Dimatekenu 12:8 - O Mikanda Ikola

⁸ Anga u tunda-bhu uia ku mulundu ku mbandu ia thunda ia Betele, u ximbika-bhu balaka iê, Betele ua mu kala ku mbandu ia musanza, o Hai ua mu kala ku mbandu ku tundila dikumbi, muene uala mu kaẋi. Bhenhobho anga u tunga-bhu Kalatódio phala Jihova, u hingila o dijina dia Jihova.

Dimatekenu 12:8 ပူးပေါင်းရင်းမြစ်များ

Dimatekenu 13:18

Mbalamu anga u sondolola dingi jibalaka jê, uiza hé u tunga bhu miẋi ia mikaluvalu iaʼxi ia Mamele, ia zukama bhu Hebolone; bheniʼobho anga u tunga-bhu kalatódio phala Jihova.

Dimatekenu 13:3

Mu kuenda ni kusondoloka anga u tunda mu sulu, u bhiẋila dingi bhu Betele, katé bhua tele balaka iê mʼokulu, bhu kaẋi ka Betele ni Hai;

Dimatekenu 13:4

bhua tungile ue kalatódio kê mʼokulu. Bhenhobho Mbalamu anga u hingila dingi o dijina dia Jihova.

Dimatekenu 21:33

Mbalahamu bhu Bele-seba u kuna-bhu miẋi ia mutamala, anga u bheza bhe nhobho o dijina dia Jihova, Nzambi kene ni dizubhilu.

Dimatekenu 22:9

Kia tula bhu kididi kioso kia mu idikiza Nzambi, Mbalahamu u tunga kalatódio, anga u zela-ku jihuinhi, u kuta monʼê Izake, u mu zekesa bhu kalatódio ku thandu a jihuinhi.

Dimatekenu 26:25

Izake anga u tunga kalatódio bheneʼobho, u hingila dijina dia Jihova, hé u ximbika-bhu o balaka iê; o jiselevende ja Izake anga a kanda-bhu ue kixima.

Dimatekenu 28:19

Kididi kienhokio anga u ki luka Betele; mʼokulu-phe o dibhata diala-bhu a di lukile Luze.

Dimatekenu 31:25

Labano anga u kuatela Jakobo mu njila. Kienhókio Jakobo ua te o kibangu kiê mu mulundu ku sámbua; Labano-phe ni jiphange jê a te ue o kibangu kiâ mu mulundu ua Ngiliiade.

Dimatekenu 33:20

Anga u tunga-bhu kalatódio, u kʼexana: Nzambi, Nzambi ia Izalaiele.

Dimatekenu 35:3

Phala bhabha tu tunde-bhu, tu bande ku Betele; nga kà iudike kuenhoko kalatódio ka Nzambi, ua ngʼitaia bhu kizuua kiami kia kubhondalala, anga uia ku ngi bheka njila ioso ioio i nga kuatele.

Dimatekenu 35:7

Anga u tungila-bhu kalatódio, anga u luka-bhu, uixi: El-beth-El; mukonda Nzambi bhene bhua mu tukulukile kioso kiala mu lenga pholo ia kota diê.

Dimatekenu 4:26

Sethe ue ku izuua u vuala monʼa diiala, u mu luka dijina dia Enoxe; muene mu izuua mua-ndeka athu kudikola mu dijina dia Jihova.

Dimatekenu 8:20

Noué anga u tunga kalatódio ka Ngana; u kuata ku jixitu joso jazele, ni ku jinjila joso jazele, anga u bhana jisata ja kuoha ku thandu dia kalató dio.

Nehemiia 11:31

Anga o anʼa Bejamí, dia Jeba, a kala mu Mikimaxi, ni mu jisengo jê;

Jisálamu 116:4

Bhenhobho anga ngi dikola mu dijina dia Jihova, ngixi: U Jihova, tata, nga ku diondo, ngi bhulule o muenhu uami.

