Dimatekenu 1:14 - O Mikanda Ikola

¹⁴ Nzambi anga u zuela, uixi: Ku kale imuiku ku dimbinza dia diulu phala kuuana muanha ni usuku; i kale ijimbuete ia kuidikiza jithémbu ni izuua ni mivu;

Dimatekenu 1:14 ပူးပေါင်းရင်းမြစ်များ

Dimatekenu 1:13

Anga ku kala ngoloxi ni kimene, kizuua kia katatu.

Dimatekenu 1:15

I kale imuiku ku dimbinza dia diulu ia kubhana mukengeji mu ngongo. Anga ki di bhanga kienhiki.

Dimatekenu 8:22

Katé bhuoso bhua kà nangenena o ixi, ni thembu ia kukuna, ni thembu ia kubhongolola, mbambi ni munza, kixibhu ni mvula, ni muanha ni usuku, ki ia kà bhua-ku dingi.

Dimatekenu 9:13

Nga te hongolo iami ku matuta, iene i kala kijimbuete kia kikutu kiami ni ngongo ioso.

Jobe 25:3

Nanhi u tena kutanga o ifuẋi iê? O ki banda mukengeji uê, nanhi muene u kamba ku mu muikina?

Jobe 25:5

Tala, katé ni mbeji ki iala ni kubenha; o jithéthembua ue ku mesu mê ki ji zele.

Jobe 3:9

jithéthembua ja usuku uenhó ji fuuetele, né mu ikiélua; o usuku uene uila kingʼé o kúkia, kúkia ki ku moneka; phala ki u mone o ibhebhetela ia mesu a ukielu ua kimene.

Jisálamu 119:91

Katé ni lelu ima ioso ii nangʼiii, mukonda eie kiene ki ua tumu; mbata ima ioso kifua jiselevende jé, i ku tumaka eie.

Jisálamu 148:3

Mu ximanienu enu mu kumbi ni mbeje; Ximanenu enu mu jithéthembua ja kubenha.

Jisálamu 148:6

Iene ioso ua i te mu ididi iê, katé ku mbambe tulʼé! Anga i kalalà-ku muene katé ku hádia ni hádia, ua a xindila ijila, ka tena ku i somboka.

Jisálamu 150:1

Ximanenu Jihova. Ximanenu Nzambi ku mbanza iê ikôla; mu ximanienu ku dimbinza diedikiza o nguzu iê.

Jisálamu 81:3

Xikenu o mbungu ia mbeje ia thathama, ni ia mbeje iaii kiá ku mulundu, kizuua kietu kia fesa, kieza-bhu!

Izaía 40:26

Bhetulenu-phe o mesu menu bhulu, mu talese. Nanhi ua bhanga o ima ioso iii? Ió u tena kubhangesa kuila kifuxi kiê kutunda mu imʼiii hé u kiʼalula; Ió u tena kuixana o jithéthembua joso ku majina mukonda dia unéne ua nguzu iê, kuma-phe o mu kutena ni mu ku suina muene Ngungu-a-Nzumba, kana-bhu kima ki tena ku di nhunga.

Jelemiia 10:2

Jihova uambe kiki: Ki mu di longe o njila ia akua matumbu mba o isuma ia diulu i mi sasumuisa: Kuma iene o ima ia mu kuatesa uoma ku akua jixi.

Jelemiia 31:35

Kienhiki kia tange Jihova mukua kubhana o dikumbi phala mukengeji mu muanha, ni itumu ia mbeji ni jithéthembua phala mukengeji mu usuku, Io u jikula makungu mu kalunga anga u bhangesa mabhuku mê kuzuma; Jihova dia Ilombo Ieta diene o dijina diê.

