Dimatekenu 12:7 - O Mikanda Ikola

⁷ Jihova anga u tukulukila Mbalamu, u mu ambela, uixi: O mbutu ié-eie hinu nga kà a bhana o ixi ienhiʼii. Muene anga u tunga-bhu kalatódio, phala Jihova ua mu tukulukila.

Dimatekenu 12:7 ပူးပေါင်းရင်းမြစ်များ

Dimatekenu 12:8

Anga u tunda-bhu uia ku mulundu ku mbandu ia thunda ia Betele, u ximbika-bhu balaka iê, Betele ua mu kala ku mbandu ia musanza, o Hai ua mu kala ku mbandu ku tundila dikumbi, muene uala mu kaẋi. Bhenhobho anga u tunga-bhu Kalatódio phala Jihova, u hingila o dijina dia Jihova.

Dimatekenu 13:15

Mukonda o ixi ioso i ua mono iii, eie muene hino ngi ku bhana-iu, ni mbutu ié phala kutungenena momo, katé ku hádia ni hádia.

Dimatekenu 13:17

Balumuka-phe, uende ixi ioso iii, ni bhu kuzanza kuê, ni bhu kulebha kuê; kuma hinu eie-muène ngi ku bhana na-iu.

Dimatekenu 13:18

Mbalamu anga u sondolola dingi jibalaka jê, uiza hé u tunga bhu miẋi ia mikaluvalu iaʼxi ia Mamele, ia zukama bhu Hebolone; bheniʼobho anga u tunga-bhu kalatódio phala Jihova.

Dimatekenu 13:4

bhua tungile ue kalatódio kê mʼokulu. Bhenhobho Mbalamu anga u hingila dingi o dijina dia Jihova.

Dimatekenu 15:18

Kizuua kienhokio-phe Jihova u ta kikutu ni Mbalamu, uixi: Mbutu ié nga a bhana muene ixi iii tunde mu honga ia Ijito katé mu honga ia dikota, honga ia Ufalate,

Dimatekenu 17:1

Mbalamu kia kala kiá mu makuinhiʼvua a muvu nʼivua, Jihova u tukulukila Mbalamu, u mu ambela, uixi; Eme ngi Nzambi, Muteni-a-Ioso; enda jinga bhu pholo iami, u kale u muthu ua tenena.

Dimatekenu 17:3

Mbalamu bhenʼobho anga u bhetama o pholo bhoxi, Nzambi anga u zuela-nê, uixi:

Dimatekenu 17:8

Ngi ku bhana eie muene, ni mbutu ié hinu i ku bhingana, o ixi ienhiʼii ia inhunginu ié, ixi ioso ia Kanana, i kala undundu ué katé ku hádia ni hádia sè dizubhilu; eme ngà kala ngi Nzambi iâ.

Dimatekenu 18:1

Jihova anga u mu tukulukila bhu miẋi ia Mamele, muene ua xikama bhu muelu ua balaka iê, mu kumbi dia muanha uatu.

Dimatekenu 22:9

Kia tula bhu kididi kioso kia mu idikiza Nzambi, Mbalahamu u tunga kalatódio, anga u zela-ku jihuinhi, u kuta monʼê Izake, u mu zekesa bhu kalatódio ku thandu a jihuinhi.

Dimatekenu 24:7

Jihova, Nzambi ia diulu, ua ngi katula mu dibhata dia tatʼetu, ni mʼoxi mua ngi vualela, iú ua ngi zuelesa, ua ngi lokela, uixi: Ixi ienhiʼii ngi i bhana mbutu ié; muene ua kà tuma anjo iê ku pholo, o kuenhoko kuene ku ua kà bhenga muhatu phala monʼami.

Dimatekenu 26:25

Izake anga u tunga kalatódio bheneʼobho, u hingila dijina dia Jihova, hé u ximbika-bhu o balaka iê; o jiselevende ja Izake anga a kanda-bhu ue kixima.

