Dijingunuinu 9:5 - O Mikanda Ikola

⁵ Inda o kihoho ue ka ki ehela ku a jibha, maji a ki ehela ngó ku a talesa hadi mu mbeji jitanu. O kukata kuê mu kunumata, mukuâ ni kukaia kua mbaianganza ki i numata muthu.

Dijingunuinu 9:5 ပူးပေါင်းရင်းမြစ်များ

II Malunda 10:11

Kienʼiki se tatʼetu ua miʼambatesa jungu ia neme, eme-phe ku jungu ienu nga-nda ku ta-ku dingi; o ki kala tatʼetu ua mi beta ni jixikote, eme-phe kiá nga-ndu mi beta ni jimbalanganza.

II Malunda 10:14

Hé u a zuelela kala kia muʼambela kaiula ka minzangala, uixi: Se o jungu ienu tatʼetu ua i nemesene, eme-phe nga-ndu mi tela-ku dingi; tatʼetu ua mi beta jinga ni jisuanzu, eme-phe nga-ndu mi beta ni jimbalanganza.

Jobe 2:6

Jihova anga uambela Satana, uixi: Tala, muene uala bhu maku mé; mu lange ngoho o muenhu uê.

Izekiiele 2:6

Eie-phe, u monʼa muthu, kana ku a kuatela uôma, mba u kala ni uôma ua ioso ia zuela; né-mbe hanji o izuelu iâ i di-bhanga muxitu ua minha ni jisongo phala eie, eie anga u tunga ni jimvuanga, kana kukala ni uôma ua izuelu iâ, mba u teketa ki u mona o jipholo jâ, kuma ene ala dibhata dia ẋinuka.

Daniiele 7:6

O ki kiabhiti, ngi kuata dingi kukengelela, talesa, kua moneka kiama kiamukuâ kia di-fu ingo, o ku kunda diê kuala mabhabha mauana ma kinjila; o kiama kienhiki kia kexe ni mítue iuana, anga a ki bhana kutumina.

Nzuá 19:11

Jezú, uixi: Eie kueju kala ni kutena kua ku ngi bhanga kima, se a kambele ku ku bana-ku kuala Nzambi ku diulu. Kienhiki, uoso ua ngi bhakula ko kué, muè uala ni kituxi kia dikota.

Dijingunuinu 11:7

Kioso-phe o mbangi jiiadʼiji ki ja kà zubha kutanga o njimbu iâ, o kiama hinu ki tunda mu dikungu ki di moneka hole, ki lua-nâ ita, hé ki a tolola, ki a jibha.

Dijingunuinu 13:5

Kiama anga a mu bhana dikanu di zuela ima ia mu tundu, ni isunji iaiibha mu kuxinga Nzambi. Hé a mu bhana kijingo kia kubhanga imbamba iê mu makuinhi auana a mbeji ni jiiadi.

Dijingunuinu 13:7

A mu bhana ue ukota ua kùlua ni akua-Ngana, ni ku a tolola. A mu bhana ungana ua kutumina o miji ioso, ni madiembu, ni madimi, ni ifuẋi ia athu a ikonda ioso mu ngongo.

Dijingunuinu 9:10

Anga ki kala ue ni mikila i numata, uila ki kala o jimbalanganza. O ku mikila iâ, kuene kua sueka o kukola kuâ, kua kukuama na-ku athu mu mbeji jitanu.

Dijingunuinu 9:3

Mu dixi anga mu tunda kihoho, hé ki di zala mu ngongo. O kihoho anga a ki bhana o kukola uila ki kôla o jimbalanganza mu ngongo.