Dimatekenu 12:5 - O Mikanda Ikola

⁵ Mbalamu anga u katula mukajiʼê Salai, ni Lote monʼa phangʼiê ia diala, ni jimbongo jâ joso ja bhongolola, ni athu a muenhu a di bande-nâ bhu Halane; anga a katuka mu kuia kʼoxi ia Kanana ende muene katé kia bhiẋila mʼoxi ia Kanana.

Dimatekenu 12:5 ပူးပေါင်းရင်းမြစ်များ

Dimatekenu 10:19

Akua Kanana-phe mbambe iâ, tunde bhu Sidone uia katé bhu Jelale, bhuamoxi ni Ngaza; u kuata dingi katé bhu Sodoma ni Ngomola, bhu Adama ni Zeboini, katé bhu Laxa.

Dimatekenu 11:27

Ingo ia vumu ienhiʼii ia Tela: Tela u vuala Mbalamu, ni Naholo, ni Halane Halane anga u vuala Lote.

Dimatekenu 11:31

Tela anga u kuata monʼê Mbalamu; ni Lote monʼa Halane mulaúlʼê; ni Salai mukaji a monʼê Mbalamu; anga a katukila kumoxi mu Ule ia Jikaldeu, mu kuia kʼoxi ia Kanana; anga eza mu Halane, a tunga momo.

Dimatekenu 13:5

Lote ue, uala kuendela kumoxi ni Mbalamu, u kala ni ibhaku iavulu ia jimbudi ni jingombe, ni dibhata dia jibalaka.

Dimatekenu 13:6

Ixi-phe ki ia soko kuila a tungila bhuamoxi, kuma ibhaku iâ iavulu, katé o kutunga bhuamoxi ki ku ẋikina.

Dimatekenu 14:14

Bhenhobho Mbalamu kia zubha ku kʼivua kuila phangʼiê a mu kutu, ia aii-nê, u manekesa makuenze mê, a a vualela mu dibhata diê, hama jitatu ja muthu ni makuinhi nake, u a kaiela katé ku Dane.

Dimatekenu 14:21

Sobha ia Sodoma-phe anga u ambela Mbalamu, uixi: Ngi bhane ngó o mienhu, jimbongo joso tambulé.

Dimatekenu 28:10

Jakobo anga u katuka bhu Bele-seba mu kuia bhu Halane.

Dimatekenu 36:6

Izaú anga u katula ahatu-ê ni anʼê a mala ni a ahatu, mienhu ioso ia dibhata diê, ni jingombe ni ibhaku ioso, ni jimbongo ja bhongolola mʼoxi ia Kanana, anga uia ixi iengi, phala kukala-kanga ni ndenge iê Jakobo.

Ijila 22:11

maji se o nganga u sumba mubhika mu kitadi kiê, o ió ku imʼii udia-ku muene, ni uoso manvala a mu vualela kiá mu dibhata dia nganga; o iá u dia-nâ ku kúdia kuê.

Jipoxolo 7:4

Kieniokio muène a nga u tunda mʼoxi ia akua Kaladeia, hé u tunga mu Halane. Bhenhobho ki afu tatʼâ, Nzambi ua mu tauisa dingi katé mʼoxi iii i mu tungu leluʼidi.