Dimatekenu 26:3

Nhungana mʼoxi mueniʼumu, eme-phe ngi kala bhu mbandu ié, ngi ku bhana kuzediua; kuma ni eie muene ni mbutu ié hinu ngi mi bhana jixi josoʼiji ngi kumbidila mulôko uami u nga lokela tatʼenu Mbalahamu;

Dimatekenu 28:13

o bhu zoko-zoko diê anga u mona Jihova uala-bhu, uixi; Eme ngi Jihova, ngi Nzambi ia tatʼenu Mbalahamu, ngi Nzambi ia Izake; oxi iene i ua zekʼiii, hinu ngi ku bhana-iu, ni eie ni mbutu ié;

Dimatekenu 28:4

A ku bhane dibesá dia Mbalahamu, ni eie ni mbutu ié; phala u lundule o ixi ia inhunginu ié mu uala kunhungina, ia bhana Nzambi kua Mbalahamu.

Dimatekenu 32:30

Jakobo anga u ixana kididi kienhókio, uixi: Peniiele: kuma uambe uixi: Nga mono Nzambi pholo ni pholo, maji muenhu uami iú-ué.

Dimatekenu 33:20

Anga u tunga-bhu kalatódio, u kʼexana: Nzambi, Nzambi ia Izalaiele.

Dimatekenu 35:12

O ixi i nga bhana jinga kua Mbalahamu ni kua Izake, eie muene ue nga-nda ku ku bhana-iu, ni mbutu ié ia kà ku bhingana, nga kà a bhana o ixi ienhiʼii.

Dimatekenu 35:7

Anga u tungila-bhu kalatódio, anga u luka-bhu, uixi: El-beth-El; mukonda Nzambi bhene bhua mu tukulukile kioso kiala mu lenga pholo ia kota diê.

Dimatekenu 50:24

Zuze anga u ambela phange jê, uixi: Eme nganda kúfua; Nzambi-phe hinu ka kambe ku mi zungila, nʼa mi katula mʼoxi mumu, hé u mi bheka dingi mʼoxi ia lokela Mbalahamu ni Izake ni Jakobo.

Dimatekenu 8:20

Noué anga u tunga kalatódio ka Ngana; u kuata ku jixitu joso jazele, ni ku jinjila joso jazele, anga u bhana jisata ja kuoha ku thandu dia kalató dio.

II Samuuele 24:25

Davidi anga u tungila-bhu kalatódio ka Jihova, hé u bhakuila-bhu jisata ja kuoha ni jisata ja kuluulula. Kienhiki Jihova anga u xikina o kudionda kuâ, kuala kudiondela oxi, kibuika kia kexe mu buikisa Izalaiele anga ki batuka.

I Jisobha 18:32

Anga mu dijina dia Ngana, u tunga o kalatódio ni matadi enhó, hé uiza, u kanda mulombo mu jimbandu ja kalatódio, kukula kuê mu soka izongelu iiadi ia mbutu.

I Malunda 16:16

O kikutu kia-ta ni Mbalahamu, ni mulôko ue ua-te mu kulokela Izake.

I Malunda 16:18

uixi: Eie-muène nga-nda ku kubhana o ixi ia Kanana, ikale mbandu ia undundu uenu.

II Malunda 20:11

o kiki-phe a tu bhe o futu, iá a mu kuiza phala ku tu kaia, mu ixi ia undundu ué, i ua tu lunduisa.

II Malunda 20:7

Manhi, Eie u Nzambi ietu, akua ixi iii, a tungile-mu, Eie ku a kaiela kuengi, bhu pholo ia mundu ué ua Izalaiele, eie ua bhana ixi iâ ku mbutu ia Mbalahamu, kamba dié, ku mivu ki iene kúbhua?