Makatukilu 17:15

Mozé anga u tunga-bhu o kalatódio, u ka luka dijina dia Jihova-nisi

Izaía 10:28

Iu uiza, uazukama kiá mu Aiate, iu bhita kiá mu Mingolone, o imbamba iê ua i bhiẋika kiá mu Mikimaxi.

Jouele 2:32

Kieneʼokio-phe, uoso ua kà hingila dijina dia Jihova ua kà bhuluka. Kuma ku mulundu ua Ziione, ni mu Jeluzaleme, muà kala dibhandulukilu kala kiene mu ki tanga kuala Jihova, ni kua iá oso a subhuka a kà exana kuala Jihova.

Jipoxolo 2:21

Kienhokio-phe ki bhita kuma, uoso ua kà bhingila dikuatekesu mu dijina dia Ngana, u bhuluka.

I Kolindo 1:2

tua soneka o mukanda iú phala Ngeleja ia Nzambi iala mu Kolindo, kiene-phe, oso kiá a a kôlesa mua Kristu Jezú, a exana phala kukala mundu ua Nzambi. Mukanda iú uosoneke ue phala oso kiá akua kuhingila mu dijina dia Ngana ietu Jezú Kristu mu ididi ioso, Ngana iâ ene, Ngana ietu-etu.

Jihebeleu 11:9

O mu kuxikana, muène u kuata kunhunga mʼ oxi ia polomesa, kala ki ixi iê, u tunga mu jibalaka, ni Izake, ni Jakobo, a sokela-nê mu kukala alundudi a Nzambi mu polomesa imoxi ienʼ íii.

Josuué 18:22

ni Bete-Halaba, ni Zemalaíme, ni Betele,

Josuué 22:10

Anʼa Lubene, ni anʼa Ngadi ni kaxaxi ka muiji ua Manasa, kia zubha kubokona mu jimbambe ja Njolodá, mʼoxi ia Kanana, a tunga kalatódio ku Njolodá; kikalatódio kiʼonène, mu ku ki tala ni mesu!

Josuué 7:2

Josuué anga u katula athu bhu Jedikó, u a tuma ku Hai, kua zukama Bete-Avene, ku mbandu ia thunda ia Betele, anga u a ambela, uixi: Bandenu hanji mu londe ixi. Anga a banda a londa Hai.

Josuué 8:12

Anga u katula kibuka ki tokala midi jitanu, u a sueka, mu kubatamena, bhu kaẋi ka Betele ni Hai, ku mbandu ia mbonge ku luiji.

Josuué 8:17

Né ngó diiala ka xala-mu mu Hai ni mu Betele, ua kambe kuia mu kukaia Izalaiele; mbonge ia xala ia jikuka, ene oso eza ni kukaia Izalaiele.

Josuué 8:3

Kala kiki, Josuué anga u balumuka, ni makuenze a ita oso, mu kubanda ku Hai, Josuué angʼu tungula-bhu makuinhi atatu a hulukaji ia mala, indànda ioso, u a sulula mu usuku.

Josuué 8:30

Josuué anga u tunga kalatódio ka Jihova, Nzambi ia Izalaiele, mu mulundu ua Ebale,

Josuué 8:9

Josuué anga u a sulula; ene enda usuku, anga a batamena bhu kaẋi ka Betele ni Hai, ku mbandu ia Hai ia luiji; usuku uoso uenhó-phe, Josuué ua mu bhuila mu kaẋi ka kifuẋi.

Afundixi 6:24

Ngidiione anga u tunga bhenhobho kalatoídio ka Jihova, u kexana uixi: Jihova muene Paze; ka-ké hanji katé mu kizuua kia lelu mu Ofala dia akua Abiiezele.

I Samuuele 30:27

U tumikisa-ku ue akua bhata mu Betele, ni akua bhata mu Lamote ia Nengebe ku sulu, ni akua bhata mu Jatile,