Dijingunuinu 9:7 - O Mikanda Ikola

⁷ O kihohuʼiki, kidifua kiê, mukuâ ni jikabalu ja zakela phala kuia ku ita. O ku mítue iâ, ku kala itundu iedi kala ia ulu, o pholo jâ jedi kala pholo ja athu.

Dijingunuinu 9:7 ပူးပေါင်းရင်းမြစ်များ

Daniiele 7:4

Kiama kia dianga mukuâ ni hoje, anga kikala ni mabhabha ma holokoko; eme-phe ngi kuata kukengelela, katé kia ki tukula o mabhabha, anga a ki bhana o kubhetuka ku mavu, ni kuimana nzànza kala muthu, anga a ki bhana muẋima ua muthu.

Daniiele 7:8

O ki nga kuata kutongolola jimbinga, talesa, kua fuafue dingi kalumbinga kòfele muʼaxaxi ka jimbingʼeji; o ku jimbinga ja dianga kua vuzuka jitatu phala kuehela kididi mbé o kalumbinga koka. Talesa o kalumbinga kenhaka kakexe ni mesu kala mesu a muthu, ni dikanu, di kuata kuzuela ni izala ioso!

Nahumu 3:17

O ilamba ié a di fu mukuâ ni kihoho, o atuminiʼé mukuâ ni mahoho a makota a tula ku iangu mu izuua ia mbambi, ki tua o muanha-phe anga a tuka, ni bhu kididi bhua kexe kejiia-bhu dingi.

Dijingunuinu 6:2

Ngedi ngi tala, kua moneka kabalu kazela. O ua mondala-ku ua kuata mufula, muène anga a mu bhana kitundu kia ungana. Hé u tunda ni uzonda ua kuia ni kùlua ni kutolola.

Dijingunuinu 9:3

Mu dixi anga mu tunda kihoho, hé ki di zala mu ngongo. O kihoho anga a ki bhana o kukola uila ki kôla o jimbalanganza mu ngongo.