Dimatekenu 1:9 - O Mikanda Ikola

⁹ Nzambi anga u zuela, uixi: Menha bhoxi a diulu a bhongoloke kididi kimoxi, mavu makukuta ma tomboloke. Anga ki bhita kienhiki.

Dimatekenu 1:9 ပူးပေါင်းရင်းမြစ်များ

Dimatekenu 1:8

O muthandu ua bhiti mu dinga-ni-dinga, Nzambi anga u u ixana kuma Diulu. Bhenhobho bhua bhiti ngoloxi ni kimene, kizuua kia kaiadi.

Nehemiia 9:6

Eie Ngana, eie-muène ubheka ué, eie ua bhange o diulu, ni diulu dia madiulu, ni kifuxi kiê kioso; ni oxi ni ima ioso iala-mu; o misanza ia kalunga ni ima ioso iala-mu; eie Ngana anga ene oso u a bhana o muenhu, anga kifuxi kia diulu ki kala mu ku ku bheza.

Jobe 26:10

Ku thanduʼa menha ua te-ku mbambe, katé ku maẋokololo kua suku o mukengeji ni kitombe.

Jobe 26:7

Muene o thunda u i zala ku thandu dia ngoho, anga u bhangesa ixi kuzenzamena bhua kambe kima.

Jisálamu 104:3

O mixi ia inzo ié ia thandu, ua i tula mu menha; o matuta dikalu dié; uendela ku mabhabha ma kitembu.

Jisálamu 33:7

U kuata menha a kalunga kala ua a bhake mu mbinda; o musanza uazongo u u lunda mu mabhakelu mê.

Jisálamu 95:5

Musanza ua kalunga uê muène, kuma muene ua u iudika; o mavu a kanga muene uaʼombu ni maku mê.

Ndongixi 1:7

O jingiji joso jiia ní ku kungulukila mu kalunga, maji-phe o kalunga kene kuizala. O kuoso kuene mu kiia o jingiji joso ni ku kunguluka, kuene ku jene mu kuia kiá, kuene ku ji kuata o kuié dingi.

Jelemiia 5:22

Jihova uambe: Enu nguenu ku ngi xila, kuambienu? nguenu ku ngi kala ni uoma, eme nga te o mbambe ia kisèkele kia hatu mu xitila o kizanga kia kalunga, i ia xalela ngonge i nangenena ia bhingi o muene u lembua ku i matuka? Né-mbe u fundumuna mabhuku mê, ka tena kutolola; né-mbe mabhuku a zuma, mbambe ka kà i somboka.

Jona 1:9

O muene u a tangela uixi: Eme ngi Hebeleu, ngene mu kubheza Jihova, o Nzambi ia diulu, ua bhanga musanza ua kalunga nʼoxi ia kukuta.

II Phetele 3:5

Ene-phe akua kuzombala enhá, a jimbi-ku luelu, kuila kua kexile maulu mʼokulu, ni oxi, ia tomboloka mu menha, mu ʼaxaxi ka menha, mu kizuelu kia Nzambi.

Dijingunuinu 10:6

anga u loka mu dijina dia Nzambi, ió ueniê ni muenhu uê katé ku hádia ni hádia, ua bhanga o diulu ni ima ioso iala-mu, ni oxi ni ima ioso iala-mu, ni musanza ua kalunga ni ima ioso iala-mu. Anju anga i zuela, iexi: Ki kua-ndu kala dingi kukokoloka!