Dimatekenu 13:10 - O Mikanda Ikola

¹⁰ Lote anga u bhetula o mesu, u tala mu dikôlo dia Joldá, kuma muala menha, muene muoso muala uisu, mukuâ ni díbhia dia Jihova, mukuâ ni mʼoxi ia Ijito, mu kubokuena bhu Sanzala ia Zouale, kioso Jihova kiluua hanji a buikisa Sodoma ni Ngomola.

Dimatekenu 13:10 ပူးပေါင်းရင်းမြစ်များ

Dimatekenu 11:27

Ingo ia vumu ienhiʼii ia Tela: Tela u vuala Mbalamu, ni Naholo, ni Halane Halane anga u vuala Lote.

Dimatekenu 13:11

Bhenhobho, Lote anga u sola dikôlo dioso dia Joldá, u di tela ku mbandu ia mutundila-kumbi; ene kiiadi kiâ anga a di uanununa.

Dimatekenu 13:9

Ixi ioso ki ii ia di zaleʼoio bhu pholo ié? Tu di uanunune-ze ni eie ni eme. Ki uila u di tela ku kiasu, eme ngile ku kúdia; ki uila u di tela ku kúdia, eme ngile ku kiasu.

Dimatekenu 14:2

Kiuana kiâ eza mu kúlua ita ni Bela, sobha ia Sodoma, ni Bidixa, sobha ia Ngomola, ni Xina, sobha ia Adama, ni Xemebele sobha ia Nzeboími, ni sobha ia Bela, muene Zouale.

Dimatekenu 14:8

Sobha ia Sodoma anga u tunda ni sobha Ngomola, ni sobha ia Adama, ni sobha ia Nzeboími, ni sobha ia Bela (muene Zouale), anga a ta o kilômbo kiâ mu dikôlo dia Sedime,

Dimatekenu 3:6

O muhatu-phe kia mono kuma muẋi ua mbote phala kudia, ua uabha ue ku mesu, u bhekela vondadi mukonda dia kuijidisa, u kanza-ku kimbundu anga u dia, u bhana ue muadi ue, muene ue anga u dia.

Dimatekenu 47:6

Oxi ioso-phe ia Ijiito iala ku mesu mé, kuoso ku ua mono kuuabha, kuene ku u tungisa tatʼenu ni jiphange jé; a kadiʼâ mʼoxi ia Ngozene. Se eie uejiia kuila mudiâ muala makuenze ambote, u a bhana kijingo kia kutambula konda ia ibhaku iami ia ngi tokala.

Dimatekenu 6:2

Bhenhobho anʼa Nzambi a mala, a mona anʼa athu a ahatu, kuma auabha; anga a sakana ahatu oso a a uabhela-bhu.

I Jisobha 7:46

Mu dinhana dia honga ia Njolodá, mu mavu a utuma, muene sobha mua i zunzila jinga, mu kuila o kuku Sukote o kuku Zeledata, bhu kaẋi kâ.

Jobe 40:23

Se o ngiji i di bhanga masenza, o muene ki ki mu kuatela kima; u tululukʼé muene kiambote, né-mbe o ngiji ia Njolodá i subhaka katé ku dikanu diê.

Jisálamu 107:34

Ixi ia vudile kuima, ua i bhange phându ia môngua, mukonda dia kubhukumuka kua athuʼê a tungu-mu.

Izaía 15:5

Muẋima uami u ta jingololo mbé Mouabhe; ilamba ié ia lengela ku Zouale, mukuâ ni seseme ia ngombe ia mivu itatu; kuma ia aia ni kubandela ku Luhite ni kudila, mbata mu njila, mu njila ia Holonaime, akuata-mu mukumbi ua kikote, ala ku dikola mukonda dia kibuika.

Izaía 51:3

Mbata Jihova ua-nda kukonda malamba kua Ziione, o ididi iê ioso ia sekala muene ua-nda ku i konda malamba; ngûndu iê u i bhanga kala Edene, ngùnzu iê kala ki kala o díbhia dia Jihova; muenhomo mua-nda kukala kutana ni kusanguluka, kusakidila ni mbimbi ia kuimba.

Jelemiia 48:34

O ku dikola kua Hexebone a kuʼivu katé ku Eleale ni ku Jahaze, tundé mu Zouale katé mu Holonaime mbimbi iê ia kudikola a ivu, iedi muene kala mona ua ngombe ua mivu itatu; mukonda katé ni menha ma Nidimi a kà kituka dibuikilu.

Izekiiele 16:46

O kota dié dia muhetu, muene Samádia, ua tunga ku mbandu ié ia kiasu ni anʼê a ahatu; o ndengʼié ia muhatu, ua tunga mbandu ié ia kúdia muene Sodoma ni anʼê a ahatu.

Izekiiele 16:49

Tala-ze o kituxi kia Sodoma dia phangiʼé: Izala, ndumba dia makudia, ni umonha uavulu ua kexi na-u ni muene ni anʼê a ahatu; maji ue o ngadiama ni phulungu ua tate, kuila u a kuatela ngó henda, lémbue.

Izekiiele 28:13

Ua kexile mu Edene; mu kadíbhia ka Nzambi; o matadi oso a phelu ia nzaji ene a kexile o divunga dié, ni saladonha, ni topáziu, ni diiamande, ni tulukeza, ni onixe, ni jaxpe, ni safídia, ni kalubúngulu, ni jimelada, ni ulu; o kikalakalu kia ngoma jé, ni mbendu jé, kia kexi momuʼé-muène; bhu kumbi dia ku bhangele, kiene ue kia ji iudikile.

Izekiiele 31:8

O misédulu, mu díbhia dia Nzambi, ki i tenene ku mu vungina; o mifaia ki itenene kusoka ni jithangu jê; o mikaxtanhelu ki idile kala o indemvuna iê; o mu díbhia dia Nzambi ki mu kexile muẋi ua di fuanganene ni muene mu kuuabha kuê.

Izekiiele 31:9

Ki nga mu bhange, ua uabha muene ni ndumba dia jithangu jê; o miẋi ioso ia Edene, ia kexile mu díbhia dia Nzambi, ia mu kexile ni luimbi.

Izekiiele 47:18

O mbambe ia mutundila-kumbi, bhu kaxi ni Haulane, ni Damasku ni Ngiliade, mʼoxi ia Izalaiele, i kala kiá o ngiji ia Njolodá iene; tundé kiá bhua sukila o mbambe ku mutundila-kumbi.

Jouele 2:3

Ku pholo iê ku dianga túbhia tuamuzukuta, o kuema diê milengu iia ni Kiaula; o ixi bhu pholo iê mukuâ ni Díbhia dia Edene, maji o kuema diê-phe i di bhanga kikangalakata kiósengulule; kiene muene, kuma kana kama ka kà mu somboka.

Matendelelu 34:3

Ni ku Nengebe, ni mu ngànga ioso ia honga ia Njolodá, ni mukáu ua dikôlo dia Jedikó, ku sanzala ia Maie katé ku Zouale.