Dimatekenu 1:12 - O Mikanda Ikola

¹² Ixi anga i sabhuka iangu, ni idima i bhana mbutu ia kaiela mu kifua kiê, ni mixi i bhana ibundu, ni mbutu iê moxi, ia kaiela mu kifua kiê; Nzambi anga u ki mona kuma kiauabha.

Dimatekenu 1:12 ပူးပေါင်းရင်းမြစ်များ

Dimatekenu 1:11

Nzambi anga u zuela, uixi: Ixi i sabhuke iangu, ni idima i bhana mbutu, ni mixi i bhana ibundu, ku idifua-idifua, kala kidifua ni mbutu iê moxi, i kale mu ngongo. Anga ki di bhanga kienhiki.

Dimatekenu 1:13

Anga ku kala ngoloxi ni kimene, kizuua kia katatu.

Jisálamu 104:14

U sabhukisa iangu ia kúdia kua ibhaku, ni idima i sedivila muthu phala a katule kúdia kuê mu mavu;

Izaía 61:11

Mbata mukuâ ni kikala o mavu a sabhukisa o ngolôngo iê, kala ue o honga ki i fuafuesa ioso ia kuna-mu, kiene ue Ngana Nzambi kia-nda kusabhukisa o kuiuka ni diximanu phala o mbutu ioso ia athu.

Marku 4:28

O mavu a di imina ene, ku dianga o kixina, kuiza o disa, he ku kaiela o jimbundu jadisanze ku disa.

Luka 6:44

Mukonda muxi a uijidila ku ibundu iê. Ku minha kène kukanza-ku jifiku, o ku musonge ki ku kala ji-uva.

II Kolindo 9:10

O Nzambi mukua kubhana o mbutu phala ku kuna, ni musa ua kudia, uanda ku mi bhana ue o jimbutu joso ji mua bhindamena. Anga u ji sokolola, hé ji bhana ibundu ia kumuna i tunda mu kulenduka kuenu.

Ngalásia 6:7

Kana ku di nganala, Nzambi kene ku mu tobhesa. Kuma muthu kioso kia kuua, kiene kiandù bhongolola.

Jihebeleu 6:7

Kuma o mavu mʼombama ni mvula iene ku noka jinga, se ma bana idima ia mbote i uabhela oso ene ku ma dima, ma tambula dibesá kua Nzambi.