Jelemiia 33:20

Jihova ua tange kiki: Se mu tena kunumununa kikutu kiami kia muanha ni kikutu kiami kia usuku, katé ki mu tena muene o kubhuisa-ku muanha ni usuku bhu kithangana kiâ,

Jelemiia 33:25

Jihova dia Ifuẋi phe, uambe kiki: Se kikutu kiami kia muanha ni usuku kia lémbua kunangenena, eme hé ngi lémbua kuta-ku jingonge ji tumina diulu ni ixi,

Izekiiele 46:1

O Jihova Nzambi uambe kiki: O dibhitu dia lumbu lua moxi, dia talela ku mutundila-kumbi, mu di jika mu izuua isamanu, iene o izuua ia kukalakala; maji mu kizuua kia sabhalu a di jikula; o mu kizuua ue kia mbeji ia thethama a di jikula.

Izekiiele 46:6

Maji o mu kizuua kia mbeji ia thethama, ua kà bhana kangombe ka ndumbe, ka kambe o dibaka, ni tumbudi tusamanu ni kilumbe kimoxi; ene oso ka kala ni mabaka.

Jouele 2:10

Mu ku a mona ixi ia kà teketa, maúlu a kà di tungutisa, a kà zamba; ni dikumbi ni mbeji a kà di teka hé a kà xiketela, jithéthembua kubenha kuâ a kà ku katula-ku.

Jouele 3:15

Ni dikumbi ni mbeji a kà xiketela, jithéthembua ja kà lémbua o kubenha.

Amoji 5:8

Sotenu-phe ió ua bhanga o jithéthembua ja Ndumbe ia Ngombe, ni jithéthembua ja Mbuá ni Mbuiji ni Muthu; Ió ua bhingi o kuvunda kua usuku u ku lungulula kimene, o muanha u u lungulula usuku; uixana menha a musanza ua kalunga anga u a lunduluila ku thanduʼa mavu a kukuta. Jihova, diene o dijina diê.

Amoji 8:9

Jihova ua zuela, uixi: Ki a kàia-phe kuma, mu izuua mueneʼomo nga kà bhangesa kuila o dikumbi dia kà tula mu muanha ua mediia, o ngongo ia kà vunda ni kitombe mu kumbi hanji dia muanha uatu.

Matesu 2:2

A mu vuala, Sobha ia Jijudé, iu kuebhi? Mukonda théthembua iê tua i mono ku Thunda, etu tueza ku mu sambela.

Matesu 24:29

Jezú uixi dingi: Kutunda ku phaxi ia izuuʼ oio, dikumbi di vunda, o mbeji i kamba kumuika, o jithethembua ji laúka ku diulu, jinguzu ja maúlu ji tunguta.

Marku 13:24

Mu izuuʼomo-phe, kutunda ku divuuʼodio, dikumbi dia ka fulamana, o mbeji ia ka kamba kumuika.

Luka 23:45

O mvéu mu Tembulu, anga i tanduka mu ʼaxaxe.

Matendelelu 4:19

Di lange ue, phala o ki u bhetula mesu bhulu, anga umona o dikumbi ni mbeje, ni jithéhtembua, ni ima ioso kiá iene ku maúlu, muxima hé u ku tuma, eie anga usota kubheza o ima ia bhange Jihova Nzambi ié, phala ku kuatekesa naiu o ifuẋi ioso iala bhoxi dia diuluʼabha.

Dijingunuinu 6:12

Kienhókio nga mono dingi Kambudi kia jikula o kidimbu kia kasamanu. Kua bhiti kinuminu kia dikota kia mavu ni kutunguta kua ʼxi. O dikumbi anga di kituluka muene buí, mukuâ ni thanga ia ndômbe, o mbeji ioso ia kusuluka mukuâ ni manhinga.

Dijingunuinu 8:12

Anju ia kauana anga u xika koloneta iê. O dikumbi anga a di sosolola mbandu ia katatu, ni mbeji ni jithéthembua ue kiomuène, a ji jima mbandu ia katatu, o kubenha kuâ anga kuxoxouela mbandu ia katatu. O kizuua hé ki lémbua kúkia mbandu iê ia katatu, o usuku ue kiomuène.

Dijingunuinu 9:2

Anga muène théthembua u jikula mu dikungu dia mukiukuluku, anga mu dikungu mu fuafua dixi kala dixi dia dijiku dia dikota. Ni ku dikumbi, ni kuma kuoso, anga ku vunda mukonda dia dixi dia dikungu.