Dimatekenu 13:13 - O Mikanda Ikola

¹³ Kienhiʼokio-phe akua Sodoma a kexile athu a bhukumuka kinéne, a ta jinga ituxi ia vulu kua Jihova.

Dimatekenu 13:13 ပူးပေါင်းရင်းမြစ်များ

Dimatekenu 10:9

U kala kota dia dinhanga bhu pholo ia Ngana; katé kia xala phangu, exi: Nhanga dia ngenga, mukuá ni Nimilode, bhu pholo ia Ngana.

Dimatekenu 15:16

O ku muiji ua kauana-phe kiá, kiene kia kà bhongoloka dingi mʼoxi mumu, kuma o kizongelu kia kubhukumuka kua Mamodi kiluua ki tenena.

Dimatekenu 18:20

Jihova anga u zuela dingi, uixi: Mukonda o kudikola kua tundu mu Sodoma ni Ngomola kuavulu, ituxi ia kubhukumuka kuâ iavulu dingi kinéne.

Dimatekenu 19:13

Kuma kididi kienhiki etu tua-nda ku ki buikisa, mbata o mikole-kole iê ia di bandekeza kiavulu bhu pholo ia Jihova, iú ua tu tumu o ku ki buikisa.

Dimatekenu 38:7

Hele-phe, monʼa Juda ua diiala ua phande-kumbi, u kala muthu ua bhukumuka ku mesu a Jihova; Jihova anga u mu jibha.

Dimatekenu 39:9

o mʼonzʼumu ki muala dingi muthu ua ngi tundu ni kima; kana-ku ue kima kia ngi fudisa, ki kale ngó eie, mukonda eie u muhatuʼê; eme-phe ngi tena kiebhi kubhanga kuiibha kuosʼuku ni kuta kituxi kua Nzambi?

Dimatekenu 6:11

Ixi anga i kala iasekala bhu pholo ia Nzambi, mungongo anga muizala usuéia.

II Jisobha 21:6

Katé ni monʼé muène ua mu bhitisa ue mu túbhia; ua kexi ue mu kuzambuila mu matuta; ua kexile ue mu xingila, iú ua lumbile ue ndumba dia azambuidi ni imbanda; anga u suina muene mu kubhanga kia ibha bhu mesu ma Jihova, mbé o ku mu lokalala o njinda iê.

Izaía 1:9

Se o Jihova dia Ilombo Ieta ua kambele ku tu xila tumbalu-mbalu, eji ku tu buikisa kala Sodoma, tueji ku di fuangana ni Ngomola.

Jelemiia 23:14

Maji mu jipolofeta ja Jeluzaleme nga di uana-mu kisunji kionéne: èhé, a kuata ku-ta o jiphanda, a di-ambatesa ni kádia, o maku ma ingumba ene dingi a ma suinisa, mbé a lémbue kudiela o ikuma iâ; o ki nga ela suí, edi kala Sodoma, akua-bhata momo, mukua ni Ngomola.

Jelemiia 23:24

Jihova uixi: Saiku muthu u suama muene mu masuamenu, eme hé ngi lémbua ku mu mona? Manhi eme ki ngiʼzala mu diulu ni mu ngongo? Jihova ua ki tange.

Dialuilu 32:23

O ki kala-phe mu kamba ku ki bhanga, kituxi ki mua te kua Jihova; ijiienu-kiu kuma kituxi kienu hinu ki mi sanga.

Matesu 9:10

O muène anga u balumuka, u mu kaiela. O kia xikama mu kúdia mʼ onzo, talesa akua kukobhalala lubhaku avulu ni akua ituxi, eza, hé a xikama ku meza, kumoxi ni jixibulu jê, mʼ onzo ia Matesu.

Matesu 9:13

Ndenu-phe mu di longe kioso ki kia jimbulula, kuila: Nginda o ku kuatela mukuenu henda, ki ngindi sata; kuma eme ki ngeza mu kuixana athu aiuka, maji akua ituxi.

Nzuá 9:24

Bhenhobho jifalizeu jʼixana lua kaiadi o muthu ua kexile kifofo, anga a mu ambela, exi: Fumanesa Nzambi. Etu tuejiia kuma muthu ió mukua-ituxi.

Nzuá 9:31

Tuejiia kuma Nzambi kene mu kuívua mukua-ituxi. Maji se muthu-phe u kala mubhezi a Nzambi, hé u bhanga vondadi iê, muenhó Nzambi u mu ívua.

Loma 1:27

Kiene uê kimoxi, o mala a xia ufunu ua muhatu uoso ua tokala, anga a uama mu luimbi luâ mudiâ. Mala mu mala a di bhanga ima ki i fuama, enda ue ni kutambula moxi diâ kaxtiku koso ka tokala mu kudianguka kuâ.

Jihebeleu 4:13

Kana-ku kima kiobhange ki kamba ku moneka ku mesu ma Nzambi. Ima ioso iobhange, iene ioso ia tukuluka, ia zula ku mesu mê. O kua muène, etu-ene oso kuene ku tua kà bhakula o jikonda.

II Phetele 2:10

Nzambi u kala-phe kota mu ku a bhanga-kiu, enhó oso enda kala kia a tumu o xitu mu hânji ia kubola, o Ngana u tokala ku a tumina, hé a mu tènda. Jimesene ja makutu jenhiji, a bhumu, a thathamena vondadi jâ, ka moneka ujitu ua kuxila ji-anju mba a kala ni héle ia kuxinga jingana.

Juda 1:7

Lembalalenu ue akua Sodoma ni Ngomola, ni jimbanza ja zukamene na-ju, kioso kia bhange uila kia bhangele o ji-anjuʼ ojo, a kala mù di ehelela ku undumbu, a kala mù balukila ʼxitu jengi. Enʼ iá a a tubhula kuma a kale kijimbuete, ni kuxixima mu tubhia ki tu xikina kujima.

I Samuuele 15:18

Jihova-phe iú ua ku tumu njila iii, uixi: Ndeie, ua kà buikise akua ituxi ió abhukumuka akua Amaleke, ua kà lua-nâ katé a buila ene oso muene.

I Samuuele 2:17

O kituxi kia minzangala iii anga ki vula dingi kinéne bhu pholo ia Jihova, kuma mala enhá a tobhesa jinga o sata ia Jihova.