Dimatekenu 13:7 - O Mikanda Ikola

⁷ Abidi a ibhaku ia Mbalamu, ni abidi a ibhaku ia Lote, anga a kala mu di kuata-kuata; kienhokio-phe ni Makanana ni Mapelezi ene hanji a tungu mʼoxi iâ muenhomo.

Dimatekenu 13:7 ပူးပေါင်းရင်းမြစ်များ

Dimatekenu 10:19

Akua Kanana-phe mbambe iâ, tunde bhu Sidone uia katé bhu Jelale, bhuamoxi ni Ngaza; u kuata dingi katé bhu Sodoma ni Ngomola, bhu Adama ni Zeboini, katé bhu Laxa.

Dimatekenu 12:6

Mbalamu anga u nhunga mʼoxi muenhʼomo katé kieza bhu kididi kia Xikeme, bhu muẋi ua kalavalu bhu Molé. Thembuʼoio-phe akua Kanana oso a tungu mʼoxi mueniʼomo.

Dimatekenu 21:25

Mbalahamu anga u bazela hanji Abimeleke mukonda dia kixima kia menha kia tambula o jiselevende ja Abimeleke mu nguzu.

Dimatekenu 26:20

O abidi a ibhaku mu Jelala anga a di kuata ni abidi a ibhaku ia Izake, exi: Iá menhʼetu; muene kiximʼiki anga u ki luka Eseke mukonda a di kuata-nê jimvunda bheneʼobho.

Dimatekenu 34:30

Jakobo anga u ambela Ximinhá ni Levi, uixi: Mua balumuna mvunda, mua ngi nuhisa kiaiibha ku akuaʼxi, o Makanana ni Mapelezi; eme nga tolo makuenze, a-ndu ngi bhongolokela mu kubhânga, hé a ngi beta; ni eme-phe ni dibhata diami a tu buidisa.

Dimatekenu 46:34

Mua kà mu vutuila kuma: Jiselevende jé, Ngana, akua kúvua ibhaku, tunde mu undenge katé ni kiki, ni etu ni atatʼetu; phala mu tunge mʼoxi mumu ia Ngozene; kuma mubidi, mukua kuinga ibhaku, o mukua Ijito ka tungu-nê kumoxi, kijila kiâ.

Nehemiia 5:9

Ngixi dingi: Ki mua mu bhanga kima kiambote! Kífua ki mua fuamene kuenda mu uoma ua Nzambi, mbé kuiengesa ku tu lebhula kuala jinguma jetu, o matumbu?

Makatukilu 2:17

Abidi a mala anga eza, a sota ku a kala-bhu; Mozé-phe u balumuka, ua kuatekesa, u nuisa ibhaku iâ.

Jisabhu 20:3

Muthu o milonga u i lenga luelu, nʼu bongo o ujitu; maji o iôua-phe a j uabhela o ku di vubula mu jimvunda.

Marku 3:25

Ni akua bhata se a di lungulukila ene mudiá, dibhata diodio ki di tena kutunga.

I Kolindo 3:3

Mbata ki mua di kala ni dixingʼ okio, enu mua mu di kuata mudienu, kifua ki ki mʼidikiza kuila hanji muala mu akua xitu, muala kuenda mu kikexilu kia athu oso?

Ngalásia 5:20

Ubhezelu ua iteka, uanga, athu a di kuatela unguma, a di dia milonga, a di bhanga kusuina, a di temena, a di kuata jimvunda, akua difuba, akua luimbi. A di zemba, a di muangununa ku madianda-madianda, ni ku ibuka-ibuka.

Kolose 4:5

Kuatenu kilunji mu kuenda kuenu ni athu ku kanga. O bhuoso bhu mu muena kithangana, kienhokio kana kudibotesa-kiu mu ngoho.

I Tesalonika 4:12

Phala mu ende ni athu ku kanga kioso kia fuama; enʼuenu ue, ki mu bhindame ni kima.

Tito 3:3

Kuma mʼokulu etu-ene tua kexile, tua tobho, tua xibhaka, tua di nganala, tua bhikila maluimbi ma vula matelu, ni jihânji joso, tuende ni phulu ni dixinga, tua iibha, tua di zemba mudietu.

Tiiaku 3:16

Kuma bhuoso bhuala o difutu ni kumesena kuila ima ioso eie ngó, bhu kala ue kavuanza ni isunji ioso ia ima iaiibha.

Tiiaku 4:1

Kuebhi ku tunda o ita ni jimvunda mudienu? Ku ia tundu manhi ki kuenhuku, ku jihânji jenu jaiibha ji lua ita mu idiandu ienu?

I Phetele 2:12

Kalenu ni uendelu uenu uafuama, muʼaxaxi ka akua jixi jengi a kambe kuijiia Nzambi phala kioso kia a mi âmba, exi mua mu bhanga kiaiibha, mu kumona dingi o ikalakalu ienu iambote, hinu a kala mu ximana Nzambi, mu kizuua kiê kia ku a zungila.