Dimatekenu 13:16 - O Mikanda Ikola

¹⁶ Mbutu ié nga kà i sokolola mukuâ ni fufutila ia mavu, i bhinga se muthu u tena kualula o fufuta ia mavu, ni mbutu ié-eie ua kà i alula ue.

Dimatekenu 13:16 ပူးပေါင်းရင်းမြစ်များ

Dimatekenu 15:5

Anga u mu bheka bhu kanga, uixi: Tala-phe hanji ku diulu, u tange o jithéthembua, se u tena ku ji kuata konda; anga u mu ambela, uixi: Kiene kia kà kala o mbutu ié.

Dimatekenu 16:10

Anjo ia Jihova anga u mu ambela dingi, uixi: O mbutu ié nga-nda ku i sokolola kinéne. Katé ki i ẋikina ku i kuata konda mukonda dia kuvula kuê.

Dimatekenu 17:16

Mukonda eme nga-nda ku mu zediuisa, ngi mu bhana dibhesá; nga-nda ku ku bhela kua muene, mona u tunda momuʼé; ngi mu bhana dibesá, u kala kivuadi ki bhanga miji; jisobha muene ji tumina ifuẋi hinu ji tunda ku mukutu uê.

Dimatekenu 17:2

Eme-phe ngi ta kikutu kiami bhu kaẋi kʼeie nʼeme, nga-nda ku ku sokolola kiavulu muene.

Dimatekenu 17:20

O ku mbandu ia Ijimaiele ue, nga ku ivu; talesa, ngi mu bhana ue o kuzediua, u kala kivuadi, ngi mu sokolola kiavulu muene; hinu u vuala kuinhi dia ngana ni kiiadi, ngi mu bhanga u kala kifuẋi kia dikota.

Dimatekenu 17:6

Nga-nda ku ku bhanga u kala u kivuadi kia dikota, ua kà di bhanga ifuẋi, jisobha hinu ja kà tunda momuʼé.

Dimatekenu 18:18

Muene kuma hinu u di bhanga kifuẋi kia dikota kia nguzu, ifuẋi ioso mu ngongo ia kà zediuila kua muene?

Dimatekenu 21:13

Maji ni monʼa mukamʼé ue, ngi mu bhanga u kala kifuẋi, kuma muene ue mbutu ié.

Dimatekenu 22:17

Nga-nda ku ku zediuisa kiavulu muene, ngi ku sokolola kinéne-nene, mbutu ié i vula kala jithéthembua ku diulu, mukuâ ni museke bhu mbandu ia kalunga; mbutu ié i tambula mielu ia jinguma jâ;

Dimatekenu 26:4

ngi sokolola mbutu ié kala jithéthembua ku diulu, mbutu ié ene nga a bhana jixi josoʼiji; ku mbutu ié kuene kua kà bhandulukila miiji ioso mu ngongo.

Dimatekenu 28:14

mbutu ié i sokoloka kala fufuta ia bhoxi, ia kà di zala ni ku luiji hi ku thunda, ni ku suku ni ku sulu; ko kué ni ku mbutu ié kuene kua kà bhandulukila miiji ioso mu ngongo.

Dimatekenu 28:3

Nzambi, Uatena-Ioso, a ku zediuise, a ku bhane kuvuala, a ku sokolole, u di bhange u mundu ua ifuẋi ia athu.

Dimatekenu 32:12

Eie-phe uambe kuma: Kidi muene ngà ku bhanga mbote, ngi sokolola o mbutu ié i soka ni museke bhu ndundu ia kalunga, ki u ẋikina ku u kuata konda mukonda dia kuvula.

Dimatekenu 32:13

Anga u zeka bhenhobho usuku uenʼió, anga u kuata ku ibhaku iê ujitu ua kutumikisa kua kota diê Izaú;

Dimatekenu 35:11

Nzambi anga u mu ambela dingi, uixi: Eme ngi Nzambi, Muteni-a-Ioso; vuala, u sokoloke; u kala u kifuẋi, ni junda ia ifuẋi, ia kà tunda ku musala ué, makota a jinganga a kà tunda mu mukutu ué.

Dimatekenu 46:3

Nzambi anga u kuata ku mu zuelesa, uixi: Eme Nzambi, Nzambi ia tatʼenu; kana kukala ni uoma ua kukulumuka ku Ijito; kuma nga kà ku sokolola koko, u di bhanga u kifuẋi kia dikota.

I Jisobha 3:8

Eme-phe ngi mulekiʼé ua ngi mono, ngala muʼaxaxi ka mundu ué u uà sola, mundu uadikota, mundu ki u xikina ku u tanga mba ku u kuata konda mukonda dia kuvula.

