Dimatekenu 14:10 - O Mikanda Ikola

¹⁰ O mu dikôlo dia Sedime-phe muala makungu-makungu ma uiji ua betume, o jisobha ja Sodoma ni Ngomola, mu ku a bhesa lusolo a kala mu kufua mu makungu, o iá a subhuka a lengela ku mulundu.

Dimatekenu 14:10 ပူးပေါင်းရင်းမြစ်များ

Dimatekenu 11:3

Anga a di ambela mudiâ, exi: Ndokuenu, tu bhange matijolo, tu mʼohe kiambote. Anga a bhanga matijolo bhu kididi kia matadi, o bhu kididi kia hala o betume.

Dimatekenu 14:11

Jisobha ja mukuá anga a bhunda imbamba ioso ia Sodoma ni Ngomola, ni makudia mâ moso, anga ela njila iâ.

Dimatekenu 14:17

Sobha ia Sodoma anga u tunda mu ku mu batuila, kia tundu ku kihaẋi kia Kedolaumele, ni jisobha ja mukuá ende-nê, a takanena mu honga ia Xave, iexana exi mu honga ia muenexi.

Dimatekenu 14:21

Sobha ia Sodoma-phe anga u ambela Mbalamu, uixi: Ngi bhane ngó o mienhu, jimbongo joso tambulé.

Dimatekenu 14:3

Ene oso iá a di bhongoluela mu dikôlo dia Sidine (muene muala o kangu dia môngua).

Dimatekenu 14:9

mu kúlua ni Kedolaumele, sobha ia Elame, ni Tidale, sobha ia Ngoími, ni Amalafele, sobha ia Xinale, ni Adiioko, sobha ia Elasale; sobha jiuana ja di kuata ni sobha jitatu.

Dimatekenu 19:17

Anga ki bhita-phe kuila, o kia zubha ku a bheka ku kangʼuku, exi: Lenga, se uendi o muenhu; Kana kusakuka ku dima, kana kuimana mu ngânga ioso iii; lengela koko ku mulundu, phala ku jime o mbutu.

Dimatekenu 19:30

Lote anga u tunda dingi bhu Zouale, u banda ku mulundu, ni anʼê a ahatu aiadi ala kuendela-nê kumoxi; kuma kutunga mu Zouale kua mu kuata uoma; anga uiza u tunga mu dibânda, ni anʼê kiiadi a ahatu.

Jisálamu 83:10

A buidila bhu Endodi, imbi iâ anga i biuluka ditobe dia mavu.

Izaía 24:18

Kienhokio-phe, uoso ua kèla, iza ngi lenge kibulukutu, ua kà laúka mu diela, o kiela ngi tunda mu diela, utudila mu mùkala, ua naminina; mukonda bhulu jinjanena a ji jikula, bhoxi, madisesa ma tunguta.

Jelemiia 48:44

Uoso u lenga ku uoma, ua kà di bhala mu dikungu; o ió u tunda mu dikungu, ua kà fua bhu dibhebhe; mukonda nga-nda kubheka ku thandu dié, ku thandu dia Mouabhe, o muvu uê ua ku mu zungila, Jihova ua ki tange.

Josuué 8:24

O kiedi akua Izalaiele a zubha kiá kujibha akua Hai oso ala ku mukáu, ni iá a lengela mu kikangalakata aia ni ku a kaia, katé ene oso a a buidisa muene ku mazu a xibhata, buí; Izalaiele ioso a vutuka mu mbonge ia Hai, oso ala-mu a a buidisa ue ku mazu a xibhata.