Dimatekenu 10:2 - O Mikanda Ikola

² Anʼa Jafete eniá; Ngomele, Mangongo, Madai, Javane, Tubale, Meseke ni Tilaji.

Dimatekenu 10:2 ပူးပေါင်းရင်းမြစ်များ

Dimatekenu 10:1

Iii-phe iene o miji ia anʼa Noué a mala, ni Seme, ni Hame, ni Jafete; ene uâ anga a vuala anʼâ kia tundu ku dilúvio.

Dimatekenu 10:21

O Seme ué, tata ia ana oso a Ebele, dikota dia Jafete, u vuala ni anʼê.

Dimatekenu 9:27

Nzambi a kudise jimbambe ja Jafete, A tunge mu jibalaka ja Seme; Kanana a kale mubhikʼê.

II Jisobha 17:6

Kubhiẋila mu muvu ua kavua ua utuminu ua Ozeia, sobha ia Asídia kiene kia tolola Samádia, iú ua zangula Izalaiele ioso iú ua a balakala ku Asídia; iú ua a bhangesa kutunga bhu Hala ni bhu Habolo bhua zukama ni ngiji ia Ngozane ni mu jimbonge ja akua Mediia.

Jisálamu 120:5

Kokolo diami, eme ngi nzuángiza, nga mu nhunganena bhu Miseke; eme ngi mukua bhata mu jibalaka ja Kedale.

Izaía 66:19

Nga kà ta kijimbuete muʼaxaxi kâ, oso-phe a bhulaka-ku nganda ku a tumikisa ku ifuẋi, ku Talxixi ni ku Phulu, ni ku Ludi, akua kuoleka o mufula, ku Tubale ni ku Javane, katé ku ikolo ia makanga, kua oso fuma iami kiluua a ivua, kijingo kiami ue nuka a ki muene; kuenhoko a kà tanga-ku o fuma ia ungana uami muʼaxaxi ka akua jixi.

Izekiiele 27:19

O Dane ue, ni Javane, o ngenji-ia-thumba, a tá jinga o uenji bhu itanda ié; ni felu iòiudike kiambote, ni ibatubatu, ni mienge ia dizumba, iene iosuʼiii ia bokona jinga mu uenji ué.

Izekiiele 27:7

Linhu ia fina ia Ijitu, ia kubolodala, iene ia kexile o jikolotina jé, ni i kale iene o jimvela jé; o thanga ja ikolo ia Uiza, ni jikusuka ni ja azulu, jene ja kexile o divunga dié.

Izekiiele 32:26

Muenhomo muene muala Meseke ni Tubale ni mundu uâ uoso; o mu jimbandu jâ muene muala o jimbila ja ene; ene oso muene akua mabôlo a a kubujula ku xibhata, kuma a bhanga jinga ima i kuatesa uôma mu ngongo ia athu a muenhu.

Izekiiele 38:15

Eie-phe ua kà tunda bhu kididi kié ku jimbandu ja kusuku, hé ua kʼèza nʼeie ni ifuẋi ia vulu kumoxi, ene oso a sambela ku jikabalu, kionge kia dikota, kifuẋi ki bhonza o ku ki tanga.

Izekiiele 38:2

Monʼa diiala, o pholo ié talela-iu mu kuzoka ni Ngongo, o ixi ia Mangongo, o muadiakime ua mu tumina mu Meseke ni mu Tubale, u te muzambu ua kuzoka-nê.

Izekiiele 38:6

ni Ngomele ni masoladiʼê oso; ni dibhata dia Tokalma, ku mbandu ia kusuku, ni masoladiʼ oso kumoxi, a di bhange ndumba dia mundu ala nʼeie.

Izekiiele 39:1

Eie-phe monʼa diiala, zambula hanji mu ku bilukila Ngongo, u tange kuila: O Jihova Nzambi uambe kiki: Tala-ze, kuma eme nga ku bilukila, eie Ngongo, eie u kilamba uene mu tumina bhu Meseke ni bhu Tubale.

Dijingunuinu 20:8

Hé u tunda mu kubhomba akua jixi, a di muangena mu ngongo ioso, ene a Ngongo ni Mangongo. Enhá Satana ua-nda ku a bhongolola phala kuiza ku ita, o kuvula kuâ mukuâ ni kisèkele bhu ndúndu ia kalunga.