Dimatekenu 1:22 - O Mikanda Ikola

²² Nzambi anga u a tula o kizediuise, uixi: Vualenu, mu sokoloke, mu menha ma kalunga mu izale; o jinjila ue ji sokoloke ku kanga.

Dimatekenu 1:22 ပူးပေါင်းရင်းမြစ်များ

Dimatekenu 1:21

Nzambi anga u bhanga iama iònene iendela mu menha, ni jimbiji ja muenhu. Mu menha anga mu sokoloka kiavulu ku idifua-idifua, ni jinjila jenda ni mabhabha ku idifua-idifua; Nzambi anga u mona kuma kiauabha.

Dimatekenu 1:23

Anga ku kala ngoloxi ni kimene, kizuua kia katanu.

Dimatekenu 1:28

Nzambi anga u a tula o kizediuise, uixi: Vualenu, mu sokoloke, mu izalese ixi ioso, mu i tolole; mu tumine ue jimbiji jendela mu menha, ni jinjila ji bhita bhulu, ni iama ioso ia muenhu iendela ku mavu.

Dimatekenu 30:27

Labano-phe, uixi: Se nga sange ngalasa ku mesuʼé, tu kadietu hanji; mukonda nga mono kuila Jihova ua ngi bhana kuzediua mukonda dié eie.

Dimatekenu 30:30

Kuma kioso ki ua kexile, kala kiluua ngʼiza, kiofele ngó ki ua kexile na-kiu; o kiki-phe ia sokoloka kiavulu muene. Jihova ua ku bhanduluila ku kikalakalu kiami, eme muene-phe hinu kizuua kuẋi ki ngi kalakela o dibhata diami?

Dimatekenu 35:11

Nzambi anga u mu ambela dingi, uixi: Eme ngi Nzambi, Muteni-a-Ioso; vuala, u sokoloke; u kala u kifuẋi, ni junda ia ifuẋi, ia kà tunda ku musala ué, makota a jinganga a kà tunda mu mukutu ué.

Dimatekenu 8:17

Tundisa ue iama ioso ia muenhu i uala na-iu kumoxi momo, ni jixitu, ni jinjila, ni ibhaku, ni ibamba i huhuta ni mala bhoxi; phala mu ixi mu izale dingi mbutu iâ, a di vualulule, a sokoloke kiavulu mu ngongo.

Dimatekenu 9:1

Nzambi anga u ta kizediuise kua Noué ni anʼê a mala, anga u a ambela, uixi: Di vualienu mu sokoloke, mu izalese o ngongo.

Jobe 40:15

Kindala-phe tongolola o nguvu, i nga bhange kumoxi nʼeie, u sanga ídia iangu kala ngombe.

Jobe 42:12

Kienhiki, Ngana ua beta kuzediuisa kikexilu kia Jobe kia sukidila, o kia dianga ndenge; mukonda ua kexile ni kuinhi dia midi ni kiuana ia jimbudi, ni midi jisamanu ja jikamelu, ni midi ia makaza a jingombe, ni midi ia jibulu ja akaji.

Jisálamu 107:31

Tamano-phe a ximana jinga Jihova, ni kuxinganeka jimbote jê, ni madiuanu oso ene mu bhanga ku anʼathu mu ngongo!

Jisálamu 107:38

Ku dibesá diê, a di sokolola muene kiavulu; o ibhaku iâ, ki i tebhunuka, lémbue!

Jisálamu 128:3

Mukajiʼê u kala kala muvide uala kuima kiavulu mu kithâdi kiaʼnzo iê, anʼê a di fua ixina ia midiva ia sabhuluka mu jimbandu ja meza mé.

Jisabhu 10:22

Dibesá dia Ngana diene di muesa jimbongo; o umvuama u tunda kua muene ki u bheka dilamba.

Ijila 26:9

Enu-phe ngi mi sakukila muene kuma mesu ami ngi a ta kokuenu, anga ngi mi bhana o ku di vuala, hé ngi mi sokolola muene, anga ngi kolesa o kikutu kiami nʼenu.