Ejidala 3:2

Jesuua, monʼa Jozadake, u balumuka ni phange jê, jinganga, ni Zolobabele monʼa Selatiiele, ni phange jê, anga a tunga Kalatódio ka Nzambi ia Izalaiele, phala ku thandu diê kubhakuilaku o jisata, kala kia ki soneka mu divulu dia kitumu kia Mozé, muthu ua Nzambi.

Makatukilu 17:15

Mozé anga u tunga-bhu o kalatódio, u ka luka dijina dia Jihova-nisi

Makatukilu 24:4

Mozé anga u soneka maka moso ma Jihova, anga u di meneka mu kimene, u tunga kalatódio mu betekete ia mulundu, u imika kuinhi dia philadi ni kiiadi, ua fikisa mu kuinhi dia muiji ni Kiiadi ia Izalaiele.

Makatukilu 32:13

Xinganeka Mbalahamu, ni Izake ni Izalaiele, abhiké kioso ki ua a lokela mu dijina dié Eʼmuene, Eie ua a ambela, uixi: Ngi mi sokoluela o mbutu ienu, a vula kala théthembua ku diulu, ni ixi ioso i nga mi tangela, nga i bhana mbutu ienu, a kà i lundula mu mivu sé mbambe.

Makatukilu 33:1

Ngana ka mesena kuenda dingi ni Izalaiele Jihova anga u ambela Mozé, uixi: Katukenu! Bhabha tundenu-bhu, ni eie ni mundu u ua katula mʼoxi ia Ijitu, muie kʼoxi i nga lokela Mbalahamu, ni Izake, ni Jakobo, ngixi: Ngi i bhana mbutu ienu.

Makatukilu 6:3

Nga tukulukila jinga Mbalahamu, ni Izake, ni Jakobo, kala ngi Nzambi, Muteni-a-ioso; maji ka ngʼijidile mu dijina diami dia Jihova.

Makatukilu 6:4

Nga kuatesa kikutu kiami ni ene, mu ku a bhana ixi ia Kanana, ixi ia unhunginu uâ mua kexi kunhungina.

Jelemiia 3:18

Mu izuua momo dibhata dia Juda ni dibhata dia Izalaiele a-nda kuendela bhuamoxi; hadia a kʼèjila bhuamoxi mu tunda kuʼoxi ia kusuku nʼeza mu ixi i nga bhanene jitata jâ mu ubhinganu.

Dialuilu 26:53

Enhá ene u u uanena ixi ia undundu uâ, u kaiela kioso kia bhana majina mu dialuilu.

Dialuilu 32:11

Kidi muene, mala enhá a tundu mu Ijitu, oso a kuata kiá makuinhi aiadi a muvu, mba ku makuinhi aiadi a muvu a te-ku kiá, ni muthu ngó ka kà mona mʼoxi i nga lokela kua Mbalahamu ni kua Izake, ni kua Jakobo; mukonda ka ngi kaiela ni lujiji;

Jipoxolo 7:5

Nzambi muène, Mbalahamu ka mu bhana-mu kibatu kia kulundula, né kia soko ngó kujika o dikanda diê dia dinama. Maji Nzambi anga u ta kikutu kia ku mu bhana-iu ku ivua, ni ku i bhana o mbutu iê ku i lundula. Sumbala Nzambi ki a te o kikutuʼiki, Mbalahamu ka moneka luua mona.

Loma 9:8

Kifua-phe uambe kiki, kuma: Anʼa xitu ki ene anʼa Nzambi. Maji ana à vualela mu kixuelu kia kikutu kia Nzambi ene a ejiia kuma luene luvalu luê lua kidi.

Ngalásia 3:16

O jipolomesa-phe ja bhana Nzambi kua Mbalahamu ua mu tangela-ju, ni ió u tunda ku mbutu iê. Kambe uixi: Ni iá a tunda ku Jimbutu, kala avulu; maji uambe kala muthu umoxi muene, uixi: Ni ió u tunda ku mbutu iê, muene-phe Kristu.