I Jisobha 4:20

Ni Juda ni Izalaiele ioso anga a vula kala kisekele bhu ndúndu ia kalunga, a kala mu kúdia ni kúnua ni kusanguluka jinga.

II Jisobha 13:23

Maji-phe, Jihova ua a kuatelele henda, anga u a lendukila, hé u a sakukila, mukonda dia henda ia kikutu kiê kia tele ni Mbalahamu, ni Izake, ni Jakobo; anga u dituna o ku a jima o mbutu, o bhu pholo iê ue, ka a kaie-bhu luua.

I Malunda 21:5

Jouabe anga uiza u bhana kua Davidi o dialuilu dioso dia mundu. O Izalaiele ioso, atena fuku imoxi ni hama ia midi ia mala akua nguzu, ió a tena ku fuomona xibhata phala kúlua ita; o mu akua Juda, hama jiuana ja midi ni makuinhi sambuadi dia midi ia mala a tena ku fuomona xibhata mu kúlua ita.

I Malunda 27:23

O ió ka tenesene luua makuinhi aiadi a muvu, katé ku ana-ndenge bhoxi, sobha Davidi ka a tele mu konda, mbata Jihova ua tanga kuila o anʼ a Izalaiele uanda ku a sokolola kala jithéthembua ku diulu.

II Malunda 1:9

O kiki-phe, u Jihova Nzambi, ki dikumbidile, o kizuelu kié ki ua bhana kua tatʼetu Davidi, kuma eie ua ngi bhange ngi sobha ia mundu ua vulu, kala fufutila ia mavu mu ngongo.

Jobe 5:25

Anga ua kà kʼijiia ue kuila, o mbutu ié ia kà sokoloka muene, o muiji ué ua kà di bhanga kala iangu ia mukáu mu ngongo.

Makatukilu 1:7

Maji anʼa Izalaiele anga a kala mu di vuala muene, a sokoloka, mueza kifuẋi kia dikota; ixi ioso iezala, ene mu ene.

Makatukilu 32:13

Xinganeka Mbalahamu, ni Izake ni Izalaiele, abhiké kioso ki ua a lokela mu dijina dié Eʼmuene, Eie ua a ambela, uixi: Ngi mi sokoluela o mbutu ienu, a vula kala théthembua ku diulu, ni ixi ioso i nga mi tangela, nga i bhana mbutu ienu, a kà i lundula mu mivu sé mbambe.

Jelemiia 33:22

Kala kiene kulémbua o kutanga kifuxi kioso kia diulu, ni kisekele ku ndundu ia kalunga, a lémbua ku kizonga, kiene ue ki nga-nda kusokolola o luvualu lua Davidi mubhikʼami ni jilevita ala ni ukunji bhu pholo iami.

Dialuilu 23:10

Nanhi u alula Jakobo, avulu kala fufuta ia mavu? U tanga ngó mbandu ia kauana ia Izalaiele? Ngi fue ufuilu ua athu aiuka, dizumbukilu diami di soke ni dia muene.

Matendelelu 1:10

Jihova Nzambi ienu ua mi sokolola kiá; xinganekenu kuma leluʼidi mua vulu kiá, muedi kiá kala mu jithéthembua bhulu.

Jihebeleu 11:12

Uila kiki, ku muthu umoxi, o muène mukua ni kuila uafu kiá, kua sokoloka mundu, mu kuvula a sokela ni jithethembua ku diulu, ni kisekele ku mbandu ia kalunga, o ku a kondala ki ku xikina.

Dijingunuinu 7:9

Kia bhiti imʼíii, ngedi ngi tala, kua moneka mundu uavulu kana muthu u tena ku u tanga! Ua tundu mu ifuẋi ioso, ni mu miji ioso, ni mu madiembu moso, ni mu madimi moso. Emana bhu pholo ia kiandu, ni bhu pholo ia Kambudi, a kembe ni izuatu izela, a kuata isalale ia maie bhu maku.

Afundixi 6:3

Anga a kala mu kuila, Izalaiele kia zubha kudima ni kukuna, akua Midiiana eza, ni akua Amaleke, ni ana amukuá ku thunda-mbulu, eza mu ku a sota;

Afundixi 6:5

Kuma eza jinga ni ibhaku iâ, ni jibalaka jâ; eza mukuâ ni kihoho mu kuvula; ni ene ni jikamelu jâ mu lémbua ku a kuata konda; anga a di zala mʼoxi ioso mu ku i buidisa.