Dimatekenu 10:5 - O Mikanda Ikola

⁵ Enhá ene a di uanena o jixi ku ikolo ia matumbu, a di tungula ku madimi, ku miji, ni ku ilombo iâ.

Dimatekenu 10:5 ပူးပေါင်းရင်းမြစ်များ

Dimatekenu 10:20

Enhá, anʼa Hame kia di tungula mu miiji iâ, ni madimi mâ, ni jixi jâ, ni ilombo iâ.

Dimatekenu 10:25

Ebele anga u vuala ana kiiadi; iú dijina diê Peleke, mukonda mu izuua iê kiene kia di uanununa ixi; o mukuá dijina diê Jokotane.

Dimatekenu 10:32

Iene o miiji ia anʼa Noué, mu kusokoloka kuâ, mu ilombo iâ; iene ilombo ia di uanena mu ngongo, kioso kia tundu ku dilúvio.

Dimatekenu 10:4

Anʼa Javane eniá: Eliza, Talxixi, Kitime ni Dodanime.

Dimatekenu 10:6

Anʼa Hame eniá: Kuxi, Mizilaími, Pute ni Kanana.

Dimatekenu 9:19

Iá ene ana a tatu a Noué a mala; o mu kusokoloka kua eneʼâ, kuene kua tungisa dingi ixi ioso.

Estere 10:1

Kia zubha kubhita imʼii, muenexi Asuuelu anga ubhinjika mundu kuzonga dijimu, ni mu ixi ioso, ni mu ikolo ia kalunga.

Jisálamu 72:10

Jisobha ja Talxixi ni mu ikolo a kà mu bhana o lubhaku; o jisobha ja Xeba ni Saba ja kà mu bhekela maujitu.

Izaía 11:11

Mbata kia kà bhita kuila, Jihova mu kizuua kieneʼokio ua kà vutukila kuta lukuaku luê mu kuondolola dingi o masubhu a mundu uê, a subhuka ku Asídia, ni ku Ijitu, ni ku Pátulu, ni Itiiópia, ni ku Elame, ni ku Xiniiale, ni ku Hamate, ni ku ikolo ia kalunga.

Izaía 24:15

Kala kiki, jingisenu dijina dia Jihova, ni mu ibôlo ni mu isanga ia kalunga, jingisenu dijina dia Jihova, Nzambi ia Izalaiele.

Izaía 40:15

Ku pholo iê, o ifuẋi ioso, mukuâ ni dibêbe di láuka ku mbi-nda ia menha; mba mukuâ ni mvindu ia di-kuua-kuua bhu longa dia pezo; talesa-phe, o ikolo u i kuua mu ididi iê, mukuâ ni fufutila iò takule.

Izaía 41:5

O ikolo ia mu muene anga i kuata kuteketa; o jimbambe kua suku oxi ja teketa; athu a di phopho, a suetuka bhua zukama, ia eza.

Izaía 42:10

Imbilenu Jihova mukumbi uobhe, o diximanu diê diende muene ni ku tokomoka tundé kua suku oxi; teketenu enu ue mua mu kuendela ku thanduʼa kalunga mu jinaviiu ni ima ioso iene-mu, nʼenu ue mu ikolo ni oso a tunga-mu.

Izaía 42:4

O muene ka kà fula, ka kà mu tolojola katé kia bheka o uiukilu mu ngongo; o ikolo ia kà kingila o ulongelu uê.

Izaía 49:1

Ngʼivienu, mu ikolo, enu mu athu muene ku makanga batekelenu: Jihova ua ngʼixana hanji kioso ki ngala mu mala, eme hanji mu divumu dia manhiʼetu, muene-phe ua tumbula kiá o dijina diami.

Izaía 51:5

O uiukilu uami ua zukama; ubhulukilu uami iú tomboka kiá; maku mami mene ma-nda kutetuluila o mundu; ikolo ia-nda ku ngi xikamena ni kukinga, ene a-nda kudielela kubhandulukila ku lukuaku luami.

Izaía 59:18

Kioso kia tokala mu ikalakalu iâ, kiene kia kà a vutuila muene, … ulundulula ngânji kua iá a mu kuatela luma, u bhana futu ku jinguma jê; o ikolo ua kà i bhana ue o futu iâ.

Izaía 60:9

Ni kidi kiene, o ikolo ia kà ngi xikamena, jinaviio ja Talxixi jene ja kà tuama, phala kuiza kuxila dijina dia Jihova, Nzambi ié, ni kua Dilemba Dikola dia Izalaiele, mukonda muene ua ku jingisa.

Jelemiia 2:10

Kala kiki, bhitenu ku ikola ia Kitimi, mu tale; tumenu ue ku Kedale, mu tongolole kiambote, ni mu mone se kua bhitile kiá kia di-fu kala kiki.

Jelemiia 25:22

ni ku jisobha joso ja Tilu, ni ku jisobha joso ja Sidone ni ku jisobha ja ikolo ku sámbua dia musanza ua kalunga;

Izekiiele 26:15

O Jihova Nzambi ua tange kiki, kua Tilu; O ikolo ki ia-nda kua kà teketa ni muxindu ua kinuminu kia kibhalu kié, kioso athu a mu a toma ki aia ni kukumba, mu kuila a mu bhanga kijibha ki kuatesa uoma muʼaxaxe ké?

Izekiiele 26:18

O kiki-phe, o ikolo ia kà teketa, mu kizuua kia kibhalu kié; o ikolo (tuzanga) iala mu musanza ua kalunga ia kà teketa, ki ia kà mona o utundilu ué.

Daniiele 11:18

O ki kia kà bhita, ua-nda ku lunga kiá pholo ku ikolo ia musanza ua kalunga, anga u tolola-ku ikolo iavulu, maji bhu kala-phe kilamba kimoxi, o muenhú ua-nda ku mu tolola, kifua ua mu bhuisa ukumbu anga u mu bhangesa kuila o izala ia ukumbu uê i laukila ku thandu diê muene.

Sofoniia 2:11

Jihova ua kà a lungulukila, o jinzambi joso ja mu ngongo anga u ji jikinisa; akua jixi ene oso a kʼèza kua Muene ku mu bheza, tunde mu ididi iâ ni miji ioso mu ikolo.

Matendelelu 32:8

Kioso kia kexe Suke-ku mu kuuanena miji iʼathu o undundu uâ, anʼa Adá anga u kuata ku auanuna ku ibuka-ibuka ia di kexidila mudiâ, hé u ta jimbambe phala ifuẋi mu ngongo, o anʼa Izalaiele ua a zongela kala kiasoko o ndumba iâ.