Ngalásia 4:28

Kiki enu jiphange jami, mua sokela ni Izake, muala mu anʼ a Nzambi mukonda dia polomesa.

Matendelelu 1:8

Talesenu, oxi ioso iii nga mi bhana-iu enu; bokonenu muʼvue oxi ia lokela Jihova ku jitata jenu, Mbalahamu ni Izake ni Jakobo, ku a bhana-iu ene ni mbutu iâ kuema diâ.

Matendelelu 30:20

Kale-phe u zola Jihova Nzambi ié, u bhana mátui ku dízui diê, uenda ni ku mu naminina ngó Muene; mukonda kuala o kulaia kué; kuene kuala o divula dia izuua ié; nda u tene kutunga ni kuxalela mʼoxi ia lokela Jihova ku i bhana jitata jé Mbalahamu, ni Izake, ni Jakobo.

Matendelelu 34:4

Jihova anga u mu ambela, uixi: Iii iene o ixi i nga lokela Mbalahamuʼii, ni Izake, ni Jakobo, kuila: Nga-nda ku i bhana o mbutu ié. Nga ku londekeza-iu-phe phala u i mone ngó ni mesu mé, maji kua-nda kubokona-mu.

Matendelelu 6:10

Kioso o Jihova Nzambi ie kia ka ku tula mʼoxi ia lokela jitata jenu a Mbalahamu ni Izake ni Jakobo, o ku ku bhana eie, ua kà sanga-mu i-mabhata kʼeie ua itungu iauabha o kuuabha, ia ku tungilʼê kiá!

Matendelelu 9:5

Ka ki bhangela mukonda dia kuuabha kuenu, mba mukonda ua mi mono ni muxima ualùngu kua muene; kana. Maji o ituxi ia ifuẋi iii, iene-ku iabhangesa Jihova Nzambi ienu ku mi kaiela-u; mbé o kuxikika o kikutu kia lokela Jihova Nzambi ienu ku jitata jenu, a Mbalahamu, ni Izake ni Jakobo.

Jihebeleu 11:13

Athu oso enʼiá afua, ezala ni kuxikana. O jipolomesa ja a bhele Nzambi ka ji tambuile luua, maji a ji muena ngó mu kanga, hé a ji tanesa ku makanga kuenioko ku ja monekena. Anga a di fisala kuila asonhi, jingenji mu ngongʼ umu.

Jihebeleu 11:8

Kiejila mu kuxikana, Mbalahamu kia mu ixana kuala Nzambi, muène anga u itaia, u xikina kuia mu kusota o ixi ia polomesa, iʼ ambe Nzambi o ku mu bhana. Hé u xia oxi iê-muène, u katuka, sé kuijiia kuoso kuanda kuia.

Josuué 1:6

Kala u kindanda, u kole kiambote muxima; kuma o kifuẋi kiki eie muene ua-nda ku ki uanena ibatu ia undundu uâ, mʼoxi i nga lokela jitata jâ ngixi hinu ngi mi bhana-iu.

Josuué 22:10

Anʼa Lubene, ni anʼa Ngadi ni kaxaxi ka muiji ua Manasa, kia zubha kubokona mu jimbambe ja Njolodá, mʼoxi ia Kanana, a tunga kalatódio ku Njolodá; kikalatódio kiʼonène, mu ku ki tala ni mesu!

Josuué 8:30

Josuué anga u tunga kalatódio ka Jihova, Nzambi ia Izalaiele, mu mulundu ua Ebale,

Afundixi 6:24

Ngidiione anga u tunga bhenhobho kalatoídio ka Jihova, u kexana uixi: Jihova muene Paze; ka-ké hanji katé mu kizuua kia lelu mu Ofala dia akua Abiiezele.

I Samuuele 7:17

Mu kuvutuka-phe uiza bhu Lama, kuma bhene bhu bhata diê bhua kexi Inzu iê; anga u fundisa jinga Izalaiele bhenhobho; anga u tungila-bhu kalatódio kua Jihova.