Dimatekenu 12:3 - O Mikanda Ikola

³ Nga kà a benzela oso a ku benzela eie, nga kà bhubhidila oso a ku bhubhidila eie; momué muene mua kà zediuila o miiji ioso mu ngongo.

Dimatekenu 12:3 ပူးပေါင်းရင်းမြစ်များ

Dimatekenu 18:18

Muene kuma hinu u di bhanga kifuẋi kia dikota kia nguzu, ifuẋi ioso mu ngongo ia kà zediuila kua muene?

Dimatekenu 18:19

Mbata eme nga mu ijiia, kuila muene ua-ndu tumina anʼê ni dibhata diê dioso hádia di mu bhingana, phala ende ni kukaiejela mu jinjila ja Jihova, mbé ende ni kubhanga ima ia kilunji ni kuiuka, phala Jihova a kumbidile ioso ia tànga muene ku i bhanga kua Mbalahamu.

Dimatekenu 22:18

ku mbutu ié kuene kua kà zediuila ifuẋi ioso mu ngongo; mukonda ua tumaka dízui diami.

Dimatekenu 24:35

O Jihova-phe ngana iami ua mu zediuisa kiavulu muene, kia mu bhekela kukala ni kijingo kia dikota; ua mu bhana ni ibhanga ia jimbudi ni ia jingombe, ni phalata ni ulu, ni abhika a mala ni a ahatu, ni jikamelu.

Dimatekenu 25:11

O kutunda mu kúfua kua Mbalahamu, Nzambi u zediuisa Izake monʼê; Izake anga u tunga bhu kixima kia Lahai-loi.

Dimatekenu 26:29

Loka kuma eie hinu ku tu bhange kiaiibha, kala etu uetu tua kambe ku ku kuata, tua ku bhange ngó mbote, etu tua ku ehela kusuluka ni paze. Eie kiki uala u muthu a ku zediuisa kuala Jihova.

Dimatekenu 26:4

ngi sokolola mbutu ié kala jithéthembua ku diulu, mbutu ié ene nga a bhana jixi josoʼiji; ku mbutu ié kuene kua kà bhandulukila miiji ioso mu ngongo.

Dimatekenu 27:29

Athu engi a ku bhikile, Miiji ia kanga i ku bheza; Kala u ngana u tumina phange jê, Anʼa mamʼenu ende ni ku ku diundila. A kale mukua mázui uoso u ku ta eie o mázui A kale ni dibesá uoso u ku bha dibesá.

Dimatekenu 28:14

mbutu ié i sokoloka kala fufuta ia bhoxi, ia kà di zala ni ku luiji hi ku thunda, ni ku suku ni ku sulu; ko kué ni ku mbutu ié kuene kua kà bhandulukila miiji ioso mu ngongo.

Dimatekenu 30:27

Labano-phe, uixi: Se nga sange ngalasa ku mesuʼé, tu kadietu hanji; mukonda nga mono kuila Jihova ua ngi bhana kuzediua mukonda dié eie.

Dimatekenu 30:30

Kuma kioso ki ua kexile, kala kiluua ngʼiza, kiofele ngó ki ua kexile na-kiu; o kiki-phe ia sokoloka kiavulu muene. Jihova ua ku bhanduluila ku kikalakalu kiami, eme muene-phe hinu kizuua kuẋi ki ngi kalakela o dibhata diami?

Dimatekenu 39:5

Anga ki bhita kuma, tunde mu thembu ia mu bhana kutambula konda ia dibhata diê, ima ioso iú ua mu bhakuila-iu muene, Jihova u kala mu zediuisa o dibhata dia mukua Ijitu, mukonda dia Zuze; dibesá dia Jihova anga di kala ku thandu dia ima ioso iala-naiu, ni ku bhata ni ku mukáu.

Jisálamu 72:17

Dijina diê di nangenena katé ku hádia ni hádia; diia ni kusambuka muene ni ku mululu ni ku mulaula, kioso hanji ki kala mu nangenena o dikumbi; athu a kala mu ku a bhana dibesá mu dijina dia muene; o ifuẋi ioso mu ngongo a mu ixana kuma Mukua jimbote.

