Dimatekenu 1:26 - O Mikanda Ikola

²⁶ Nzambi anga u zuela, uixi: Tu bhangienu muthu mu kidifuanganu kietu, a bhabhelele ku kijingo kietu, a tumine ku jimbiji jendela mu menha, ni ku jinjila ji bhita bhulu, ni ku ibhaku, ni ixi ioso, ni ku ibamba iendela ku mavu.

Dimatekenu 1:26 ပူးပေါင်းရင်းမြစ်များ

Dimatekenu 11:7

Ndokuenu, tu tuluke, tu a bhidike mu kuzuela kuâ, phala a lémbue ku dʼivua mudiâ.

Dimatekenu 2:19

Jihova Nzambi, ku mavu a bhoxi anga úmba-ku jixitu joso ja iangu ni jinjila joso ji bhita bhulu; anga u ji bheka ku muthu, ku mu tala se u ji luka kiebhi; kioso-phe kia luku Adá ku jixitu ja muenhu, diene kiá o dijina diê dia xala na-diu.

Dimatekenu 3:22

Ngana Nzambi anga u zuela, uixi: Tala, muthu ua di bhange kiá kala mukuetu, mu kuijiia kiauabha ni kiaiibha; kala kiki-phe, amoxi u sunununa lukuaku luê, u nomona ue ku muẋi ua muenhu, u dia, nʼa kale ni muenhu ua kambe dizubhilu;

Dimatekenu 5:1

Didi diene o divulu dia Ingo ia vumu ia Adá: Kizuua kia bhanga Nzambi o muthu, ua mu bhange mu kidifuanganu kiene kia Nzambi;

Dimatekenu 9:6

O uoso u ẋamuna o manhinga ma muthu, muthu ni mukuâ a mu ẋamune ue o manhinga mê; kuma muthu a mu bhanga mu kidifuanganu kia Nzambi.

Jobe 35:10

Maji ki bhuala ngó muthu, uila: Nzambi uala kuebhi ua ngi bhange, u bhuselela mimbu ia diximanu usuku uoso,

Jobe 39:11

Inga u mu dielela muene mukonda dia nguzu iê ia vulu? Mba ikalakalu ié-eie u muʼehela-iu muene ku i bhanga kia tokala?

Jobe 5:23

Kuma katé ni matadi mu mikáu, ua kà kuata na-u ukamba; o iama ia iangu ua kà di tuma na-iu kiambote.

Jisálamu 100:3

Ijiienu-kiu, kuma Jihova muene Nzambi; muene ua tu bhanga, muene ua tu vu; etu tu mundu uê tua mu tokala, tu jimbudi jê, muene uala ku tu inga.

Jisálamu 149:2

Izalaiele a sanguluke ni ió uoso ua mu bhanga; anʼa Ziione a kale ni ngalasa, mua muene muenexi uâ.

Ndongixi 7:29

Talenu-phe, kuma o ki nga bongo ngoho mu kusota kuami, kiki: Kuila o Nzambi, muthu ua mu bhange ni kuiuka, maji o muene-phe ua di funhina ndumba dia ima iaiibha.

Mukumbi ua Mikumbi 1:11

Makembu ma ulu u tuanda ku ku iudikila, tu phaphela-ku muene jifuma ja phalata.

Izaía 45:18

Kuma kiene kiambe Jihova, ua bhanga o maúlu; Nzambi ua tenene kumba oxi, iú ua i iudika; ua i xikika, ka i ʼxia kiṗhulungunzu kia hatu, kana; ua i bhanga phala athu ku tunga-mu, uixi-phe: Eme-muène ngi Jihova, ki kuene uengi.

Izaía 6:8

Kia bhiti kiki, ngevu dízui dia Jihova, uixi: Mukuahi ngi mu tuma, nanhi u tu endela bhu kididi? Eme-phe, ngixi: Emeʼami-ú, Ngana, ngi tume eme.

Izaía 64:8

Maji kindala-phe, Jihova eiʼeie u Tatʼetu; etu tu utuma, eiʼeie u ngumbi ietu; etu ene-oso tu kibhangelu kia maku mé.

Jelemiia 27:6

Kiki-phe jixi joso jiji nga ji bhakula bhu makuʼa Nabukodonozolo, sobha ia Babilonha, mubhikʼami; katé ue ni iama ku mukáu nga mu bhe-iu phala iende ni ku mu bhikila.

Nzuá 14:23

Jezú u mu vutuila, uixi: Muthu se ua ngi zola, kikale u aiuka o maka mami; o Tata iami-phe u mu zola. Mu kiki, ni eme ni Tata iami, tuiza kua muene, hé tu tunga-nê.

Nzuá 5:17

Jezú-phe ua a vutuila, uixi: Tata iami ua mu kalakala katé kindala; eme uami ngi kalakala.

Jipoxolo 17:20

Kuma ima iamukuâ i ua bheka, ia kudisanuka ku matui metu, etu tu andala u tu lomboluela imʼ iii.

Jipoxolo 17:26

Akua jixi joso mu ngongo ua a bhange ku mbutu ia muthu umoxi, phala kutunga kʼulu dia mundu. Muène-muène ua a xindila o jithembu jâ, ni jimbambe ja madiembu.

I Kolindo 11:7

O diiala, ni kidi kiene, ka tokala u futa mutue, mukonda muene kidifua kia Nzambi, muene fuma ia Nzambi. Maji o muhatu-phe muene o kuzangalala kua diiala.

II Kolindo 3:18

Uila kiki, etu enoso, ni pholo iofutumune, tu kala mu londekeza o kubenha kua Ngana kala ki bhanga o lumuenu. Kuma o kubenha koko kua mu tunda kua Ngana, muene o Nzumbi. Kuene ku tu kitulula anga tu di fuangana ni Ngana, o mu kienhiki o kubenha kuetu kuia ni kudibandekeza dingi kithangana ni kithangana.

II Kolindo 4:4

Ene a kambe kuxikana, kuma o nzambi iaiibha ia mundu iú ua bhake o ilunji iâ mua vundu. Muène ka ehela kumona o mukengeji ua a kiela, o mukengeji ió u tunda ku Njimbu Iambote ia fuma ia Kristu, muène o kidifua kia Nzambi kia kidi.

Efezo 4:24

Mu zuata o muthu uobhe a mu bhangulula mu kidifua kia Nzambi, ki di monekena mu kukala ni muenhu ua kuiuka, ni mu kuzela kua kidi.

Kolose 1:15

Kristu muene kidifua kia moneka ku mesu, kia Nzambi ua kambe kumoneka ku mesu. Muène o thungunu, uala ku thandu dia ima ioso iobhange.

Kolose 3:10

enu mua zuata muthu uobhe. O kikexilu kia ubhe kiki muène o muthu uobhe ala ku mu umba kuala Nzambi ni kuijiia kuengi, phala kudifangana ni muène uoso ua mu bhanga.

Tiiaku 3:7

Kuma o mbutu ioso ia iama, ni mbutu ioso ia jinjila, ni ia tubamba tu zanzala, ni ia jimbiji mu menha, ene ku i tolola kuala o mbutu ia muthu.

Tiiaku 3:9

O dimi diene di tu bheza na-diu Ngana dia Tata, diene ue di tu xinga na-diu athu a a bhanga mu kidifuanganu kia Nzambi.

I Nzuá 5:7

Mbata sai kitatu a bhana umbangi mu diulu: Ni Tata, ni Diambu, ni Nzumbi Ikôla; ene kitatu kiâ a di bhanga Umoxi.