Dimatekenu 1:16 - O Mikanda Ikola

¹⁶ Nzambi anga u bhanga imuiku iiadi iònene; kimuiku kia dikota ki tumina mu muanha, o kimuiku kia ndenge ki tumina mu usuku; ua bhange ue o jithé-thembua.

Dimatekenu 1:16 ပူးပေါင်းရင်းမြစ်များ

Dimatekenu 1:15

I kale imuiku ku dimbinza dia diulu ia kubhana mukengeji mu ngongo. Anga ki di bhanga kienhiki.

Jobe 31:26

se nga tale ku dikumbi kioso ki dia kexe mu kubenha, mba ku mbeji, kioso ki iia ni kuenda, ia zele kiambote,

Jobe 38:7

Kithangana kiebhi jithéthembua ja kimene ki ja kexile mu kuimbila kumoxi ni kusanguluka, o anʼa Nzambi oso anga a kala mu tana?

Jisálamu 148:3

Mu ximanienu enu mu kumbi ni mbeje; Ximanenu enu mu jithéthembua ja kubenha.

Jisálamu 148:5

A ximane o dijina dia Jihova, kuma muene ua zuela ngó, iene ioso ia di bhange.

Jisálamu 19:6

U katuka bhu muxinda uaʼxi ni diulu, u banda, hé u boloka, katé ku mbambe iê, tulé; kana-ku kima ki suamena o muanha ue.

Jisálamu 74:16

O muanha ué eie, o usuku ue ué; Eie ua iudika o mbeji ni dikumbi.

Jisálamu 8:3

Kioso ki ngʼila ngi talesa ku diulu, ku ufunu ua milembu ié, ku mbeje ni jithéthembua ji ua iudika, ngʼamba, ngixi:

Izaía 13:10

Mbata o jithéthembua ja diulu ni ibalaʼkumbi iê, ia kà lémbua kumuika ni mukengeji uâ; dikumbi dila di mateka kutunda, dia vunduʼé kiá, o mbeji ue ki ia kà bhana dingi mueji.

Izaía 24:23

O mbeje ia kà sonoka pholo, dikumbi dia kà kakuka, kioso Jihova dia Ilombo Ieta kia kà hinga o ungana ku mulundu ua Ziione, ni mu Jeluzaleme; kienhokio bhu pholo ia ikulakaji iê bhua kà kala fuma.

Izaía 40:26

Bhetulenu-phe o mesu menu bhulu, mu talese. Nanhi ua bhanga o ima ioso iii? Ió u tena kubhangesa kuila kifuxi kiê kutunda mu imʼiii hé u kiʼalula; Ió u tena kuixana o jithéthembua joso ku majina mukonda dia unéne ua nguzu iê, kuma-phe o mu kutena ni mu ku suina muene Ngungu-a-Nzumba, kana-bhu kima ki tena ku di nhunga.

Izaía 45:7

O mukengeji eme nga u bhanga, o itombe eme ue nga i iudika; eme ngi bhanga o paze, eme ngi bhanga o kíbhidi; eme ngi Jihova, ngejiia kubhanga ima ioso iii.

Jelemiia 31:35

Kienhiki kia tange Jihova mukua kubhana o dikumbi phala mukengeji mu muanha, ni itumu ia mbeji ni jithéthembua phala mukengeji mu usuku, Io u jikula makungu mu kalunga anga u bhangesa mabhuku mê kuzuma; Jihova dia Ilombo Ieta diene o dijina diê.

Habakuke 3:11

Ni dikumbi ni mbeji, emana muene mu mazekelu mâ; anga a kala mu ku tala o mifula ia Ngana ia uama túbhia, o ni itelu-telu ia jinzaji ja dionga diê.

Matesu 24:29

Jezú uixi dingi: Kutunda ku phaxi ia izuuʼ oio, dikumbi di vunda, o mbeji i kamba kumuika, o jithethembua ji laúka ku diulu, jinguzu ja maúlu ji tunguta.

Matesu 27:45

Kiki tunde ku mediia mu ola ia kasamanu, kʼoxi ioso ku kala usuku mu ola jitatu, katé mu ola ia kàvua.

I Kolindo 15:41

Sai kubenha kuku kua dikumbi, sai kubenha kuku kua mbeji, sai kubhenha kua jithethembua. Sai ni thethembua i tunda mukuá mu kubenha.

Matendelelu 4:19

Di lange ue, phala o ki u bhetula mesu bhulu, anga umona o dikumbi ni mbeje, ni jithéhtembua, ni ima ioso kiá iene ku maúlu, muxima hé u ku tuma, eie anga usota kubheza o ima ia bhange Jihova Nzambi ié, phala ku kuatekesa naiu o ifuẋi ioso iala bhoxi dia diuluʼabha.

Dijingunuinu 21:23

O mbanza íii ki i bhingi ku kala dikumbi, mba mbeji, mu kumuikina-mu, mukonda o kubenha kua Nzambi kua zelesa-mu, o Kambudi muène o kandeia kâ.