Makatukilu 23:22

O ki kala-phe mu ivua muene o dízui diê anga mu bhanga ioso i nga zuela, eme-phe ngi kala ngi nguma ia jinguma jenu, ngi zoka ni ió a zoka ni enu.

Dialuilu 24:9

Ua butama, ua zeka kala hoji, mamʼa hoji mukuâ; nanhi u mu lokalala? A-zediue oso a ku zediuisa, a a bhubhidile oso a ku bhubhidila.

Matesu 25:40

Muenexi ua kà kumbulula, uixi: Kidi kiene ngi mi ambela kuila: Kioso ki mua bhange jiphange jamiʼji ja ndenge, eme-muène mua ngi bhange-kiu.

Matesu 25:45

Muène ua kà kumbulula: Kidi kiene ngi mi ambela: kioso ki mua kamba kubhanga ku jiphange jamiʼ ji ja ndenge, Eme-muème mua kamba ku ngi bhanga-kiu.

Luka 24:27

Anga ua andekela ku madivulu a Mozé, hé u bhita mu madivulu a jipolofeta joso, ni ku a jimbuila ima ioso iòsoneke mu Mikanda Ikôla ia Nzambi, ia mu tokalele muène.

Loma 4:11

Kuma muene a mu saie kiá kueza kunu. O kifua kia kusaia ua ki tambula kuma kijimbuete, kidimbu kiedikiza o kulunga kuê kua muena mu kuxikana, kuila hanji-phe iú ku kanga, kiluua a mu saia. Kia bhiti kieniki phala Mbalahamu a kale mu nzumbi, tata ia oso a xikana Nzambi, né ku kanga kú ala, ka a saie, a a bhanga konda kuma alungu.

I Kolindo 1:30

Maji enu-phe Nzambi muene ua mi ongeka kumoxi ni Kristu Jezú, a mu bhange kuala Nzambi kukala muene unjimu uetu. O mua Kristu muene mua tu ẋikinina Nzambi bhu pholo iê, ni ku tu bhanga tu mundu ua ngene ua Nzambi, iú ua tu bhulula.

Ngalásia 3:16

O jipolomesa-phe ja bhana Nzambi kua Mbalahamu ua mu tangela-ju, ni ió u tunda ku mbutu iê. Kambe uixi: Ni iá a tunda ku Jimbutu, kala avulu; maji uambe kala muthu umoxi muene, uixi: Ni ió u tunda ku mbutu iê, muene-phe Kristu.

Ngalásia 3:28

O mua Jezú Kristu ki muene dingi katungu ka Judé ni iú ki Judé, ki muene mubhika ni fôlo, ki muene diiala ni muhatu; enu oso enuenu amoxi.

Ngalásia 3:8

O Mikanda Ikôla ue mu kuzambula kuila Nzambi ua kà lungisa matumbu mu kuxikana, kiene ki ia longela jinga o Njimbu Iambote mʼukulu kua Mbalahamu, iexi: Madiembu moso ma kà zediuila kokuê.

Efezo 1:3

Tu ximane Nzambi, Tata ia Ngana ietu Jezú Kristu! Mukonda ua tu benzela mua Kristu ni ku tu bhana o mabesá moso ma nzumbi, ku ididi ia diulu.

Kolose 3:11

O ku uthu uobhe ki kuene Ngeleku, ki kuene Judé, ki kuene a mu saie, ki kuene a kambe ku mu saia, ki kuene muthu uengi, ki kuene kabinji, ki kuene mubhika, ki kuene folo; kuala ngó Kristu ua di bhange muène iam ioso, ua tungu ue mua ene oso.

Dijingunuinu 7:9

Kia bhiti imʼíii, ngedi ngi tala, kua moneka mundu uavulu kana muthu u tena ku u tanga! Ua tundu mu ifuẋi ioso, ni mu miji ioso, ni mu madiembu moso, ni mu madimi moso. Emana bhu pholo ia kiandu, ni bhu pholo ia Kambudi, a kembe ni izuatu izela, a kuata isalale ia maie bhu maku.