé ku honga ia Ijitu, enu uenu, mu anʼa Izalaiele, a kà mi nona mu umoxi-umoxi.

Izaía 55:3

Bhetekenu o mátui menu, nda mu ize kokuami; ividilenu, muenhu uenu ubhuluke; kuma nga-nda kuta nʼenu kikutu kixalela-ku, hé ngi mi bhana jimbote ja Davidi ki jene kufula.

Jelemiia 32:22

Eie ua a bhana o ixi iii, i ua lokela o jitata jâ kuila ua-nda ku a bhana-na-iu; ixi i kunguluka lete ni uemba.

Jelemiia 32:40

Hé nga kà ta-nâ kikutu ki nangenena, ki kia kà a sondoloka dingi, mbé o ku a bhanga mbote, anga nga kà ta uoma uami ku muẋima uâ, phala eme ki mungu dingi a ngʼixa.

Ijila 26:42

Eme-phe ue nga kà vutula dingi o thulu, ku kikutu ki nga tele ni Jakobo, ni kiná ki nga tele ni Izake, ni ku kikutu ki nga tele ni Mbalahamu, bhenhobho nga kà lembalala ue oxi.

Ijila 26:45

Sembele ngʼa kuatela henda, anga ngi lembalala o kikutu ki nga tele ni adiʼâ, u nga tundixile kʼoxi ia Ijito, o ifuẋi ku mbandu ni mbandu ia a ki muene mesu, ngixi phala ngi kale ngi Nzambi iâ; Eme Jihova.

Dialuilu 34:5

i kondoloke mu sulu ia Azemone, hé i bhiẋila mu honga ia Ijitu, bhenhobho i kuate kiá ni honga ia Ijitu katé ku ndundu ia Kalunga.

Jipoxolo 7:5

Nzambi muène, Mbalahamu ka mu bhana-mu kibatu kia kulundula, né kia soko ngó kujika o dikanda diê dia dinama. Maji Nzambi anga u ta kikutu kia ku mu bhana-iu ku ivua, ni ku i bhana o mbutu iê ku i lundula. Sumbala Nzambi ki a te o kikutuʼiki, Mbalahamu ka moneka luua mona.

Matendelelu 11:24

Kididi kioso kiá ki diata o kànda dienu dia kinama, kikala kiá kienu; tunde kiá ku kikangalakataʼoko ni ku Libano, tunde ku honga ia Eufalate, katé ku musanza ua luiji ku mbandu ia mufuila-kumbi iene kiá ikala o mbambe ienu.

Matendelelu 12:20

Kuila kiá oxi ié Jihova Nzambi ié ua ku bandekezela-iu kiá katé ku makanga kala kia ku polometela muene, eie anga uila kuenhoko, uixi: Ngandala kúdia xitu, mukonda uilu ua xitu ua ku kuata, sembele, diá-iu muene kioso kia ku tu-mu o muxima.

Matendelelu 19:8

O ki kala-phe Jihova Nzambi ié u ku vudisila dingi o jimbambe jê, kala kia lokela ku jitata jé, anga u ku bhana oxi ioso kiá ia tangele kubhana ku jitata jé

Matendelelu 34:4

Jihova anga u mu ambela, uixi: Iii iene o ixi i nga lokela Mbalahamuʼii, ni Izake, ni Jakobo, kuila: Nga-nda ku i bhana o mbutu ié. Nga ku londekeza-iu-phe phala u i mone ngó ni mesu mé, maji kua-nda kubokona-mu.

Matendelelu 7:1

Kia kà zubha Jihova Nzambi ié ku ku bokuesa mʼoxi i ua-nda kúvua, anga u ku toluela miji iavulu ia matumbu hé u a kaiesa bhu pholo ié, o sambuadi dia ifuẋi diosoʼidi, akua Mahiti, akua Jijidingaze, akua Mamodi, akua Kanana, akua Mapelezi, akua Mahivi, ni Majebusi, athu a ku tundu mu nguzu ia a ku tundu mu kuvula.

Jihebeleu 13:20

Kiki-phe Nzambi ua fukununa Ngana ietu Jezú mu madifundu, o mukonda dia kufua kuê, muène o Mubidi ua Dikota ua jimbudi. Uila kiki, mu manhinga ma Jezú, o kikutu ki nangenena a ki kolêsa ni kidimbu.

Josuué 13:3

Tunde ku Xihole ia lulamena ku thunda ia Ijitu, katé ku mbambe ia Ekolone, ku mbandu ia kusuku, iambe exi ia tokala Makanana; ni jingana jitanu josuʼojo, ja akua-Fidíxia; o mukua Ngaza, ni mukua Ajindode, ni mukua Axikelone, ni mukua Ngate, ni mukua Ekolone;

Josuué 15:4

i bhitila mu Azemone, ʼijila ku kahonga ka Ijito, anga iia katé mu Kizanga kia Kalunga. Iii ia kà kala iene o mbambe ienu ku mbandu ia sulu.

Dijingunuinu 9:14

Dízui hé di ambela anju ia kuata o koloneta ia kasamanu, dixi: Jituna o anju jiuana ja kuikila mu honga bhu mbandu ia ngiji ia dikota ia Eufalate!