Dimatekenu 13:15 - O Mikanda Ikola

¹⁵ Mukonda o ixi ioso i ua mono iii, eie muene hino ngi ku bhana-iu, ni mbutu ié phala kutungenena momo, katé ku hádia ni hádia.

Dimatekenu 13:15 ပူးပေါင်းရင်းမြစ်များ

Dimatekenu 12:7

Jihova anga u tukulukila Mbalamu, u mu ambela, uixi: O mbutu ié-eie hinu nga kà a bhana o ixi ienhiʼii. Muene anga u tunga-bhu kalatódio, phala Jihova ua mu tukulukila.

Dimatekenu 13:17

Balumuka-phe, uende ixi ioso iii, ni bhu kuzanza kuê, ni bhu kulebha kuê; kuma hinu eie-muène ngi ku bhana na-iu.

Dimatekenu 15:18

Kizuua kienhokio-phe Jihova u ta kikutu ni Mbalamu, uixi: Mbutu ié nga a bhana muene ixi iii tunde mu honga ia Ijito katé mu honga ia dikota, honga ia Ufalate,

Dimatekenu 15:7

Anga u mu ambela dingi, uixi: Eme Jihova, nga ku katula mu ixi ia Ule ua Jikaldeu, phala ku ku bhana, o ixi iii ni i kale undundu ué.

Dimatekenu 18:18

Muene kuma hinu u di bhanga kifuẋi kia dikota kia nguzu, ifuẋi ioso mu ngongo ia kà zediuila kua muene?

Dimatekenu 24:7

Jihova, Nzambi ia diulu, ua ngi katula mu dibhata dia tatʼetu, ni mʼoxi mua ngi vualela, iú ua ngi zuelesa, ua ngi lokela, uixi: Ixi ienhiʼii ngi i bhana mbutu ié; muene ua kà tuma anjo iê ku pholo, o kuenhoko kuene ku ua kà bhenga muhatu phala monʼami.

Dimatekenu 28:13

o bhu zoko-zoko diê anga u mona Jihova uala-bhu, uixi; Eme ngi Jihova, ngi Nzambi ia tatʼenu Mbalahamu, ngi Nzambi ia Izake; oxi iene i ua zekʼiii, hinu ngi ku bhana-iu, ni eie ni mbutu ié;

Dimatekenu 28:14

mbutu ié i sokoloka kala fufuta ia bhoxi, ia kà di zala ni ku luiji hi ku thunda, ni ku suku ni ku sulu; ko kué ni ku mbutu ié kuene kua kà bhandulukila miiji ioso mu ngongo.

Dimatekenu 28:4

A ku bhane dibesá dia Mbalahamu, ni eie ni mbutu ié; phala u lundule o ixi ia inhunginu ié mu uala kunhungina, ia bhana Nzambi kua Mbalahamu.

Dimatekenu 35:12

O ixi i nga bhana jinga kua Mbalahamu ni kua Izake, eie muene ue nga-nda ku ku bhana-iu, ni mbutu ié ia kà ku bhingana, nga kà a bhana o ixi ienhiʼii.

Dimatekenu 48:4

uixi: Iala-ze, nga-nda ku ku bhangesa kudivuala ni kudivualulula, ngi ku bhanga u kala u ndumba dia ifuẋi, ixi iii ngi i bhana anʼê a ku bhingana, i kala undundu uâ, thembu ioso sé dizubhilu.

Dimatekenu 50:24

Zuze anga u ambela phange jê, uixi: Eme nganda kúfua; Nzambi-phe hinu ka kambe ku mi zungila, nʼa mi katula mʼoxi mumu, hé u mi bheka dingi mʼoxi ia lokela Mbalahamu ni Izake ni Jakobo.

I Malunda 16:18

uixi: Eie-muène nga-nda ku kubhana o ixi ia Kanana, ikale mbandu ia undundu uenu.

II Malunda 20:7

Manhi, Eie u Nzambi ietu, akua ixi iii, a tungile-mu, Eie ku a kaiela kuengi, bhu pholo ia mundu ué ua Izalaiele, eie ua bhana ixi iâ ku mbutu ia Mbalahamu, kamba dié, ku mivu ki iene kúbhua?

Jisálamu 37:22

Kuma oso a a lungisa kuala Jihova, ene a lundula ixi; oso a êlesa kuala Muene, a xikamena ku a batula-bhu.

Jisálamu 37:29

Ixi-phe i xalela ku athu iá aiuka, ene a i lundula, muene mua tunga, o thembu iâ ki ibhu.

Makatukilu 32:13

Xinganeka Mbalahamu, ni Izake ni Izalaiele, abhiké kioso ki ua a lokela mu dijina dié Eʼmuene, Eie ua a ambela, uixi: Ngi mi sokoluela o mbutu ienu, a vula kala théthembua ku diulu, ni ixi ioso i nga mi tangela, nga i bhana mbutu ienu, a kà i lundula mu mivu sé mbambe.

Makatukilu 33:1

Ngana ka mesena kuenda dingi ni Izalaiele Jihova anga u ambela Mozé, uixi: Katukenu! Bhabha tundenu-bhu, ni eie ni mundu u ua katula mʼoxi ia Ijitu, muie kʼoxi i nga lokela Mbalahamu, ni Izake, ni Jakobo, ngixi: Ngi i bhana mbutu ienu.

Izaía 63:18

O povo ié iangene, o undundu ué a u vuile ngó kathangana kôfele; jinguma jetu a titidila kididi kia dibhezelu dié.

Dialuilu 34:2

Tuma anʼa Izalaiele, u a ambela, kuma: Kioso ki mu bhiẋila mʼoxi ia Kanana, kuma iene ixi i mua-nda kulundula, ixi iii, ia Kanana, jimbambe jê jenhiji:

Matesu 5:5

A zediua alenduka, ene a lundula ixi.

Jipoxolo 7:5

Nzambi muène, Mbalahamu ka mu bhana-mu kibatu kia kulundula, né kia soko ngó kujika o dikanda diê dia dinama. Maji Nzambi anga u ta kikutu kia ku mu bhana-iu ku ivua, ni ku i bhana o mbutu iê ku i lundula. Sumbala Nzambi ki a te o kikutuʼiki, Mbalahamu ka moneka luua mona.

Matendelelu 34:4

Jihova anga u mu ambela, uixi: Iii iene o ixi i nga lokela Mbalahamuʼii, ni Izake, ni Jakobo, kuila: Nga-nda ku i bhana o mbutu ié. Nga ku londekeza-iu-phe phala u i mone ngó ni mesu mé, maji kua-nda kubokona-mu.

Matendelelu 9:5

Ka ki bhangela mukonda dia kuuabha kuenu, mba mukonda ua mi mono ni muxima ualùngu kua muene; kana. Maji o ituxi ia ifuẋi iii, iene-ku iabhangesa Jihova Nzambi ienu ku mi kaiela-u; mbé o kuxikika o kikutu kia lokela Jihova Nzambi ienu ku jitata jenu, a Mbalahamu, ni Izake ni Jakobo.