Dijingunuinu 9:21 - O Mikanda Ikola

²¹ Nguá-uâ kudiela o ujibhanganga uâ, ni uloji, ni undumbu, ni uii uâ.

Dijingunuinu 9:21 ပူးပေါင်းရင်းမြစ်များ

Izaía 47:12

Kolokota muene ni maumbanda mé ni mauanga mé, mu uakulu-nâ tundé ku undenge; u tale se utena kubhandulukila-ku, mba u tena muene ku di-fikidila.

Izaía 47:9

Maji o ima iiadi ienhiʼii-phe ia-nda kuiza ku thandu dié mu kathangana kamoxi, mu kizuua kimoxi ufunda ana, o utudi u ku iza ue; ima iii ia-nda kuiza muene ku thandu dié ni nguzu ioso, mukonda eie uanga ua u tundisa, mukonda dia maumbanda mé kuvula.

Izaía 57:3

Enu-phe bhiẋilenu bhabha, mu anʼa mama ia tambula uanga, mbutu ia kidianzunga ni ndumbu.

Daniiele 11:33

Oso akua kilunji, muʼaxaxi ka kifuẋi a kà longa muene mundu; hanji-phe, a kà laúka ku xibhata, ni ku milengo ia túbhia, ni amoxi a kʼàia ku ubhika, o iá a kà a bhûnda; maji kienhiki kia kà bhita mu kithangana kia tokala.

Malakiia 3:5

Bhenhobho, Jihova, uixi: Kienhókio nga kà mi zukama kiá, milonga ienu nga kʼèza mu ku i fundisa anga ngi kala ngi mbangi ia kubatula lusolo mu kubelesa aloji, ni akua ku ta jiphanda, ni iá a loka mu makutu, ni iá a kamba kufuta kitadi kia jingunza ja a a kalakalela, ni ió a bhingi kuila o mutudi, ni monʼa difundu, a a bhondeleka muene, ka xikina kubatula ni kuiuka o mulonga ua ngenji-a-thumba ua tundu dikanga, a lémbua ku ngi kuatela uôma, eme ngi Jihova dia Ilombo Ieta.

Matesu 15:19

Mbata mu muẋima muene mu tunda ixinganeku iaiibha; makujibha, jiphànda, maundumbu, mauii, maumbangi ma makutu, makuxinga.

II Kolindo 12:21

Ngala dingi ni hele, sumba ki bhita, kuila hinu ki ngiia kuenioko, Nzambi iami u ngi tununa bhu pholo ienu. Hé ngi kala mù dila mukonda dia enʼió avulu, oso a diangele kuta ituxi, maji nguâ kudiela o undumbu uâ ni ufusa, ni uhabhu uoso ua bhange.

Ngalásia 5:20

Ubhezelu ua iteka, uanga, athu a di kuatela unguma, a di dia milonga, a di bhanga kusuina, a di temena, a di kuata jimvunda, akua difuba, akua luimbi. A di zemba, a di muangununa ku madianda-madianda, ni ku ibuka-ibuka.

Dijingunuinu 13:13

O kiama kia kaiadi kiki, anga u bhanga iphata ia makota, katé ni kubhangesa kuila túbhia tu tuluka ku diulu katé bhoʼxi, bhu pholo ia athu oso.

Dijingunuinu 13:15

O kiama kia kaiadi kienhiki, anga a mu bhana o kutena kua kuila o kitèka kia kiama kia dianga u ki bhana kubhuima, anga kitèka kia kiama ki zuela hé ki kala ni kutena ue kua kujibha oso a di tunu ku ki bheza.

Dijingunuinu 13:7

A mu bhana ue ukota ua kùlua ni akua-Ngana, ni ku a tolola. A mu bhana ungana ua kutumina o miji ioso, ni madiembu, ni madimi, ni ifuẋi ia athu a ikonda ioso mu ngongo.

Dijingunuinu 14:8

Anga ku kaiela anju iamukuá ia kaiadi, uixi: Ia jimi! Ia jimi! O Babilónia ia dikota ia jimi, ia kexi mu kuila o ifuẋi ioso u i nuisa ku vinhu iê—o vinhu iê ia nguzu, i salukisa, ia undumbu uê!

Dijingunuinu 16:6

Kuma ene a lundulula jinga manhinga ma akua-Ngana ni ma jipolofeta, eie-phe ue ua a bhana manhinga phala kùnua. Mukonda a-lu tambula kioso kia a fuama!

Dijingunuinu 17:2

O jisobha mu ngongo ja bhanga jinga-nê undumbu, o athu a tungu mu ngongo ua a kodiuisa jinga ni vinhu ia undumbu uê.

Dijingunuinu 17:4

O muhatu ua zuata jithanga jakusuka muene kiavulu nguíi, iú ua kembe ni ulu, ni madiiamande, ni jiphélula. Bhu lúkuaku ua kuata kopho ia ulu, iezala isunji ni imbamba ia ufusa, ia tundu mu undumbu uê.

Dijingunuinu 17:5

O bhu dibhomo diê bhuòsoneke dijina, o dijimbuluilu diê dia kasuèkele, exi: Babilónia ia dikota, mama u vuala idianzunga ioso ni oso a bhanga isunji mu ngongo.

Dijingunuinu 18:3

Kuma o mu kùnua vinhu iê i salukisa ia undumbu, muene mua di bhalela akua jixi joso. Jisobha mu ngongo ja bhangele-nê undumbu, o jingenji mu ngongo ja funine itadi mu ufusa uê uatundu!

Dijingunuinu 19:2

O kufundisa kuê kua kidi, kuaiuka! Mukonda o muène, kidia-nzunga kia dikota ua mu êlesa, ió ua bolesele oxi ioso ni undumbu uê. Nzambi ua mu futu o phonzo, mukonda muène ua jibha jinga o jiselevende jê.

Dijingunuinu 21:8

Maji oso-phe akua uôma, akua phulu, a bhanga isunji, ijibhanganga, jindumbu, ni aloji ni abhezi a itèka, ni akua makutu oso, o mbandu iâ ià kala mu kizanga kia uama túbhia ni xofidi; kuène o kùfua kua kaiadi.

Dijingunuinu 22:15

Ku kanga dia mbanza kuene kukala akua midimu ioso iaiibha, ni aloji, ni jindumbu, ni ijibhanganga, ni akua kubheza itèka, ni uoso u uabhela kuzuela ni kubhanga o makutu.

Dijingunuinu 9:20

O mundu uoso ua subhuka-ku, oso a kambe kúfua ku mabhebhuʼ ama, nguá-uâ kudiela o imbamba iâ ia kexi mu bhanga. Ka zumbuka o kubheza madimónio, ni itèka ia ulu, ni ia phalata, ni ngôndo, ni matadi ni mixi, ima i bhinga ki i tena kumona, ki i tena kuívua, ki i tena kuenda.