Dimatekenu 13:9 - O Mikanda Ikola

⁹ Ixi ioso ki ii ia di zaleʼoio bhu pholo ié? Tu di uanunune-ze ni eie ni eme. Ki uila u di tela ku kiasu, eme ngile ku kúdia; ki uila u di tela ku kúdia, eme ngile ku kiasu.

Dimatekenu 13:9 ပူးပေါင်းရင်းမြစ်များ

Dimatekenu 13:10

Lote anga u bhetula o mesu, u tala mu dikôlo dia Joldá, kuma muala menha, muene muoso muala uisu, mukuâ ni díbhia dia Jihova, mukuâ ni mʼoxi ia Ijito, mu kubokuena bhu Sanzala ia Zouale, kioso Jihova kiluua hanji a buikisa Sodoma ni Ngomola.

Dimatekenu 13:8

Mbalamu anga u ambela Lote, uixi: Ki bhu kale jimvunda bhuʼaxaxi ka eme ni eie, bhuʼaxaxe ka abidi a ibhaku iami, ni abidi a ibhaku ié, mukonda tuala tu jiphange.

Dimatekenu 20:15

Abimeleke anga u mu ambela, uixi: Ixi iami iii, ua i mono; bhuoso bhua ku uabhela, u tungʼé.

Dimatekenu 34:10

mu tunge ni etu kumoxi. Ixi ioso ii-ié iiii; enʼuenu mu mona bhuoso bhu mu tunga, mu te mauenji, mu fune jimbongo, mu kale-mu ni kienu kia mi tokala.

Jisálamu 120:7

Eme ngala kuinda paze, kuma ngi muthu ua kutululuka; maji ki ngila-phe ngi sota ngó kuzuela, ene andala jimvunda ni ita.

Jelemiia 40:4

Kikiphe, tala, nga ku jituna lelu ku malubhambu ma kexile mu maku mé. Se kia ku uabhela kuiza nʼeme ku Babilonha, zá; eme muene nga-nda ku ku langa, maji se ki ki ku uabhela kuiza nʼeme ku Babilonha, kalʼé. Talesa-phe, oxi ioso iala ku mesu mé, bhuoso bhu ua mono bhua ku uabhela, bhua ku iukila ku mesu mé, ndé, u kaliʼé bhenhobho.

Loma 12:18

Se mua ki tena, kalenu ku paze ni athu oso; mvunda ki i tunde ko kuenu.

I Kolindo 6:7

Kana bá, kiene ue kisemu, kuila mu ʼaxaxe kenu mu kala ni madimanda mudienu! Ki inda mu ehelela o ku mi bhanga kiaiibha? Ki inda o ku mi nhana?

Jihebeleu 12:14

Sotenu kukala ku paze ni athu oso, mu kolokote mu kukala ni muenhu uazele, kuma uoso ua kambe kuzela ka tena kumona Ngana.