30 Salai, anga u kala mbaku, ka moneka mona.
Tela anga u kuata monʼê Mbalamu; ni Lote monʼa Halane mulaúlʼê; ni Salai mukaji a monʼê Mbalamu; anga a katukila kumoxi mu Ule ia Jikaldeu, mu kuia kʼoxi ia Kanana; anga eza mu Halane, a tunga momo.
Izake anga u diondela muhatuʼê kua Jihova, mukonda kala kuvuala; Jihova anga u mu ivua kudikola kuê, Bebeka mukajiʼê anga u imita.
Jihova phe kia mono kuma Liia a mu zembe, u jikula divumu diê; Lakele-phe ua mu bhange kisûla.
U bhangesa kuila, muhatu ua kisula, uongeka dibhata, u kala kivadi, hé u sanguluka ni anʼê. Ximanenu Jihova!
Xinganeka hanji ndandu ié Nzebele, a kexi ku mu ila mbaku, kiki uemita ue monʼa diiala mu uadikime uê; mbeji samanu kiá a mu kuata.
Ene-phe ka moneka mona, mukonda Nzebele ua kexile mbaku; o ene kiiadi kiâ, a kuata kiá mivu iavulu.
Hé bhu kala muthu, mukua bhata dia Zola, mukua muiji ua Dani, dijina diê Manoua, muhatuʼê mbaku, ka vuala.
Muenhú anga u kala ni akajiʼê aiadi; umoxi dijina diê Hana, o mukuá dijina diê Penina. Penina u kala ni anʼê, Hana-phe ka moneka mona.
O Hana-phe u mu bhana mbandu ia mbote; mukonda ua zola Hana, maji-phe Jihova ua mu jika divumu.
